YESAYA 1:18 - ALLAH NIHYET MEM TUNGWATU NYA

¹⁸ tuhan pai “Jikwei ba, ikwam minggwen bit yam ser munhyet dini. Mbro nok gino jide sisar bindei ba, jingwoi kei noyam kin ban ngwoi lo, mididip tut jingonti bidibindei ba, tiei kei noyam kin bungguma. Mbro nok gino jide sisar mang bibor buhun tak je lo, midikos ser hagom bingwig leu je.

YESAYA 1:18 ပူးပေါင်းရင်းမြစ်များ

AYUB 9:33

Noro nikei di kos tut nyende munhyet biya hacan mem Allah kin dani hi ningat rin bi.

MAZMUR 51:7

Diyai mun tunggwei ba, dingon mui habiei disrekti he bi. Sisar kui da hammi tirigi dipmem sindi nghop tut da.

MAZMUR 51:9

Aciu ser ditde sisar leu api dingon kwes hanyen. Apiap da leu sisar leu binhyepo dingon tiei kei noyam kin bunggum.

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 3:13

tuhan tin ei mem gima pai kep Nide limwa nya bigwam nok nikei mem yok tu.

YESAYA 41:1

Allah pai “Je di timiei minu ting nya e, ma jigwam nyahan bijimiap kep dihyet. Ma jitin ei mem gima jinduk yam ei nikei noho bei bijipai brei binoni tut jide munhyet. Jikwei ba, isimbot kep biyam tut jide munhyet ba, ikos tut gi hi di ningon ngun kin gi hi di yai mun tunggwei.

YESAYA 41:21

tuhan di mben Israel ide nibou ndig pai bak kwar nya “Jisimbot dat jide munhyet ei nikei noho bei bijipai mun di jibisu tindei mun di srou je nya!

YESAYA 44:22

Dicok tut jide sisar noyam kin dicok tut bumbuhui. Ma jingkwei hanyen ndam Da lewo dikwek je leu mun di kat je tu!”

YESAYA 50:8

lewo Allah simiak da ba, Noni ndo brei bipia dibon mun tunggwei bi. Tou ripai kep da i? Ma no dima kin dani niya ei nikei noho bei! Tou ritte tut da i? Ma jicuk noni kwei ya simiak da.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YEREMIA 2:5

Noni pai, “Jidigup bat-jidigai bat nya ingat Ditde mun di diyai tunggwei hi di bindei dino yaham imbuk kep Da nya rimindei ngan i? Ikuk yok bak kwar di bon ninyeng bi di bindei ba, yonti cem ibon inyeng bi.

YEHEZKIEL 18:27

Ne gino no di mbuk mbres nonti leu sisar leu api yai kep niyai munti di kei bibor di igbit cem ne noni hek tut niyaisi.

YEHEZKIEL 33:16

Midiyok ngon kep nide sisar di noni bon kep dima bu bi leu api noni mehek tut niyaisi lewo niyai munti nya dima kei bibor ba, igbit cem.

MIKHA 6:2

Mbigdip nya kin dihyeisi dini nikiou nya e, ma jingig jitingou mem tuhan nihyet di pai kep mben Israelti! Lewo Noni mipai kep mben Israel ei nikei noho bei biwit huk yok drek dip.

KISAH 17:2

Gima rino Paulus yai nok niyai kepti bicoi ug ei ig mbusyamei dima ba, noni kin mben Yahudi isimbot kep biyam tut Allah nihyet mem ide Njap Nigwam Kep Ninghuisi kikau ei ari ningai di bram yam dima.

KISAH 18:4

Noro Paulus ba no bikum mben Yahudi kin timiei minu Yunani nya ei ide ig mbusyamei bikwop ide Njap Nigwam Kep Ninghuisi. Noni simbot kep tut Yesus bit yok bibrim ningkek kep yok leu binhyepo ingon jo kep.

KISAH 24:25

Noro Paulus huk nihyet kikau bitri tut ningon srenti kin noom ningonti kin hukum di micut igkep tungwatu nya mem Njap Ningwig Honti cem. Feliks ningon ttin bibor bimbrua Paulus drek dip bipai “Cobi! Nogindini disindui sut ba, ambut hak ug. Mpe hi bu tirigi bon nikwesti mem da lene midihig na hanyen kwei.”

ROMA 5:20

Allah Nonti yai Puig Yahudi niggai serti bak mben Yahudi. Mbro nok gino tungwatu nya ibingon mem gima ibit Puig Yahudi niggai serti lo, ikum ei nipigau Puig Yahudi niggai serti ba, ibon sisar ei Allah niyai him. Mbro nok gino ikum ei ide nibon sisarti nindig bibor lo, Allah kum ei nisingat tut yokti nindig bibor bu.

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.

SAMUEL GI NIGOM 12:7

Nogindini ma jiya jiyati hak ug. Midipai kep jinghapti ei tuhan Noho bei ug e. Ma jiyok ngon kep Nide nisingat tut jeti nya di Noni ndo bijeni kin jidigup bat-jidigai bat nya cem hagom.