YESAYA 1:16 - ALLAH NIHYET MEM TUNGWATU NYA

¹⁶ Ma jibon midut di bindei ba, jingon tiei kei. Ma jikes hon ba, jibon sisar bu au. Igbit ri! Ma jibon sisar bu au!

YESAYA 1:16 ပူးပေါင်းရင်းမြစ်များ

NIBOU NDIG NYA GI NICAN 17:13

tuhan pinak Nide awak nya kin Nide nabi nya cem ndam limwa Israel kin timiei Yehuda nya leu binhyepo isok kep yok “Ma jikes hon jibon munti di kinei nya lene ma jibit dicuk jeti nya kin dikos tutti nya di diyai bak jidigup bat-jidigai bat nya ba, diyai bak jeni cem tug hon Ditde awak di nabi nya dima.”

MAZMUR 26:6

tuhan e, dipiap dinda lene gima bindo tut bipia ditunggwei sut Nani bi. Leu api dimbut nyen ttai Ade nimbar hum dok.

MAZMUR 34:14

ma noni pijuk nidwep ser nhyema pai tungwatu nya kinei biris mun au.

MAZMUR 37:27

Jimbres jenti leu sisar lene ma jiyai kep jiyai munti di kei nya leu api jide nintun him yamti di bram yam nya mibong kei migwam kei ei idihyei bijo ninno bijo kikau.

MAZMUR 51:2

tirigi Natan pai kep noni drek dip gi cut tut Batsyeba.

NIPINGOK NINGONTI 21:3

Ayai munti nya di igbit ba, sren kei cem kei bibor ei tuhan niyai him dor njiriek midut di abon ei nimbar hum dokti bak Noni.

NIPINGOK NINGONTI 4:27

Ma aom nanti ei minu ting leu mun di kinei lene aba angon di sren bimbut llu ug bipek nipekti. Ma akriek leu puig di nijit jit-jau au.

YESAYA 52:11

Je di jittei tuhan De Ig nimbumbati nya bijikwei sut e, ma jikes minu Babel ei ba, jikwei leu! Ma jingget mun di map kuisi au. Lene ma jitin ei jingon di kwes kei nipou tirigi jikwei krau bigyo.

YEREMIA 18:11

tuhan pai bida “Nogindini ma atri tut bak timiei Yehuda kin timiei minu ndig Yerusalem nya bipia dikos dat bipia ditte tut yok leu api midikes hukum ei yo dip. Ma asok kep yok leu binhyepo ikiek yo leu igyai munti di kinei bibor nya leu api ikinding igyaijoti kin igyai munti nya bikwes.

YEREMIA 25:5

Nabi dima yok icuk je leu binhyepo jikes hon jiyaijoti di kinei bibor kin jibon munti di sisar ntun him leu binhyepo jibong kikau ei minu di tuhan yai bijeni kin jidigup bat-jidigai bat nya nok jide minu ninda rom dini.

YEREMIA 26:3

Mpaba Ditde limwa nya ingig itingou mem ahyet bittin ser ide sisar. Gi nok lene midiluei dingonti tut mun di buhun di dikes ei yok dip drek dip igyai munti di kinei bibor nya.”

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

AMOS 5:15

Suar jingon mpo tut mun di mbuk bibor bijingon ngakei mun di kei bibor. Suar jahati tut nikei nikos tutti di sren kei nya. Mpaba tuhan mingondut mben Israel nindigsi di imai bigyo drek dip jiyai munti dima e?

YUNUS 3:8

Ma tungwatu nya kin mindhe-ndhe nya cem yahagom ijuk sinsun kron leu api yuhuk nadi bak Allah bikiek leu igyai munti di kinei bibor nya bittin ser ide sisar cem.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

ZAKHARIA 7:7

tuhan tri tut nisokti dima tug hon nabi nya ei nijam gi nipou pini jug di timiei minu ndig Yerusalem ibong kei igwam kei ba, mpia mbum-bra ri. Ei nijam dima ne ibong ser minu mien nya di jo ttai minu ndig he bi noro ibong ei minu mien ei nite bei mpia nibiho kin mbigdip nimig him nya ei nite bei mpia nicutti cem.

MATIUS 3:8

Ma jiba jiyai munti bindo bipia jittin ser jide sisar bijikiek ndam Allah tu.

KISAH 22:16

Nogindini amem kep ser mindei i? Akiju ba, ayai nitur na ei minyeiti ba, ahara Tuhan leu binhyepo Noni kwek na leu ade sisar cem.’ ”

ROMA 12:9

Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.

PETRUS GI NIGOM 2:1

Gima rino ma jicom sisar hagom leu je hak ug. Ma jiris yam cem jingon can cem jingon kinei sut yam cem jipai yam kinei cem bu au.

PETRUS GI NIGOM 3:11

Suar noni mbres nonti leu sisar biyai kep niyai munti di kei nya lene ba ningon titut yam bibrim ningkek bibindei ba, ningon kwes kin nisut bat yo di ingon jo kep nya.

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.