YEREMIA 9:9 - ALLAH NIHYET MEM TUNGWATU NYA

⁹ Suar ma dikes hukum ei mben dini yok dip bit leu ide nibon munti nya bi e? Midibuhup biyok drek dip ide nibon munti nya bi e? Da di tuhan disimbot dat tu.”

YEREMIA 9:9 ပူးပေါင်းရင်းမြစ်များ

YESAYA 1:24

Gima rino tuhan di nok mben Israel ide Allah Di Sindem Bibor pai biyok “Je di jinok siceu ndam Da e, midibirop hanyen bije leu binhyepo bit bon jibindin-ndin nyen Da bu kan bi.

YESAYA 10:3

Mijibon mindei mem njap di Allah kes hukum ei je dip i? Mpe di Noni kes mun di buhun leu minu ting kwei ei je dip ne jindei mihwen i? Mijahara tou rimem gima mpu je i? Mijiku jide mun di jinyeng tut nya ei hantou i?

YESAYA 57:6

Jimbus kru kwai ei mpia dima keyam bijikuk je bak ba, jiba ba anggur ngei biprok kru kwai dima leu api jiba nibon midut gandum bikuk je bak cem. Jikan bipia dingon kei sut jiyai munti dima yok hagom e?

YEREMIA 12:11

I, dingat lo, ibindei Ditde minu bidem kep mpia di mbum-bra di biyai ningon di ngguk. Hagom kinei-kinau leu api hi di ningon buhun tut bi.

YEREMIA 12:4

Dihyei ninjek dip ei minu dini mingak-cai ba, gandum mimui bidem ngoi dumti nya ug bipek apig bu i? Nyende mben ide nisibutti bindei ba, ha nya kin mindhe-ndhe nindigsi nya imai ningwig tu. Yo dima ipai bipia Allah ngat mun di mipek kep mem nye bou niyai him bi.

YEREMIA 4:25

Dimian ser lo, tungwatu hi ningat rin bi ba, ha nya cem hagom dimba leu su.

YEREMIA 5:29

Noro Da di tuhan midikes hukum ei yok dip drek dip mun dima yok hagom. Midibuhup mben dini ide niyai munti nya hagom.

YEREMIA 5:9

Suar dikes hukum ei yok dip drek dip igyai munti dima ba, dibuhup biyok tut mun di ibon nya.

HOSEA 4:3

Gima rino ide minu dini mingak-cai hanyen leu api mun di ninnei tau nuhwap nsi hagom mai bingwig bitut mindhe-ndhe nya kin ha nya kin wau nya cem hagom.”

YOEL 1:19

tuhan e, dahara Na. Ma akwei mpu nye lewo abris nghousi kin biei nghousi nya ngoi-nga noyam kin hum sror biyem hagom bingwig leu su.

AMOS 5:1

Je di mben Israel e, ma jimiap kep dihyet lewo midiba doia ningon di ngguk bikiek je.

AMOS 5:2

Mben Israel nok sop gwam nitta pilei di cut tu bikiju hanyen bu bi sren! Tungwatu nya isindui sut noni ei nide dihyei ba, kiju leu nicut eisi bi. Hi brim ningkek mem gima kon noni bikiju hanyen bi.