YEREMIA 9:7 - ALLAH NIHYET MEM TUNGWATU NYA

⁷ Gima rino tuhan Di Sindem Bibor pai “Midibingon Ditde limwa nya dem kep nok tukan di kwen ngkimom nitu leu binhyepo idem kep ngkimom nitu di pimbai kei. Mindei bu rima dibon bak Ditde limwa di ibon mun di kinei bibor dinok gima i?

YEREMIA 9:7 ပူးပေါင်းရင်းမြစ်များ

SAMUEL GI NICAN 13:26

Lene Absalom pai bak “Gi nok lene ma ace tut dikindig Amnon bibit nye.” Nibou ndig srep “Noni cem suar gima bit na bi.”

NIBOHON MBEN ISRAEL GI NICAN 36:15

Idigup bat-idigai bat nya ide tuhan Allah pinak Nide nabi nya bingkwei-ngkwei nyen kep Nide limwa nya mem gima isok kep yok. Lewo tuhan ningon ngakei yok bitut Nide Ig cem.

MAZMUR 120:4

Noni miba nikon pran cig de tibor di nggwen bibor kin hum mbom di cig-cai bikes hukum ei na dip!

MAZMUR 55:22

Ba nihyet di mmau bihwen ingon noro ningat ne ningon mpo bibor. Ba nihyet di nem-nnai kei cem bihwen ingon noro gima noyam kin singau simeda di nggwen-gwau di digo yok.

MAZMUR 62:5

Jiyok jingon mem gima jibindei cut ninyeng jeisi. Jiyok jingon gom mem joom biei kep noni lewo jipai nihyet di binjei mun di kei bak noro jiba nihyet di jibisigion noni ei jingonti.

YESAYA 1:25

Midiyai dibou tut je nok gini. Dibindei ba, jingon pimbai kei noyam kin ngkimom nitu di tukan nya ikwen di pimbai kei. Dimbres map hagom bingwig leu je.

YESAYA 48:10

Diba ninghuisi wei di noyam kin hum bibingon je noyam kin perak di tukan kwen ei humti bibindei ba, pimbai kei.

YESAYA 59:3

Jibon mun tunggwei tug hon gi jisuglai mun kin gi jiba jingon di gom biyai mun bi ba, tug hon gi jiba nisibut biyai jibou tut tungwatu nya bijiyai nimai biyok cem.

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

YEREMIA 5:1

Je di timiei minu ndig Yerusalem e, jijop jide puig ngot ei jide minu ndig ba, jingig jiyai kep bidem bijingat bou jiyai him. Jingig jiyai kep bidem puig mien di jo bidem jide minu ndig bijingat tungwagom di ningon sren di brim ningkek mem Allah biningon gom tut Noni bou jiyai him e? Gino tungwagom ningat rin lene tuhan mikos ser timiei minu ndig Yerusalem nya ide sisar.

YEREMIA 6:27

tuhan pai bak Yeremia “Ma abingon Ditde limwa nya noyam kin gino abingon ngkimom nitu. Ma ayok ayai kep igyai munti nya!

HOSEA 4:1

tuhan pai kep yo di ibong ei minu dini drek dip ide mun di srou yok. Je di mben Israel e, ma jimiap kep nihyet di pai bije “Tungwatu nya bidem minu dini nisurti-nipekti ingon gom tut yam bi ba, ingondut yam bi lene ijoi sut Da bikuk yok biDa cem bi.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

MALEAKHI 3:3

Noni mikwei kes hukum ei tungwatu nya dip noyam kin nikinding ngkimom cig di ndig perak kin mas kep hum bibindei ba, mumpiang joti bi. No di tuhan pinak kwei mindig imam nya ingonti kep hum leu binhyepo ibon midut di igbit tuhan ningon kanti bikuk yok bak.

PETRUS GI NIGOM 1:7

Ide nibingon jeti ndo bindo tut gino jiba jingon com Allah haigtu e, he bi e? Bit leu nok mas di nok mun di pror yon di tungwatu nya ikwen ei humti. Jide niba ningon comti bon ninyeng dor njiriek mas. Mun di buhun bingon jide niba ningon comti bindei ba, jiba jingon com Yesus Kristus mungkun kei. Gino jingon nddong kikau lene Allah nggei sut je bikon jinyeng cem leu api jiyai jinyeng jei ei njap dino Yesus Kristus ttau hanyen kwei.

PETRUS GI NIGOM 4:12

Disut bat di dingon kieti jen, ma jinga leu sut ninghuisi di wei bibor di cut igkep je di bingon je tereu nok mun di buhun bibor di cut igkep tungwatu nya bikwop njap ngwa hagom au.