YEREMIA 9:6 - ALLAH NIHYET MEM TUNGWATU NYA

⁶ Nisibut tut yamti jo kep nisibut tut yamti ba, niris mun biyamti jo kep niris mun biyamti. Ibon kep nok gima bijo kikau ba, irok tuhan bibor ei cem.

YEREMIA 9:6 ပူးပေါင်းရင်းမြစ်များ

YEREMIA 13:10

Mben di isibut bibor dini igibit dihyet bi lewo ingkek ndok bibor. Ikuk yok bak nung di ngkiai nya ide ba, inok awak mem. Gima rino yoni midem kep minghas di nggun dini.

ROMA 1:28

Allah sindui sut yok ba, ingon kanti di mpiei bibor bindei ba, igyai kepti nya tunggwei sut Allah ningon kanti mem yok lewo ikou sut gima ipwoi nimbot kepti di nijit-jau tut Noni ei ingonti.

HOSEA 4:6

Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.

YEREMIA 20:10

Dimiap tut yo di yahamui nyahan bidem minu ighyet di ipai “Ningon ttin biborti kieng kep minu! Jikwei ba, iba kilak Yeremia bak nibou nya!” Disut bat di dingon kieti nya cem imem kep ser dicutti. Isimbot kep biyam “Ma ibingon mem gima iba ninsi di mmau biris noni leu api noni micut bak nyeni. Leu binhyepo ikat noni ba, iba ingon di mbuk birop hanyen bak.”

YEREMIA 11:19

Didem kep domba di ijem nyahan ug ei mpia di ikos kep domba nya eisi. Ikos tut ingon kanti di kinei dima mem dani lo, digikan tut bi. Yuhum yam nsi “Jikwei ba, iwim biei di ngat ningat kei dini. Icok tut noni hak ug leu binhyepo tungwatu ingon prion ser ninyeng hak ug.”

YEREMIA 8:5

Nggon rino je di jinok Ditde limwa nya jikriek leu pui di nijit ba, jiba jinghim biDa bijo kikau i? Jikrau kep jide kwar nya di jikuk je bak bingkiem ba, jikou sut gi jingkwei hanyen ndam Da.

YEREMIA 5:27

Yoni inju ndigban di iba niris mun biyai nya kui ig di ide nya dem kep nok no di huk ha di nju ha keyam ei nide bansiti. Igyai munti dima bindei ba, isindem bibor binyeng cem,

NIPINGOK NINGONTI 1:29

Jisem tut nintin kimboti bijikou sut gi jibit tuhan nihyet ninno tu.

NIPINGOK NINGONTI 1:24

Dihig je ninno tu lo, jikou sut da bijingkek ndok tut dihyet.

KORINTUS GI NIGOM 15:34

Joom jingon ba, ma jibon kep sisar bu au. Ma jimmai sut jenti lewo ibou poi di isrig jikieti ingon kwes kin Allah bi.

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”

SAMUEL GI NIGOM 2:12

Mpe dima lene Eli nipmot bat cin igyai munti nya kinei bibor. Ingkek ndok tut tuhan ningon kanti ba,

YESAYA 1:3

Sapi kan tut niceu ba, keledai kan tut mpia ttou nsi di niceu hyen kep eisi. Noro Ditde limwa di mben Israel ikan tut ba, ingon dorti tut bi.

YEREMIA 11:10

Ibon kep sisar di idigup bat-idigai bat nya ibon kep. Sisar di idigup bat-idigai bat nya ibon kep dima rino igibit dihyet bi ba, ikuk yok bak nung di ngkiai nya ikuk yok bak nya. Igyai mun bibicim tindei Ditde nicuk yokti cem bi. Israel kin Yehuda yahacem injiriek Ditde gi preu di dipreu ei mem idigup bat-idigai bat nya tu.

YESAYA 1:25

Midiyai dibou tut je nok gini. Dibindei ba, jingon pimbai kei noyam kin ngkimom nitu di tukan nya ikwen di pimbai kei. Dimbres map hagom bingwig leu je.

YESAYA 4:4

tuhan ba Nide nisindemti bigwam nok nikei mem Nide limwa nya bibindei ba, ingon kwes. Noni mibindei pwoi timiei Yerusalem nya leu yo di itug ndei nimai ei minu ndig Yerusalem inggrom a.

HOSEA 11:8

tuhan pai “Je di mben Israel e, bit bon disindui sut je bidikes je ei kan bi. Mbro nok gino dibindei ba, mben Adma isar bingwig ba, dibibon mben Zeboim kinei lo, gino dibibon je nok gima ne gima dem dingon bi lewo dingondut je nindig bibor!

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”