YEREMIA 9:23 - ALLAH NIHYET MEM TUNGWATU NYA

²³ Lene tuhan pai “Ma yo di ingon ki nya illei sut ide ningon kiti au. Ma yo di isindem nya illei sut ide nisindemti au. Ma yo di inyeng nya illei sut mun di inyeng tut nya au.

YEREMIA 9:23 ပူးပေါင်းရင်းမြစ်များ

YESAYA 5:21

Buhun bibor mem je di jikan bipia jingon ki ba, jintin kimbo bibor cem a!

NIBA NINGON SRIP HUKTI 9:11

Dingat hi kin bu bou diyai him ei dihyeisi dini. Ibinang yam ne mpe hi no di dor sindem ug krau nipekti bibie bi. Ikon pran ne mpe hi no di mimbri kui ningkek bindei sar nide siceu bi. Mpe hi no di ningon ki tug ndei mun di bahati tut nonti bi. Mpe hi no di nintin kimbo nyeng tut mitiei nindig bibor bi. Mpe hi no di ninda bit hou tug ndei ninyeng di jei bi. Lewo mpe hi ne mun di buhun cut igkep tungwatu nya yahagom.

ROMA 1:22

Ipai sut yonti bipia ingon ki noro bi lewo ingon mbum yo.

YEHEZKIEL 7:19

Yoni micom ide mas kin perak ei puig sinon nok mumpiang. Lewo ei njap di tuhan siber niggati ei yok dip ne bit bon mas kin perak dima teu yok bingwes ngun kan bi. Noro mas kin perak dima bindei ba, icut ei sisarti. Iba mas dima bimpu ingon priti bicut ba, igyem mas kin perak dima kep inggumti kan bi.

NIPINGOK NINGONTI 11:4

Mpe dino aum nimai lene mun di anyeng tut nya mibon ninyeng mem na bi sren. Gino aba angon di gom biyai mun ne angwes ngun drek dip.

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

MAZMUR 62:10

Tungwatu nya idem kep ninnei di ihi mbigom ngat he. Yo di inyeng jei kin ide limwa nya yahagom ibon inyeng bi. Gino ibakilo inyeng jeisi nibuhunti ne ingat lo, nggan-nggau dor njiriek ninnei di ihi mbigom ngat he nibuhunti.

NINDAT KEP TUHAN NICUKTI NYA 8:17

Gima rino ma jikan bipia mijinyeng tut mun dima yok hagom tug hon jide nisindemti au.

TIMOTIUS GI NIGOM 6:10

Lewo niba noho rok mitieisi rinok nibousi mem sisar ninyeng hagom. Tungwatu nya ibou poi di iba yoho rok mitiei ikes hon ba, ingon jo kep bu bi lene ibimangkrei ingonti ba, israwir tu.

MARKUS 10:24

Tirigi yo di igya kui Yesus imiap nipaisi dima lene inga leu tut. Noro Noni pai bu “Dimunggwom bat jen, nggruk bibor mem tungwatu nya inggre kin Allah Ninyeng Tak Kepti!

ZEFANYA 1:18

Bit bon yo dima ide mas kin perak di inyeng tut nya giteu yok bingwes ngun mem njap di tuhan ndo nigga biborti kan bi. tuhan de nigga biborti di nok hum di cig-cai miyem dihyeisi dini titut yam bitimek bindung-ndiem. Noni muhun tungwatu dihyeisi dini hagom innei leu insi kros.

YEHEZKIEL 29:9

Minu Mesir miwer minu prenti di mpia mbum-bra bram apino akan tut bipia Dani ne tuhan ri.” tuhan pai “Nibou ndig minu Mesir e! Ajem Minyei Pmem Nil bou na nok ade lewo nani rino apai tes e?

YESAYA 10:8

bikon nonti bipai “Ditde nibou pran nya yahagom ne nibou ndig ri!

NIBA NINGON SRIP HUKTI 2:19

Ba, dikan bipia no di ya luei dohoti dima ningon ki e, he ningon mbum e, dikan tut bi. Mbro nok gino ningon ki e, he ningon mbum lo, ninyeng mitak kep ningat di dicom dahanggwap tut kin ningat di diba ningon di ki biyai mem nijam di diyaijo ei dihyeisi dini. Ba, gima cem mun di bit bon dingon dorti tut kan bi ri.

SAMUEL GI NIGOM 17:42

Tirigi noni kwei dideu bingat igbit Daud tu lene ningwes om kep bipa ndip noni lewo Daud ne pinai pilei he di ningkek sibui kei.

DANIEL 3:15

Gi nok ne tirigi pun mbrei kin porei kin nggong mbrei kin rebab kin gambus kin serdam nya bitut mun di tungwatu ikek nindigsi nya hagom nibimbiti tibim hanyen ne suar jikuk je bak kwar dima bijinggei sut. Gi bi ne yo di igya ser nya micom je tut jiyaisi ug ei tong nsi di hum njeng cig-cai eisi. Jikan bipia kwar ninyeng hi mikwei teu je leu hukum dima e?”

KORINTUS GI NIGOM 1:31

Gima rino bit leu nok gi ipas ei Allah nihyetti “Tungwa tou rino nggeinggwang lene ma nggeinggwang tut Tuhan de midyai nya.”

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

FILIPI 3:10

Dingon bisau sut mun nyeng gom ngat he. Mun nyeng gom ngat dima rino dingon bit Kristus leu binhyepo nisindemti di biwin Noni hanyen leu nimai eisi misindem tut da bidipriet kin ninghuisi wei di cut igkep Noni bidinoyam kin Noni drek dip nimai ei biei salibti.

AYUB 32:13

Nggon rino jipai bipia juum ningon ki pima tu i? Suar Allah Nongkom buhup Ayub nihyet lewo jikes jihyet hak leu ba, jigibuhup kan bi.

NIPINGOK NINGONTI 3:5

Ma aba angon titut yam bicom com tuhan lo, aba angkiem bisu ade ningon dorti au.

NIPINGOK NINGONTI 21:30

Tungwatu nya ide ningon tekti kin ide nintin kimboti kin ide ningon kiti jo binghig ei tuhan Noho bei bi sren.

YESAYA 20:5

Yo di iba ingon com mben Sudan ba, inggei sut mben Mesir cem ne minso ba, ide niba ningon com yo dimati mitimek hak.

YESAYA 47:10

Akan bigya abong kei agwam kei tug hon ade nisibutti. Akan bigya hi di ngig niyai kep ade nibon munti nya bi. Noro ade ningon kiti kin ade ningon kimboti bindei srawir na lewo akan bigya hi di noyam kin nani bi.

YEREMIA 48:7

Minu Moab e, aba angon com ade nisindemti kin ade ninyeng tut ndigbanti he. Noro tini bu ne siceu nya mibindei timek na ri. Siceu mikon jide kwar Kamos bitut imam nya kin yo di inyeng jei nya bikri yahagom ug ei nicom yok ug eisi.

YEREMIA 49:4

Je di jingon gom bi e, nggon rino jinggei-nggwang tut jide mbang briep di nnum kei nya i? Mindei rino bindei di jiba jingon com jide ndigban di jinyeng tut nya ba, jipai bipia hi di brim ningkek bihwen je bi i?

AYUB 41:15

Ninghim dem kep nok mun di tentara ibipukep ser tibor ninggwenti nya ba, hagom rap yam ba, nghai bibor noyam kin tig mma cem.

MAZMUR 33:5

tuhan ningon ngakei ningon di kwes-kwau kin ningon di sren-srau. Ningon ngakei nyeti ug hon nohonti bi bikieng kep dihyeisi dini hagom.

MAZMUR 34:3

Dinggei sut Noni tut niyai munti nya. Ma yo di indwau nya ingig itingou mem dihyet di bindei ba, ingon llei.

MAZMUR 44:9

Gima rino minikon anyeng binipai sigyo biNa bijo ninno bijo kikau.

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

YEREMIA 48:14

Pinjoi ndig di mben Moab e, nggon rino jiba jinsi bbed-bau bipai ‘Nyeni ne nihwen kep mun cig rin ba, mimbri kui ningkek cem ninda jo kep nikon pranti ninno tu, i?’

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.