YEREMIA 9:2 - ALLAH NIHYET MEM TUNGWATU NYA

² Handei kon ba, midingat mpia ttou nsi gom di yo di imbut puig sinon ibong kep inghuisi eisi ei iggum ndigsi mem gima dibongti lene midikes mben de nya leu ba, dinang ug ei mpia dima bidibong minu ting leu yok! Yahagom yaham imbuk kep Allah tu. Inok nimpung nibicom yam di ingon gom tut Allah bi.

YEREMIA 9:2 ပူးပေါင်းရင်းမြစ်များ

YESAYA 59:3

Jibon mun tunggwei tug hon gi jisuglai mun kin gi jiba jingon di gom biyai mun bi ba, tug hon gi jiba nisibut biyai jibou tut tungwatu nya bijiyai nimai biyok cem.

YEREMIA 12:1

tuhan e, gino dikon ditde munhyet bidikes ei Aho bei ne akos tutti nya rino igbit a. Noro suar dihig ser Na tut munhyet di bitut ningon gomti. Nggon rino yo di isibut nya inyeng tut mun di isuar nya hagom i? Nggon rino yo di ingon sren bi nya igyai bipek kep mun di ita ibou eisi i?

YEREMIA 12:6

Yo dima ibakilak na tu lo, yoni he bi noro bitut ade adig-ajoi nya cem. Yahagom ibicom yam mem gima ihwen na. Mbro nok gino ikes igkep ighyet di mmau kei lo, ma aba angon com yok au.”

YEREMIA 13:22

Hi rima jihig ser bipia nggon rino mun dini yok hagom cut igkep je i? Nggon rino siceu nya irik sinsun jide leu je dino ikat je di icut tut je i? Ma jiyok ngon kep bipia jitug ndei mun di buhun dima yok hagom drek dip jide sisar di nindig bibor.

YEREMIA 23:10

Minu dini mpung tut yo di ingon gom tut tuhan bi. Igyai munti nya kinei bibor ba, ibimangkrei ide nisindemti cem. tuhan sigion abris nghousi di mindhe-ndhe nya igyem apino minu dini noyam kin no di ningon ngguk tut nimai.

YEREMIA 4:22

tuhan pai “Ditde limwa nya ingon mbum bibor ba, igikan igbit tut Da bi. Idem kep munggwom di ingon huk niti tut mun nyeng hi haninyai bi. Ingon guhuk niti poi mien cem bi hak ug. Tut mun di kinei ne ibon kep igkei noro itunggwei sut nibon mun di keisi nya.”

YEREMIA 5:1

Je di timiei minu ndig Yerusalem e, jijop jide puig ngot ei jide minu ndig ba, jingig jiyai kep bidem bijingat bou jiyai him. Jingig jiyai kep bidem puig mien di jo bidem jide minu ndig bijingat tungwagom di ningon sren di brim ningkek mem Allah biningon gom tut Noni bou jiyai him e? Gino tungwagom ningat rin lene tuhan mikos ser timiei minu ndig Yerusalem nya ide sisar.

YEREMIA 5:11

Mben Israel kin timiei Yehuda nya yaham imbuk kep da bibor tu. Da di tuhan disimbot dat tu.”

YEREMIA 5:2

Mbro nok gino jipai bipia jikuk je bak tuhan noro jiyai igbit jipaisi dima bi.

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

HOSEA 5:7

Yoni ingon gom tut tuhan ba, imunggwom bat nya inok tuhan nimunggwom bat nya bi. Gima rino jei bi lene Noni bindei sar yahagom bitut ide minu hagom bitimek bingwig.

HOSEA 6:7

Noro noyam kin mun di pek kep ei minu mien Adam ba, jinjiriek nipreu di jipreu ei bit Da.

HOSEA 7:4

Yahagom yuhum yam nsi mem yok lene ingon gom tut yok cem bi. Ide ningon di kinei sut hiterti dem kep hum di nikang roti cig miep binjeng bigyo bibou kioi roti bidwoi mem gima non ei niti ug e ba, gi jo ne hum priot di mbom he.

MIKHA 6:12

Timiei di inyeng bibor nya ei jide minu ndig ico kep yo di yuhui mbum nya. Jahagom jinok niris mun cig nya.

ZEFANYA 3:4

Nabi nya igita ibou ei ide midyai nyati bi ba, tungwatu nya iba ingon com yok cem bi. Imam nya ibindei ba, map kui mun di ikwas pijum ei mem tuhan bikiek-kiek nyen Allah niggai serti nya mem gima bimpu yok tut mun di bon ninyeng mem yonti he.

MALEAKHI 2:11

Timiei minu Yehuda ipigau gi preu di Allah preu ei mem yok tug hon gi ibon mun di bindei ba, timiei minu ndig Yerusalem kin minu Yehuda yahagom igyai ngkek ttin. Pinai Yehuda ibindei ba, map kui tuhan De Ig di Noni ningon ngakei tug hon gi iwak sop di ikuk yok bak ngkiai nya ide kwar nya.

MALEAKHI 2:14

Jigom hig-hig nyen ser bipia nggon rino Noni kou sut mun di dibikuk da bak Noni i? Gima hagom nok lewo Noni ngat bou niyai him bipia apigau gi preu di apreu ei mem atnem di awak tirigi apilei yo pima. Mbro nok gino apreu ei mem atnem di ya kui na di nggre kin Allah de limwa nya lo, apigau noni.

YAKOBUS 4:4

Mei! Jingon gom tut Allah bi. Jikan tut bipia yo di inggre kin mun di pror yon ei dihyeisi dini iba nitok bak Allah bi e? Tungwa tou rino nggre kin mun di pror yon ei dihyeisi dini lene noni ba nitok bak Allah.

NIJAM NIKEI NYA 2:10

Lene andigpoi nya di igyaijo mem nijam pima cem yahagom ide njap ningwig honti leu api imai. Noro tirigi imunggwom bat nya indig su lene ikiek yoho ter leu tuhan bibit nihyet bi lewo ingat mindur di Noni bibon mem mben Israel pima bou igyai him ba, hagom pek kep mem yok bi.