YEREMIA 9:16 - ALLAH NIHYET MEM TUNGWATU NYA

¹⁶ Midibindei ntek gimahap yok srig ngkiai di yoni kin idigup bat-idigai bat nya cem ikan tut yok bi nya ikieti. Lene midipinak tentara di mikon pran bit yok bram yam kikau bibou yahagom isar bingwig ug e.”

YEREMIA 9:16 ပူးပေါင်းရင်းမြစ်များ

YEHEZKIEL 5:12

Ade timiei nya nittou nsi gom mimai tug hon nsuwer ajar kin ninggum di buhun di hwen minu ndig dima. Lene siceu nya miba singau simeda bitot timiei ade nya nittou nsi gom bu ei minu ndig nisai. Lene midibindei nittou nsi gom bintek gimahap nima ug-nima ug bidiba singau simeda buhuk yok nyen-nyen.

YEHEZKIEL 5:2

Suar andig nittou nsi gom ei minu ndig dima ninggimau yon tirigi niyon ttai minu ndig dima kes hon leu tu. Aba ade singau simeda bikkin abou nta dima lene abimbut ba, abigahai minu ndig dima. Leu api akrau nittou nsi gi ningwigsi ba, agimahap ug ei hou him. Leu api midiba Ditde singau simeda buhuk bram gima.

NINDAT KEP TUHAN NICUKTI NYA 28:64

tuhan mibindei ntek gimahap je ug ei ngkiai nya ikieti ei dihyei nisurti-nipekti. Ei sirima lene mijikuk je bak nung nya di iba biei kin tig bibon. Kwar dima ne gi hi di jigikan tut bi rin ba, jidigup bat-jidigai bat nya cem igikan tut bi.

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

YEREMIA 44:27

Midibindei ba, jitug ndei mun di buhun ba, jibong kei jigwam kei bi kikau bibou jahagom jimai ningwig ug e. Jimai ei pranti ba, jimai tug hon nsuwer ajar cem.

YEREMIA 13:24

Midibindei ba, jintek gimahap noyam kin pas ntam di hou di cut kwei leu iggum ndigsi ninnei miep.

YAKOBUS 1:1

Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.

ZAKHARIA 7:14

Dicok tut yok noyam kin sigau di nimig ten di cok tut yok apino bitig dino ibong ei ingkiaisi nya ug a. Leu api dihyei di nipou nnum kei dini wer mpia di ngoi-nga ba, ha he bong cem drek dip hi di bong ser dihyei dima bi.”

YEHEZKIEL 20:23

Gima rino tirigi ingat rin ei iggum ndigsi ne diba neheng bipai kep yok bipia midibindei ntek gimahap yok bibong bidem dihyeisi dini nisurti-nipekti.

YEHEZKIEL 14:17

Hi rima dipinak pran kwei ei minu dima tug hon tentara di ikrau minggwen di sindem kei nya bikwei mem gima diba yok bicok tut tungwatu kin mindhe-ndhe nya leu minu dima cem.

YEHEZKIEL 12:15

Mpe dino dibindei bintek gimahap ug ei ngkiai nya ikieti lene yoni mikan tut bipia Dani ne tuhan ri.

YEHEZKIEL 11:17

Gima rino ma apai biyok Da di tuhan Di Dinyeng Jei Bibor dipai bipia midinduk yok kwei leu minu di intek ug eisi nya hagom ba, diba yo bicom yam hanyen. Leu api dingkwei dihyei Israel bak yoni hanyen.

YEREMIA 29:17

tuhan Di Sindem Bibor pai “Midikes pran kin ninggum kin nsuwer ajar ei yok dip. Dibibon yok ba, idem kep biei ara ningat di kroi bibor di dem mem gima tungwatu nya igyem kan bi.

YEREMIA 25:27

Leu api tuhan pai bida “Apai bak yo dima bipia Da di tuhan Di Disindem Bibor di mben Israel ide Allah dicuk yok bidut kikau bibou ibou ngwak sibui sut ba, injim binghim dahat tut drek dip pran di dikes kwei ei yok dip di bindei ba, icut leu api bit bon ikiju hanyen kan bi ug e.

YEREMIA 24:10

Midiba pran kin ninggum kin nsuwer ajar bihwen yok. Apino yahagom imai leu ba, hi dima gwam ei minu di diyai biyoni kin idigup bat-idigai bat nya dini bu bi.”

MAZMUR 106:27

Noni micom ide nintun him yamti di bram yam nya ug ei ngkiai nya ikieti lene bindei ntek yok bintek gimahap ug ei ingkiaisi.

NEHEMIA 1:8

Nogindini ma akan kep ahyet po atri tut bak Musa pima di dindat kep bipia gino mben Israel ingon gom tut Na bi lene ma ajji yok ug ei ingkiaisi.

NINDAT KEP TUHAN NICUKTI NYA 32:26

Dibungwam mem gima dihwen yahagom bimai bingwig ser nhyema hiter igyok ngon kep yok bu bi.

NINDAT KEP TUHAN NICUKTI NYA 28:36

tuhan micom jeni kin jide nibou ndig ug ei jingkiaisi di jeni kin jidigup bat-jidigai bat nya ikan tut bi. Ei sirima lene ngkiai nya mikuk je nok awak mem nung di ikuk yok bak di iba biei kin tig bibon.

NINDAT KEP TUHAN NICUKTI NYA 28:25

Gino jibit jide tuhan Allah nicuk jeti nya bi lene Noni mibindei ba, jide siceu nya ibindei timek jeni. Mijibrim jimig sindem bibor ug ndam yok leu binhyepo jicut igkep yok noro mijinang sinsiou leu yoho bei. Tungwatu dihyeisi dini hagom di ingat mun di buhun di cut igkep je dima midigit tut.

NINDAT KEP TUHAN NICUKTI NYA 4:27

Noni mibindei ntek je srig ngkiai nya ikieti leu api jibou poi he mijingwes ngun.

YEREMIA 8:19

Jimiap i! Ditde limwa nya iba nipim bahara kot. Ighyet dima nugwei bong bidem minu nisurti-nipekti ba, ihig ser “tuhan ningat rin ei Sion bu bi e? Ide nibou ndig no hantou i?” Lene ide nibou ndig di tuhan buhup “Nggon rino jikuk je bak kwar di ibon inyeng bi bibor nya i? Nggon rino jibindei di dingon wei tug hon gi jikuk je bak kwar di jibon bou jinda him nya di ibon inyeng bi bibor nya i?”

NIBA NINGON SRIP HUKTI 12:5

Mpe dima lene gino akui ug ei mpia di jo anai bibor ne ayai minang ba, anyohou mbut cem. Mpe dima lene abou tiei ba, amig buhun cem. Mpe dima lene angut kanti nya mipren bingwig leu api angon pri kep ndiyok bu bi. Tungwatu nya yuug ei ibong kepti gi ningwigsi ba, tungwatu di ingon ngguk tut yok nya sindi ipim-pim nyen kak puigya.

YEREMIA 7:29

tuhan pai “Je di timiei minu ndig Yerusalem e, ma jingon ngguk bibor! Ma jikak jibou nta bijicom! Ma jipim bijibikiek nimai nya ei mbigdip nya lewo Da di tuhan dingon sibui sut je ba, dikou sut jahagom.

YEHEZKIEL 27:2

“Na di tungwatu di ayaijo kikau bi e, apai doia nitig nimaisi dini mem minu ndig Tirus.

AMOS 5:16

tuhan Di Sindem Bibor pai “Tungwatu nya mipim kui jei ba, ingon ngguk tut nimai kak simpak ei minu ndig dima. Timiei minu dima mihig yo di igyai miai kwei leu binhyepo ipim kui jei sut nimai nya bit yo di ingot kep yok mem gima ipim kep nimai a.

MIKHA 2:4

Mpe dima lene tungwatu nya mipai singgre je lewo jinok bindo tut mun di buhun di cut igkep tungwatu nya. Iba doia bikiek mun di buhun di cut igkep je bipai, ‘tuhan pos nyende minu dini bingwig leu nye biyai bak siceu di ikat nye. Nyeni nitimek biningwig hak tu.’ ”