YEREMIA 9:14 - ALLAH NIHYET MEM TUNGWATU NYA

¹⁴ Ingkek ndok ba, ikuk yok bak Baal de kwar nya bit leu nok idigup bat-idigai bat nya ingginau yok tut.

YEREMIA 9:14 ပူးပေါင်းရင်းမြစ်များ

YEREMIA 7:24

Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.

YEREMIA 3:17

Mpe dima lene tungwatu nya mindat minu ndig Yerusalem ninyeng ‘tuhan De Banggo Mbrei.’ Ngkiai nya yahagom minduk yam ei minu ndig dima mem gima ikuk yok biDa. Yoni mibit yonti ingon kanti di mbum ba, kinei dima bu bi.

PETRUS GI NIGOM 1:18

Lewo jikan tut bipia Allah ba mitiei kin mas di mipror yon bipek je hanyen leu jiyai munti di kinei di jiyai leu jidigup bat-jidigai bat nya bi.

EFESUS 2:3

Nipou ne yahagom inok yo dima. Igyai munti nya bit leu ingut kanti di ntun dihyeisi dini him ba, ingut kanti dima kin ingon kanti yuubon nye nok awaga. Mpe dima lene nyeni ne tungwatu di itug ndei hukum leu Allah rin noyam kin yo di hiter yahagom.

GALATIA 1:14

Dita dibou ei Puig Yahudi niggai serti dor njiriek mben Yahudi nindigsi nya di ikui sur dani cem. Dita dibou ei didigup bat-didigai bat nya igyai kepti timiei nyati cem.

YEREMIA 2:8

Ide imam nya hi di hig ser Da ‘tuhan ug ei siritou i?’ nok bi. Mbro nok gino ikrau Ditde niggai serti lo, ikan tut Da bi. Ide nibou nya yaham imbuk kep Da lene ide nabi nya itri tut nihyet tug hon Baal ninyeng ba, yahagom ikuk yok bak kwar di ibon inyeng bi nya.”

NITRITI 6:5

Tirigi tuhan ngat lo, tungwatu dihyeisi dini yahagom imbuk bibor ba, ingon kanti titut yam kinei bibor kikau lene,

YEREMIA 44:17

Miniyai mun nyeng bit leu nyenti ningon kanti. Minibon midut nindig mindhe ei humti ba, nibikuk nye bak Nibou Ndig Sop Gwamti bijo kikau. Nikiber ba anggur ngei nok mun di nibikuk nye bak kwar dima noyam kin gi po nidigup bat-nidigai bat nya kin nyende nibou ndig nya kin nyende nibou di inyeng jei nya ibon bidem minu ndig ngot di jo ei minu Yehuda kin gi ibon bidem puig di mbut ei minu ndig Yerusalem tu pima. Mpe dima njita dem mem nye ba, nibong kei nigwam kei lene mun di buhun cut igkep nye cem bi.

YEREMIA 2:23

Jiba jingon di jei pai sut jenti bipia nirom kui je bijikuk je bak Baal bi sren! Ma jiyok jiyai kep midut nya di jibon ei Mbang Briep Hinom ug e. Jikan kep jide sisar leu api ma jipai jit hak ug! Jinok unta niwek di nibou buwei di nang-nang nyen di bit bon hi kat bi.

YEREMIA 11:8

Disok kep yok leu binhyepo ibit gi preu dima. Noro igimiap kep ba, igibit kep dihyet bi. Noro ingkek ndok bijo kikau ba, isibutti jo kikau noyam kin gi nipou nya. Gima rino dikes hukum hagom di jo ei gi preu dimati ei yoni dip ug a.”

YEREMIA 13:10

Mben di isibut bibor dini igibit dihyet bi lewo ingkek ndok bibor. Ikuk yok bak nung di ngkiai nya ide ba, inok awak mem. Gima rino yoni midem kep minghas di nggun dini.

YEREMIA 16:12

Noro tut jeni ne jibon munti kinei bibor bidor njiriek yok. Jingkek ndok ba, jibit jingon kanti di kinei bibor. Jigibit dihyet bi.

YEREMIA 23:27

Ikan bipia mumpriem di itri tut nya mibindei ba, Ditde limwa nya ingon prion ser Da bit leu nok idigup bat-idigai bat nya di ingon prion ser Da leu bikuk yok bak Baal pima e.

AMOS 2:4

tuhan pai “Timiei minu Yehuda ibon sisar ninyen. Ide sisar bindei ba, dikes hukum ei yok dip. Lewo itunggwei Ditde nicuk yokti nya bingkek ndok tut Ditde nipingokti nya. Nung nya di idigup bat-idigai bat nya ikuk yok bak ibindei ba, mben Yehuda israwir.

AYUB 9:18

Noni sindui sut bidihi dinnei poi mien cem bi. Noro bindei ba, diyaijoti mpung tut mun di mpo-mpam mang bibor.

YEREMIA 8:14

Allah de limwa nya ihig yam “Nggon rino igwam hak ba, immou kep yam he i? Jikwei ba, yahagom ipri ug ei minu ndig di bon tentara nibousi di igya coi nya leu api nnaba yahagom imai ei sirima. Ide tuhan Allah kos tut bipia suar isar. Noni yai krisieu ngei binye mem gima idut lewo ibon sisar tut Noni tu.

YEREMIA 23:15

tuhan Di Sindem Bibor pai “Midiyai njita di mpo-mpam biyok bigyem. Miduhug krisieu ngei biyok bidut. Lewo yahak ide mun di kinei ei tungwatu nyati bidem minu dini hagom bibindei ba, yo dima ikuk yok biDa bu bi.”

NIBWOS-BWOS NYENTI 3:15

Noni yai mun di mpo bibor bida ba, diyem gima kibon kep njita bididut gima kibon kep minyei o!