YEREMIA 9:11 - ALLAH NIHYET MEM TUNGWATU NYA

¹¹ tuhan pai “Midibindei ba, minu ndig Yerusalem cut bitimek ningwig leu api nsien mbrei nya milus-lus nyen kwei bibong ser ig kumti ba, minu mien nya di jo ei minu Yehuda nya minok ha ngunti lewo timiei nya isar bingwig leu su.”

YEREMIA 9:11 ပူးပေါင်းရင်းမြစ်များ

YESAYA 25:2

Abindei timek minu ndig nya ba, anggek tentara nibousi di igya coi nya bisinsiou cem tu. Ig nibou ndig di ngkiai nya iwin dima sar hak. Lene iwin hanyen bu bi bijo ninno bijo kikau.

YEREMIA 51:37

Minu dima miwer ig kum kroi ba, nok mpia di nsien bigbehei nya iku yo eisi. Tirigi tungwatu ingat gima lene igyai ttin ba, hi di joi sut bong ei mpia dima bi.

YEREMIA 10:22

Ma jingig jitingou mem! Nibimbiti tibim kwei leu nite bei mpia nijjai tut ngkiai nya di ibindei di nugwei bong. Tentara di ide nya mibindei ba, minu ndig hagom ei minu Yehuda minok iggum ndigsi ba, dem kep ha ngunti. Leu api nsien bigbehei nya mitot yaham ei mpia dima yok.”

YESAYA 34:13

War nggig-nggwen kin mintu-minta mehei ei ig nibou ndig de nya kin minu ndig di bon tentara nibousi di igya coi nya ba, nsien bigbehei nya kin ha unta nya ibong ser cem.

YESAYA 13:22

Nsien bigbehei kin nsien mbrei igyausi mibong yam dip bitibim kwei leu minu Babel de tentara nibousi di igya coi nya kin ig nibou ndig de cem. Tto bou mem gima minu Babel tug ndei nitimekti dideu kwei su. Nide njap dem tu. Hi dima om ei bu bi.”

MIKHA 3:12

Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.

NIBWOS-BWOS NYENTI 3:47

Nuum mun di buhun ba, mun di bindei timek nye cut igkep nye. Mun di bindei ba, ningon ttin bibor cem ninghuisi mpig sut cem tau kep nye bikwop njap ngwa hagom.

NIBWOS-BWOS NYENTI 2:2

tuhan ngondut yo po ibindei sar bikwop minu mien ei minu Yehuda hagom bi o! Noni ba Nide niggati bihwen tentara nibousi di igya coi nya di ibicuon minu dima hagom bilus ningwig o! Noni bindei timek nibou ndig nya bitut ide ninyeng tak kep limwati nya yahagom ei minu dima apino nimmai jun yok o!

YEREMIA 34:22

Midiyai bindo biyok leu binhyepo tentara nya ingkwei hanyen kwei ei minu ndig dini. Leu api yoni mihwen minu ndig dini ba, igyai bigyati leu api indig bitimek. Dibindei ba, minu ndig ngot di jo ei minu Yehuda dem kep iggum ndigsi di hi bong ser bu bi. Da di tuhan disimbot dat tu.”

YEREMIA 26:18

“Tirigi Hizkia ninyeng tak kep minu Yehuda lene Nabi Mikha leu Moresyet tri tut tuhan Di Sindem Bibor nihyet bak yo dima, ‘Tungwatu nya miba sapi bikkin dihyei Sion noyam kin yo di igyai miai. Minu ndig Yerusalem mitti binok ig kum kroi ba, mbigdip di iwin tuhan De Ig eisi dini minok baham tindurti.’

YEREMIA 25:11

Midisindui sut ba, minu dini titut yam timek bingwig bidem iggum ndigsi bram. Ngkiai nya di ibong ttai nya inok awak mem nibou ndig minu Babel mem nijam ari bingwam ningot muhwindacan.

MAZMUR 79:1

Doia Asaf. Allah e, mben ngkiai di ikuk yok biNani bi nya igyai Ade dihyei ninda rom bigyati tu. Ibindei suwok Ade Ig lene ibindei ba, minu ndig Yerusalem nggek sinsiou cem.

MIKHA 6:16

Mun dini yok hagom micut igkep je drek dip gi jiyai bram Nibou Ndig Omri kin nipmot Nibou Ndig Ahab igyai munti di mbuk bibor nya. Jiyai bram igyai kepti di kinei dima yok kikau. Gima rino midibindei ba, jitimek bijingwig apino tungwatu dihyeisi dini hagom ighyet wer mpiahi tut je. Mbro nok gino jinok Ditde limwa nya lo, yahagom ingwes om je.”

MIKHA 1:6

Gima rino tuhan pai “Midibindei ba, minu ndig Samaria timek bingwig leu api nigkumti minok ha ngunti leu api tungwatu nya mita ba anggur ei mpia dima. Midinjei tig di jo-jo yam dip ei minu dima hagom ug ei mbang briepti bidinggek nikiou nya.

YEREMIA 26:9

Nggon rino aba tuhan ninyeng bitri tut bipia mun di cut igkep Silo micut igkep tuhan De Ig dini ba, minu ndig dini mitimek bingwig apino hi mibong ser bu bi cem i?” Lene tungwatu ningot ndig ingwig kep da.

YEREMIA 25:18

Diyai gimokti dima bak minu ndig Yerusalem kin minu ndig hagom di jo ei minu Yehuda bitut nide nibou ndig nya kin yo di igya kui yok bidut. Apino iwer iggum ndigsi di ngoi-nga di bindei igyai ttin. Tungwatu nya iba minu dima ninyeng bisigion yam kikau kwei bipek ammani kep.

YESAYA 44:26

Dibindei ba, Ditde awak niji ngkiem. Tirigi disok dihyet bidikes dingon kanti ei no di dipinak hwou dip lene dingon kanti dima hagom mipek kep mem tungwatu nya. Dipai sut minu ndig Yerusalem bipia tungwatu nya mibong ser minu ndig dima hanyen ba, midiwin minu mien nya ei minu Yehuda hanyen bu. Midipindi ide ig kum kroi nya ba, wer ig hanyen.

NEHEMIA 4:2

Noni ya ei nisut bat nya kin tentara Samaria yahagom yoho bei bisimbot dat bipai “Mben Yahudi di isindem mem igyai midyai dini bi inggon i? Igyok ingon mem ikinding minu ndig dini bikei hanyen e? Ikan bipia isindem mem igyai hagom biput mem njap gom ngat gino ibon midut nindig mindhe-ndhe ei nimbar hum dokti e? Isindem mem iba tig di hum yem dini biprion nok ngug tig di bikrop ttai ide minu ndig e?”

NINGAT-HI-NGAT NYA 18:2

Noni ba nihyet nindig bibor bahara “Noni cut tu! Minu ndig Babel di ninyeng jei cut tu! Ninnei rom nya kin ha di kinei-kinau di tungwatu nya ingon mpo tut nya hagom iteu ei nigkumti.

IMAM NYA IDE MIDYAI 26:32

Midibindei sar jide minu nisurti-nipekti hak apino jide siceu di ipos jide minu dima bigyati inga leu sut nisarti.

MAZMUR 44:19

Naham nimbuk kep Na ba, nigimbres Ade nicuk nyeti nya ei nyeni nitta cem bi.

YEREMIA 1:15

Midipinak ngkiai nya di ibong ei nite bei mpia nijjai nya yahagom kwei leu api inyeng mitak kep minu ndig Yerusalem. Yoni minggek ngug tig kin dimbou pmem nya ei minu ndig dini kin minu ndig nindigsi ei minu Yehuda hagom cem bingwig.

YEREMIA 4:27

Nipou ne tuhan pai bipia dihyeisi dini titut yam minok iggum ndigsi noro Noni mibindei sar hagom bingwig hak bi.)

YEREMIA 44:2

Gini ne tuhan Di Sindem Bibor di Allah Israel nihyet di sok mem yok rin, “Jingat mun di buhun di dikes kwei ei minu ndig Yerusalem kin minu ndig ngot gi nindigsi nya ei Yehuda dip bou jiyai him tu. Minu ndig ngot dima timek ningwig tu ba, hi bong ser bi kikau kwei bipek ammani kep.

YEREMIA 49:33

Hazor nok mpia di ngoi-nga di isindui bijo hak ei bijo ninno bijo kikau binok mpia di nsien bigbehei nya iku yo eisi cem. Hi gi bong ei sirima bu bi sren. Da di tuhan disimbot dat tu.”

YEREMIA 50:3

Mben ngkiai nya gom mikwei leu nite bei mpia nijjai binjei siceu kwei bihwen mben Babel lene bindei minu dima biwer iggum ndigsi ri. Tungwatu nya kin mindhe-ndhe nya inang ningwig leu ba, hi dima bong ei minu dima bi.”

NIBWOS-BWOS NYENTI 1:4

Hi di kwei ei tuhan De Ig ei njap nindig nya bu bi o! Sop gwam nitta pilei nya di ipai kep doia nya yuum niwei-nidut ei sirima o! Lene imam nya cem inso-nso nyen o! Tungwa hi gwam kui dimbou pmem nuhui nya bu bi lewo ningon nggukti jun kep minu ndig Sion tu o!

NINDAT KEP TUHAN NICUKTI NYA 29:23

Jide miaisi nya hagom mporo wer iggum ndigsi di belerang kin nsim ut kep. Dem mem ita mun eisi bi lene minta cem hei ei sirima bi. Jide minu midem kep minu ndig Sodom Gomora nya kin Adma Zeboim nya di tuhan bindei sar tirigi nigga biborti cig-cai.

MAZMUR 107:43

Dijoi sut gima yo di ingon ki nya ikan-kan nyen tut gima yok hagom ba, iba ingon srip bram tuhan de ningon ngakei nyeti di ug hon nohonti bi sren a.

YEREMIA 8:22

Apo mindei rino bindei dino ditde mben igyai ningkek ngun eisi hanyen bigyo di kwei bipek nogindini i? Apo no di ninda kan kin obat hi jo bidem Gilead nisurti-nipekti bi e?

YEREMIA 16:10

Gino atri tut mun dini yok hagom biyok lene mpaba mihig ser nani tut nggon rino dikes hukum di buhun bibor dima ei yok dip i? Yoni mihig ser bipia igyai mun tunggwei bibon sisar mindei tut Da di ide tuhan Allah cem i?