YEREMIA 9:10 - ALLAH NIHYET MEM TUNGWATU NYA

¹⁰ Da di Yeremia dipai “Midingon ngguk tut nungug him nya. Diyai nggwei kibor tut beisi nya lewo hagom ngoi-nga ba, tungwatu nya ikriau binjiriek cem tu. Mindhe di ihyen kep nya idungwek eisi bu bi ba, ha nya kin mindhe-ndhe di niten-pos nya hagom inang bingwig leu su.”

YEREMIA 9:10 ပူးပေါင်းရင်းမြစ်များ

YEREMIA 12:4

Dihyei ninjek dip ei minu dini mingak-cai ba, gandum mimui bidem ngoi dumti nya ug bipek apig bu i? Nyende mben ide nisibutti bindei ba, ha nya kin mindhe-ndhe nindigsi nya imai ningwig tu. Yo dima ipai bipia Allah ngat mun di mipek kep mem nye bou niyai him bi.

HOSEA 4:3

Gima rino ide minu dini mingak-cai hanyen leu api mun di ninnei tau nuhwap nsi hagom mai bingwig bitut mindhe-ndhe nya kin ha nya kin wau nya cem hagom.”

YEHEZKIEL 33:28

Midibindei ba, itimieisi dima noyam kin iggum ndigsi kin ha ngunti leu api ide nisindemti di ingon jei sut mingwig hon nohonti. Nungug him ei minu Israel minok baham nitindurti di mpia mbum-bra apino bit bon hi tin puig di bikwam ug eisi bu kan bi.

YEHEZKIEL 29:11

Ba, tungwatu kin mindhe-ndhe nya mimbut kak bibong eisi bi kikau mem nijam ari bingwam nyatungwacan.

YEHEZKIEL 14:15

Hi rima dikes mindhe di niten-pos kwei mem gima ittem timiei di ibong ei minu dima leu api buhun bibor mem yok ba, hi di brim ningkek mem gima mbut binjiriek minu dima kan bi.

YEREMIA 12:10

Nibou ndig ngkiai nya imang bibor inda jo kep Ditde miai ba anggur nghousi binggek tu. Itug-tug nyen gandum ei Ditde ngoi dumti nya cem tu. Ibindei ba, Ditde minu di kei-kau bidem kep iggum ndigsi di mpia mbum-bra bram.

YEREMIA 7:29

tuhan pai “Je di timiei minu ndig Yerusalem e, ma jingon ngguk bibor! Ma jikak jibou nta bijicom! Ma jipim bijibikiek nimai nya ei mbigdip nya lewo Da di tuhan dingon sibui sut je ba, dikou sut jahagom.

NIBWOS-BWOS NYENTI 2:11

Diyai dwoi lewo dipim bidihyet jo kikau ba, dinnei kinei-kinau leu ug o! Dingat timiei nya ei minu di cut dini cem dingat munggwom nya kin ningwoi-ngwoi nya di imai di imbris-bris nyen bidem simpak nya ei minu ndig dini cem apino dingon nem-nnai bingwig o!

NIBWOS-BWOS NYENTI 1:16

Gima rino bindei di diyai nggwei kibor didiyam lo, hi di kwei gwam ser dingon ba, yai ningon lleisi bida bi o! Siceu inyeng tak kep ditde timiei nya apino ide mun di imati hagom pror bingwig leu yok o!

YEREMIA 23:10

Minu dini mpung tut yo di ingon gom tut tuhan bi. Igyai munti nya kinei bibor ba, ibimangkrei ide nisindemti cem. tuhan sigion abris nghousi di mindhe-ndhe nya igyem apino minu dini noyam kin no di ningon ngguk tut nimai.

YEREMIA 14:6

Keledai bigbehei nya cem igya hak bidem nungug dip nya ba, igyai nggrop buhun lewo minta mui bingwig leu su leu api innei sor noyam kin nsien mbrei nya.

YEREMIA 8:18

Ningon di ngguk bindei bidingon bok cem dingon dut cem ba, dem mem gima obat mpu ditde ningon ngguk biborti kan bi.

YEREMIA 2:6

Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.

YESAYA 49:19

Ade minu di nipou timek bingwig binok mpia nintiti pima lene nogindini bu kom bibor ba, nok gi dem mem yo di ibong kei igwam kei eisi bi. Ba, yo di inggek na ba, atimek bingwig mingkwei hanyen ug ei minu ting bihigom.

YESAYA 41:15

Jitou kep midibindei bijinok lat di sapi nya ikri di bon paku kin ninggwen nijep mang bibor ei nijou leu api midiba lat dima binging nungug nya kin nungug tou nya cem ba, dibidime kep hagom bisur yam cem.

YEREMIA 50:3

Mben ngkiai nya gom mikwei leu nite bei mpia nijjai binjei siceu kwei bihwen mben Babel lene bindei minu dima biwer iggum ndigsi ri. Tungwatu nya kin mindhe-ndhe nya inang ningwig leu ba, hi dima bong ei minu dima bi.”

YEHEZKIEL 27:2

“Na di tungwatu di ayaijo kikau bi e, apai doia nitig nimaisi dini mem minu ndig Tirus.

YOEL 1:13

Je di imam di jiya kui nimbar hum dok e, ma jijuk sinsun kron bijiyai nggwei kibor! Ma jicoi ug ei tuhan De Ig leu binhyepo jingon ngguk bibor mem mmun kikau binjap kep! Lewo gandum kin ba anggur ngei di jibikuk je bak jide Allah hi bu bi.

YOEL 1:19

tuhan e, dahara Na. Ma akwei mpu nye lewo abris nghousi kin biei nghousi nya ngoi-nga noyam kin hum sror biyem hagom bingwig leu su.

AMOS 5:1

Je di mben Israel e, ma jimiap kep dihyet lewo midiba doia ningon di ngguk bikiek je.

AMOS 5:16

tuhan Di Sindem Bibor pai “Tungwatu nya mipim kui jei ba, ingon ngguk tut nimai kak simpak ei minu ndig dima. Timiei minu dima mihig yo di igyai miai kwei leu binhyepo ipim kui jei sut nimai nya bit yo di ingot kep yok mem gima ipim kep nimai a.

MIKHA 2:4

Mpe dima lene tungwatu nya mipai singgre je lewo jinok bindo tut mun di buhun di cut igkep tungwatu nya. Iba doia bikiek mun di buhun di cut igkep je bipai, ‘tuhan pos nyende minu dini bingwig leu nye biyai bak siceu di ikat nye. Nyeni nitimek biningwig hak tu.’ ”

YEREMIA 2:15

Ide siceu nya inok singa di yau binggok yok bibindei ba, ide minu noyam kin iggum ndigsi. Ide minu nya timek bingwig bidem kep nok ha he bong.

YEREMIA 12:11

I, dingat lo, ibindei Ditde minu bidem kep mpia di mbum-bra di biyai ningon di ngguk. Hagom kinei-kinau leu api hi di ningon buhun tut bi.

NIBWOS-BWOS NYENTI 5:18

lewo Mbigdip Sion ne mpia di mbum-bra rin ba, ninduk yam ei bu bi. Noro nsien bigbehei nya ilus-lus nyen eisi o!

YEHEZKIEL 6:6

Minu ndig Israel hagom kin nimbar hum dok nya kin kwar di tungwatu nya ikuk yok bak hagom minggek sinsiou cem ba, siceu nya minjei nimbar di indig biei nggrai di ui-gwang kei eisi nya hagom ug ei dihyeisi ba, mun di ibon bou inda him nya hagom misar.

MIKHA 3:12

Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.