YEREMIA 8:8 - ALLAH NIHYET MEM TUNGWATU NYA

⁸ Jibrim jingkek bibor bijipai bipia jingon ki bijikan tut Ditde niggai serti nya! Ma jiyok jiyai kep yo di ibindei mbut mun di jikuk je bak di ingon can nya lewo iluei Ditde niggai serti nya tu!

YEREMIA 8:8 ပူးပေါင်းရင်းမြစ်များ

AYUB 11:12

Yo di ingon mbum nya kindi migyai ingon di ki ei mpe dino keledai bigbehei nipmem bep nipmot di muhup kei.

AYUB 12:20

Noni bitot ser yo di imbrap ngat nya di tungwatu nya iba ingon com yok ba, tiba andig-ndau nya ide ningon kiti leu yok cem.

MAZMUR 147:19

Noni tri tut Nide nisok kep yokti bak Nide limwa nya bisok tut nimbrap tutti kin niggai serti nya bak Nide limwa di dimig yok ei su nya.

NIPINGOK NINGONTI 17:6

Andig-ndau nya inggei-nggwang tut ignyon bat nya noyam kin munggwom nya di inggei-nggwang tut icig bat-ipmem bat nya.

YESAYA 43:27

Pung di jintun him habiei ei nimbie him pima bon sisar ba, jide nibou nya yaham imbuk kep Da tu ba,

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”

YEREMIA 19:7

Miditte tut timiei Yehuda kin timiei minu ndig Yerusalem nya yahagom ingon kanti ei mpia dini. Midisindui sut ba, ide siceu nya mikon pran bit yok leu api ibindei timek yok bingwig. Midisindui sut ba, ha nya mipuk ide nimbiam leu api mindhe di niten-pos nya mibriu yok nok ide mun di igyem.

YEREMIA 2:8

Ide imam nya hi di hig ser Da ‘tuhan ug ei siritou i?’ nok bi. Mbro nok gino ikrau Ditde niggai serti lo, ikan tut Da bi. Ide nibou nya yaham imbuk kep Da lene ide nabi nya itri tut nihyet tug hon Baal ninyeng ba, yahagom ikuk yok bak kwar di ibon inyeng bi nya.”

YEREMIA 4:22

tuhan pai “Ditde limwa nya ingon mbum bibor ba, igikan igbit tut Da bi. Idem kep munggwom di ingon huk niti tut mun nyeng hi haninyai bi. Ingon guhuk niti poi mien cem bi hak ug. Tut mun di kinei ne ibon kep igkei noro itunggwei sut nibon mun di keisi nya.”

YEREMIA 48:14

Pinjoi ndig di mben Moab e, nggon rino jiba jinsi bbed-bau bipai ‘Nyeni ne nihwen kep mun cig rin ba, mimbri kui ningkek cem ninda jo kep nikon pranti ninno tu, i?’

HOSEA 8:12

Dipas kep nipingokti mang bibor mem yok noro irok gima yok hagom lewo ikan bipia gima bitut yoni bi sren.

MATIUS 15:6

Lo, tut gima nyohou nicig nipmem nya lene nna ug. Nok gima lene jiba jidigup bat-jidigai bat nya ide ningginausi bico kep Allah Nihyet.

YOHANES 9:41

Yesus buhup “Gino jiyai tu ne jingon mui bi. Noro gi jipai sut jenti bipia jiyai da lene gima ndo bipia jingon mui yo.”

ROMA 1:22

Ipai sut yonti bipia ingon ki noro bi lewo ingon mbum yo.