YEREMIA 8:5 - ALLAH NIHYET MEM TUNGWATU NYA

⁵ Nggon rino je di jinok Ditde limwa nya jikriek leu pui di nijit ba, jiba jinghim biDa bijo kikau i? Jikrau kep jide kwar nya di jikuk je bak bingkiem ba, jikou sut gi jingkwei hanyen ndam Da.

YEREMIA 8:5 ပူးပေါင်းရင်းမြစ်များ

NIPINGOK NINGONTI 4:13

Ma ayok ngon kep ningginausi di ayai leu da tu nya kikau. Anyohou ya ser ningginausi dima mungkun. Lewo ningat di kei mintun him ayaijoti tug hon ningginausi dima.

YESAYA 1:20

Gino jisrep tut dihyet ne mporo mijiyai nimai ei pranti. Da di tuhan disimbot dat tu.”

YESAYA 30:10

Isrep tut nabi nya bipai “Jikimut juhuigya! Ma jitri tut mun di igbit binyeni au. Noro ma jipingok nye bit leu nyenti ningon kanti. Ma jisindui sut nye ba, nibit ningat-hi-ngat di nikan huk nya he.

YESAYA 44:20

Niyai munti dima dem kep nok no di yem kep atriem ndung. Ningon kanti di mbum bibor dima ris noni apino bit bon hi mpu noni kan bi. Ningkek ndok ser leu ba, ningon gi dorti tut bipia kwar di noni krau ei nindati dima ne kwar rin bi noro mun di biris noni ug ei nikineisi.

YEREMIA 14:7

Ditde limwa nya yahara Da bipai ‘tuhan e, mbro nok gino nyeni ningon hukti tut nyende sisar lo, ma ampu nye bit leu nok apreu ei mem nye tu. Niba ninghim bak Nani mbirimang ba, nibon sisar tut Nani cem tu.

YEREMIA 2:32

Bon sop gwam nitta pilei ningon prion ser nide mas di noni bimau nonti e? Bon sop wak cam ningon prion ser sinsun di noni juk mem pesta niwak yamti e? Noro jingon prion ser Da ninno tu. Bit bon dikwop nijam dima nijeisi kan bi.

YEREMIA 3:5

Lene jipai biDa bipia midigga jeni bijo kikau bi. Je di mben Israel jipai nok gima noro no jibon kep mun di kinei bibor nyeng hagom yo.”

YEREMIA 5:27

Yoni inju ndigban di iba niris mun biyai nya kui ig di ide nya dem kep nok no di huk ha di nju ha keyam ei nide bansiti. Igyai munti dima bindei ba, isindem bibor binyeng cem,

YEREMIA 5:3

Ningat ne tuhan ningon ya mem yo di iba ingon gom bibit Noni. Noni bui je tu noro jisem tut Noni. Noni bindei bijinem-nnai noro jikou sut nide nipingok jeti. Jingkek ndok ba, jikou sut gi jittin ser jide sisar.

YEREMIA 5:6

Gima rino singa di lus-lus nyen kwei leu bigbehei nya mikwei ttem yok biyai nimai biyok. Lene nsien bigbehei di lus-lus nyen kwei leu iggum ndigsi nya mikrau nikwai tut yok birik-rik nyen ingkek. Macan di nillikti mimbut-mbut wai binggok mun di yem dideu minu ndig nya. Ba, mindhe macan dima mittem bikwop no di hei leu minu ndig. Mun dima yok hagom cut igkep yok lewo ibon sisar mang bibor ba, iba inghim bak Allah nyen-nyen cem tu.

YEREMIA 6:17

Lene tuhan ta yo di igya ser nya mbirimang mem gima iwin kep Nide limwa nya ingonti leu binhyepo imiap pun mbrei di tibim di bitto yok. Noro Nide limwa nya ibuhup “Ningig nitingou mem bi.”

YEREMIA 6:19

Dihyei ni e, ma ayok ngon kep! Ditde limwa nya ijoi sut Ditde nipingok yokti nya bibit dihyet bi. Gima rino midiyok nisinsiou ei yokti drek dip ide niyok nihyet mem yamti nya.

YEREMIA 9:6

Nisibut tut yamti jo kep nisibut tut yamti ba, niris mun biyamti jo kep niris mun biyamti. Ibon kep nok gima bijo kikau ba, irok tuhan bibor ei cem.

DANIEL 9:11

Mben Israel yahagom ipigau Ade niggai serti nya ba, itingou ndok ser ahyet. Nibon sisar tut Na apino ambriom nye bit leu nok Ade awak di Musa pas tut ei nide niggai serti nya.

HOSEA 11:5

Noro mben Israel ikou sut gima ingkwei hanyen ndam Da. Gima rino suar ingkwei hanyen ug ei minu Mesir ba, mben Asyur inyeng tak kep yok.

HOSEA 11:7

iba ingkek di ndok bikiek yoho ter leu Da cem. Gima rino yoni mitug ndei mun di buhun di micut igkep yok. Mbro nok gino yahara hiter mem gima kwei mpu yok lo, bit bon hi teu yok bingwes ngun kan bi.”

HOSEA 13:2

Keret Efraim dima no ibon sisar kikau kwei bipek ammani kep. Iba perak bibon kwar nya bikuk yok bak. Kwar dima yok intun tungwatu nya ide nikan-kan nyenti him leu api tungwatu ibon bou inda him. Itri tut “Ma jibon midut nindig mindhe ei nimbar hum dokti ba, jibikuk je bak kwar dini yok!” Mbenjen! Yo dima imei kwar sapi pmot cem!

HOSEA 4:16

Je di mben Israel e, jingkek ndok bibor! Notou midinyohou je ei abris nghousi nok domba nya i?”

ZAKHARIA 7:11

Noro Ditde limwa nya ingkek ndok ba, idat kep itingou ser leu ba, igimiap dihyet bi.

YOHANES 5:40

Noro jikou sut gi jikwei bit Da leu binhyepo jiyai niyaijo nijep.

TESALONIKA GI NIGOM 5:21

Ma jibinai sut nihyet hagom bijibit gi hi di kei nya.

IBRANI 12:25

Gima rino ma jisok kep jenti ser nhyema jingkek ndok tut No di mbrap au. Yo di ingkek ndok tut No di tri tut Allah nihyet ei dihyeisi ingwes ngun bi. Gino ingkek ndok tut No di mbrap kwei leu gwamti ne notou ingwes ngun i?

NINGAT-HI-NGAT NYA 2:25

Noro suar jikrau kep mun di jinyeng tut kikau bipek dingkwei hanyenti.