YEREMIA 8:4 - ALLAH NIHYET MEM TUNGWATU NYA

⁴ tuhan cuk da bidipai bak Nide limwa nya “Gino tungwagom cut lene noni mikiju hanyen. Gino hi kriek leu puig lene noni mingkwei hanyen.

YEREMIA 8:4 ပူးပေါင်းရင်းမြစ်များ

NIBOU NDIG NYA GI NIGOM 8:38

nnaba angig atingou mem ighyet. Gino Ade limwa di mben Israel bihi iba ingon di ngguk bibor bingat nadi bak Nani ba, isu inda ndam Ade Ig dini nijoti,

NIPINGOK NINGONTI 24:16

Mbro nok gino mun di buhun cut igkep no di ningon gom mbirimang bibindei ba, noni cut-cut nyen lo, noni mikiju hanyen. Noro mun di buhun bibor micut igkep yo di isibut nya ba, imos kei.

YESAYA 44:22

Dicok tut jide sisar noyam kin dicok tut bumbuhui. Ma jingkwei hanyen ndam Da lewo dikwek je leu mun di kat je tu!”

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YEREMIA 23:14

Noro dingat lo, nabi nya ei minu ndig Yerusalem ibon sisar nindig bibor binjiriek yok bu. Lewo iris ei tungwatu nya dip cem icut tut hiter nitnem cem yahati tut yo di igyai munti nya kinei bibor cem kikau ba, hi ttin ser nide sisar kan bi. Ba, yahagom ibon kep sisar di kinei bibor noyam kin timiei minu ndig Sodom kin Gomora bou diyai him.”

YEREMIA 3:1

tuhan pai “Gino nijjep kou nitnem bikes ei leu api hiter wak nok nitnem bu lene ma nijjep timiei pima kwei yai hanyen nok nitnem au. Lewo mun dima mibindei ba, map kui minu dini. Noro je di mben Israel jiyem njita tut sop hiter imang bibor tu. Leu api tini bu ne jijoi sut jingkwei hanyen ndam Da bu e?

YEREMIA 3:22

Je di jiba jinghim bak tuhan jahagom e, ma jingkwei hanyen ndam Noni! Noni mibindei ba, jikei hanyen bijingon gom tut Noni. Leu api jipai “I, nogindini nikwei ndam tuhan lewo Noni ne nyende Allah ri.

YEREMIA 36:3

Mpaba timiei Yehuda nya imiap tut mun di buhun bibor di dikos dat bidikes ei yok dip lene ikiek yok leu igyai munti di kinei bibor nya. Gi nok lene dikos ser ide sisar kin igyai munti di kinei bibor nya.”

YEREMIA 4:1

tuhan pai “Ditde mben Israel jen, gino jijoi sut jingkwei hanyen lene ma jingkwei hanyen ndam Da. Ma jicom kwar di dingon mpo tut nya nipou ug e. Leu api jiba jingon gom bibit Da.

YEHEZKIEL 18:23

Akan bipia Da di tuhan Di Dinyeng Jei Bibor dingon llei sut gino no di mbuk tug midut e? Nok gima bi sren! Dingon llei sut gino noni ttin ser nide sisar behek tut niyaisi.

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

HOSEA 6:1

Mben Israel ipai biyam “Jikwei ba, yahagom ingkwei hanyen ndam tuhan. Noni yai ninghuisi wei binye noro bindei ba, ikei hanyen. Noni bindei ba, ibok-ba noro Noni ba perban bingot kep hagom hanyen.

HOSEA 7:10

Mben Israel ide ningon jeisi jo nibreisi hak bibindo tut ide nitunggweisi nya. Mbro nok gino mun dima yok hagom pek kep mem yok tu lo, iginggok Da ba, ingkwei hanyen ndam Da di ide tuhan Allah cem bi.

AMOS 5:2

Mben Israel nok sop gwam nitta pilei di cut tu bikiju hanyen bu bi sren! Tungwatu nya isindui sut noni ei nide dihyei ba, kiju leu nicut eisi bi. Hi brim ningkek mem gima kon noni bikiju hanyen bi.

MIKHA 7:8

Ide siceu nya ipai mun mem ibisu tindei ingon di kei kep nye tut gi itimek bingwig bi. Mbro nok gino nyeni icut tu lo, jei bi ne ikiju hanyen bu. Nogindini ingat rin ei nidinditi noro tuhan mipiga digai nye bu.