YEREMIA 8:2 - ALLAH NIHYET MEM TUNGWATU NYA

² Iket injum dima leu ijui bijo keyam mem gima itig hanyen ei dihyeiti bu bi. Noro iba injum dima yok bimbin mpia ei dihyei ninjek dip nok mumpiang hak. Injum nya mijo sinsiou hak ei mpia njap kin bed mmun kin ham mpia-bbed him nya di yo dima ikuk yok bak di ingon ngakei cem igyai midyai mem cem ikuk yok bak cem yahara bindo puig biyok cem hagom yoho bei.

YEREMIA 8:2 ပူးပေါင်းရင်းမြစ်များ

NIBOU NDIG NYA GI NICAN 17:16

Lene igyai mun tunggwei ide tuhan Allah nicuk yokti nya hagom. Iba ngkimom-tembaga di indig bijet bibon kwar sapi ningut can bikuk yok bak ba, ibon kwar nisop Asyera cem ikuk yok bak ham mpia-bbed him nya ba, ikuk yok bak kwar Baal cem hagom.

NIBOU NDIG NYA GI NICAN 21:3

Manasye win mpia di tungwatu nya ikuk yok bak kwar eisi nya hagom di nicig Hizkia ya kep binggek ningwig pima hanyen. Lene win nimbar hum dok nya mem gima bibon midut nya bak Baal. Lene bibon kwar sop Asyera bit leu nok Ahab di nok Nibou Ndig mem mben Israel nibon kepti pima cem. Manasye kuk no bak ham mpia-bbed him nya cem.

NIBOU NDIG NYA GI NICAN 21:5

Manasye win nimbar hum dok nya ei mpia di jo bas hak can ei tuhan De Ig nibiho mem gima bikuk no bak ham mpia-bbed him nya.

NIBOU NDIG NYA GI NICAN 23:5

Lene noni nduk imam di nibou ndig timiei Yehuda nya ita yok mem gima ibon midut ei nimbar hum dok di kwar pima ideti bidem minu Yehuda kin minu di gahai minu ndig Yerusalem cem kwei bicut inyeng imam leu yok. Imam dini yok ibon midut bak Baal kin mpia njap kin bed mmun kin singmur kin hambong kin ham nindigsi nya hagom tu.

MAZMUR 53:5

tuhan pai “Yo di isibut bibor dima ingon huk niti tut igyai munti nya bi e? Igyai mun di isuar nya tug hon gi ipos ndigban leu Ditde limwa nya lene igingat nadi bak Dani bi sren.”

MAZMUR 83:10

Abibon yok noyam kin gino abibon mben Midian ba, noyam kin Sisera kin Yabin ei Minyei Kisyon nyai

MAZMUR 83:11

di abindei sar ei minu ndig En-Dor apino inok mun kroi di hwen dihyei.

NIBA NINGON SRIP HUKTI 6:3

Mbro nok gino ibon imunggwom bat nya ibou sratus gom ba, ide nijam di igyaijo jei bibor biyuug wer andig-ndau lo, gino igyai ningon nggei-hi-nggeisi bi ba, ide bat nya ingon ngguk bram yok bitig yok ei nimai jui di dem bi ne dikan bipia mun di pek kep mem ningwoi-ngwoi hi di nipmem srek tut kinei biniyaijo bi kei dor njiriek yo dima.

YEREMIA 14:16

Nabi pima yok di itri tut nihyet biyok cem mitug ndei nimai tug hon nisinati dima. Ide siceu nya micom ingut sinsiou bidem simpak bou ei minu ndig Yerusalem noro yo di ingwes ngun hi di mitig yo dima ingut bi. Mun di buhun bibor dini micut igkep yahagom bitut itnem bat nya kin imunggwom bat nya cem. Midibindei ba, ibiang ide sisar di kinei bibor dima nibuhunti.”

YEREMIA 16:11

Lene ma apai biyok bipia Da di tuhan disimbot dat ‘Jidigup bat-jidigai bat nya iba inghim biDa. Leu api ikuk yok bak ngkiai nya ide nung nya cem. Iba ikou yai Dani ba, igibit Ditde nidimig sutti nya cem bi.

YEREMIA 16:4

Ninggwen di buhun bibor mihwen yok bimai ba, imai nimbiam ei pranti cem imai ninggum cem. Tungwa hi dima pim tut yok ba, tig yok cem bi. Ingut jo sinsiou ei dihyei ninjek dip bidem kep mun di kroi di hwen dihyei ba, inok mun di ha nya kin mindhe di niten-pos nya igyem.

YEREMIA 16:6

Yo di inyeng kin yo di yuhui mbum mimai ei minu dini noro tungwa hi dima mitig yok bipim tut yok cem bi. Tungwahi dima yai nibok binonti ba, kak nibou nta leu cem nok bindo tut ningon di ngguk tut yok bi sren.

YEREMIA 19:13

Ig hagom ei minu ndig Yerusalem kin nibou ndig minu Yehuda nya ide ig kin ig di tungwatu nya indig biei nggrai di ui-gwang kei bak ham mpia-bbed him nya eisi ba, ibon midut nisiber ba anggur ningei bak kwar nya cem ei ninjek dip nya apino map kui hagomti noyam kin map kui Tofet.”

YEREMIA 22:19

Siceu nya mikri Yoyakim ningut bicom kak dimbou pmem ug ei minu ndig Yerusalem nisai. Ibibon noni noyam kin ibibon keledai di mai pimo.”

YEREMIA 25:33

Njap dima dem lene yo di tuhan yai nimai biyok nya ingut mijo sinsiou ei dihyei ninjek dip bidem dihyei nisurti-nipekti. Hi dima pim tut yok buug sut yok bitig yok bi. Noro isindui bijo hak ei dihyeisi bidem kep mumpiang di tungwatu nya injei di yem mpia ei a.

YEREMIA 31:40

Tungwatu nya mipigig sut mbang briep di itig nimai ngut ei ba, icom mumpiang cem eisi mem Dani bitut hanjop nsi nya ei Minyei Kidron nijjai kikau ug bipek kin Dimbou Hui Kuda ei nite bei mpia nipriti. Tungwatu nya minggek minu ndig Yerusalem bibindei timek bingwig bu bi sren.”

YEREMIA 36:30

Gima rino Da di tuhan dipai brei bak na di Nibou Ndig Yoyakim bipia ade nintun him yamti di bram yam nya migya luei ahoti ba, inyeng mitak kep yo di intun Nibou Ndig Daud him bu bi sren. Tirigi igyai nimai bina ne tungwatu nya minjei angut ug ei nisai hek mpia mem njap kin nggou mmun.

YEREMIA 9:20

Lene dipai “Je di sop nya jahagom e, ma jimiap kep tuhan nihyet. Ma jingginau jipmisop bat nya leu binhyepo ipim ba, ibikiek nimai igkei. Ma jipingok jisut bat nya ingonti leu binhyepo ingon ngguk bibor ba, ipim bibikiek nimai igkei.

YEREMIA 9:21

Lewo nibon kep nimai cig coi nyende kendera mihyet kwei su ba, tau ug ei nibou ndig de ig tu. Nimai kat munggwom nya kak simpak bou nya bihwen pinai pilei nya ei biyati cem.

YEREMIA 9:22

Nimai ngut jo sinsiou dem kep nok mumpiang di kui sur mpia kin gandum nintam di ikos di ikes ei beisi noro hi kam bi. Gini ne tuhan nicuk dati rin ba, suar ditri tut bak tungwatu nya.”

YEHEZKIEL 29:5

Leu api midicom na tut wau ngot dima hagom ug ei iggum ndigsi leu api acut ug ei dihyeisi ba, angut bong njiti ei sirima. Hi di mitig na bi. Dikes angut bijo hak ei binok ha nya kin mindhe nindigsi nya ide mun di igyem.

YEHEZKIEL 39:5

Nide tentara nya mikrop bimai ei miaisi nya. Da di tuhan Di Dinyeng Jei Bibor disimbot dat tu.

YEHEZKIEL 6:5

Midibindei ba, mben Israel ide nimbiam ngut tti sinsiou ser mpia leu api midigimahap injum sinsiou ttai nimbar hum dok dima yok.

YEHEZKIEL 8:16

Lene Noni buwak da ug ei mpia di jo bas hak gom di jo ei tuhan De Ig ninsi bidingat lo, ibou nyatungwagom muhwi ingat rin ei nimbar hum dok kin bisai di ibicoi kwei ei Ig dima nikieti. Iba inghim bak ninsi di kwes lene iba ibiau bicom mpia bikuk yok biba ingwak bikik mpia ndam bei mpia nipriti ba, ikuk yok bak mpia njap di pri kwei.

ZEFANYA 1:17

tuhan pai “Midikes mun di buhun mang bibor ei tungwatu nya dip lene gima bindei ba, itibap-tibap nyen noyam kin yo di igyai tu. Ibon sisar tut Da apino nogindini inggrom siber bidem minyei di biam ba, nimbiam ngut mpiei ei dihyei njek dip.”

ZEFANYA 1:5

Midicok tut yo di ikui ug ei ig bou ninjek dip leu binhyepo ikuk yok bak mpia yaisi kin bed mmun kin ham mpia-bbed him nya yahagom poi hak. Midicok tut yo di ikuk yok biDa di iba neheng pai bipia ingon gom tut Da lo, yeheng bitug hon kwar Milkom ninyeng dima hak ug.

KISAH 7:42

Gima rino Allah ba ningha biyok bisindui sut yok leu api ikuk yok bak ham nya ei mpia-bbed him. Gima hagom bit leu nok nabi nya ipai ei srat nyati tu bipia, ‘He je di mben Israel e, jikuk je biDa tirigi jibon midut nibui mindhe tut ninggromti mem ari bingwam ningot bitai ei iggum ndigsi pima e? E bi!

NINDAT KEP TUHAN NICUKTI NYA 17:3

kin nicuk jeti tug hon gi ikuk yok bak mun nyeng hi ba, ibiyai ingon gom bak mun nyeng hi ba, ikuk yok bak mpia yaisi kin bed mmun cem ham nya cem,

NINDAT KEP TUHAN NICUKTI NYA 4:19

Nok gima cem ma jisindui sut mun di jingat bou jiyai him ei mpia-bbed him nok mpia njap kin bed mmun kin ham nya biris je bijikuk je biyok au. Lewo tuhan di nok jide Allah sindui sut ngkiai nindigsi nya hagom ei gwam nibehei dini bikuk yok bak mun dima yok.