YEREMIA 7:9 - ALLAH NIHYET MEM TUNGWATU NYA

⁹ Jinggimang cem jihwen mun cem jicut tut yam cem jiba neheng om ser mun ei nikei noho bei cem jindig mindhe ei Baal de nimbar hum dokti cem jikuk je bak ngkiai nya ide kwar nya cem.

YEREMIA 7:9 ပူးပေါင်းရင်းမြစ်များ

NIBOU NDIG NYA GI NIGOM 18:21

Lene Elia ya ei tungwatu pima yok yahagom yoho bei bipai biyok “Jikrau kep jingon canti kikau mem nijam pig bu i? Gino tuhan ne Allah nijit rin lene ma jikuk je bak! Gino Baal ne allah nijit rin lene ma jikuk je bak!” Noro tungwatu pima yok ibuhup bi.

NEHEI LEUSI 20:3

Harin dima jikuk je bak nung nya a. Noro ma jikuk je biDangkom.

YESAYA 1:13

Jittei mun di jibikuk je biDa dima mikui-kausi. Ninghap bindei ba, dingon him wei bibor. Diyai ngkek ttin ser jide njap ndig Bed Jep kin Njap Nigwam Kep Ninghuisi bitut jide njap ndig di jibon midut nindigsi nya cem. Jide sisar bindei ba, map kui njap dima hagomti tu.

YESAYA 58:2

Ikuk yok biDa bikwop njap ba, ingon bisau sut dingon kanti nya tereu nok igyai mun di igbit ba, ingon gom tut dicuk yokti nya cem. Ipai ei yuhui him bipia illei sut gi ikuk yok biDa ba, ijoi sut gi ditri tut dicukti nya biyok.”

YEREMIA 1:16

Midikes hukum ei Ditde limwa nya dip drek dip ide sisar. Yoni iba inghim bak Dani ba, ibon midut bak nung di ikuk yok bak cem ibon kwar bou inda him bikuk yok bak cem tu.

YEREMIA 11:13

Timiei Yehuda nya ide nung mang bibor ba, nimangti dem igbit ide minu ndig nimangti. Timiei minu ndig Yerusalem nya iwin ide nimbar hum dokti ba, nimangti dem puig di mbut ei minu ndig Yerusalem nimangti ba, ibikuk yok bak Kwar Baal tug hon midut nindig mindhe titut kep humti.

YEREMIA 11:17

Da di tuhan Di Disindem Bibor rino diwin minu Israel kin Yehuda. Noro tini bu ne dikos tut bak yoni bipia midikes mun di buhun bibor ei yok dip. Yonti rino ibindei di mun dima cut igkep yok lewo ibon kep mun di kinei tug hon ide midut nindig mindhe titut kep humti ba, ibikuk yok bak Baal. Apino digga yok ug a.”

YEREMIA 13:10

Mben di isibut bibor dini igibit dihyet bi lewo ingkek ndok bibor. Ikuk yok bak nung di ngkiai nya ide ba, inok awak mem. Gima rino yoni midem kep minghas di nggun dini.

YEREMIA 18:15

Noro Ditde limwa nya ingon prion ser Da leu api indig biei nggrai di ui-gwang kei bak kwar nya. Ikinoi kak puig timiei di suar imbut kak nya lene ite leu puig timiei nya ba, israwir kak puig di hi dime kep bisur yam bigyo cem tu.

YEREMIA 19:4

Dibibon je nok gini drek dip Ditde limwa nya di iba inghim bak Dani. Yoni ibindei ba, map kui mpia dini drek dip midut di ibon bak ngkiai nya ide kwar nya di yoni kin idigup bat-idigai bat nya kin nibou ndig minu Yehuda nya yahagom ingon dorti tut bi. Yoni yuhug yo di ingon ngun nya inggrom ba, ut ei mpia dini tu.

YEREMIA 32:29

leu api ibindig minu ndig dini bitut ig ngot di Ditde limwa nya ibibon diggati eisi nya tug hon gi indig biei nggrai di ui-gwang kei bak Baal ba, ikiber ba anggur ngei mem ibikuk yok bak kwar nya ei ig bou njek dip cem.

YEREMIA 44:3

Mun di buhun dima cut igkep yok lewo timiei di ibong eisi ibon sisar apino sisar dima bindei ba, digga yok. Ibon midut nindig mindhe-ndhe ei humti mem gima ibikuk yok bak kwar nya di nipou ne yonti kin jeni kin jidigup bat-jidigai bat nya jahagom jikuk je bak bi sren.

YEREMIA 44:8

Nggon rino jibon kep mun di bibon diggati nya i? Jikwei bong ei minu Mesir di jingkiaisi leu api jikuk je bak kwar nya hanyen bu. Jibon midut nindig mindhe-ndhe ei humti ba, jibikuk je bak timiei minu dini ide kwar nya! Nggon rima jibindei timek jenti bijibindei ba, ngkiai nya yahagom ighyet kinei sut je ba, iba jinyeng bisigion yam i?

YEREMIA 44:9

Jibbwe ser mun di kinei hagom di jidigup bat-jidigai bat nya kin nibou ndig minu Yehuda nya kin itnem bat nya kin jeni kin jitnem bat nya jibon ei minu Yehuda kin puig ngot di mbut ei minu ndig Yerusalem cem tu e?

YEREMIA 48:35

Midibindei ba, mben Moab ikes inda tut gino ibon midut nindig mindhe-ndhe nya ei humti ei mpia di ikuk yok bak kwar eisi nya. Da di tuhan disimbot dat tu.

YEREMIA 5:2

Mbro nok gino jipai bipia jikuk je bak tuhan noro jiyai igbit jipaisi dima bi.

YEREMIA 5:7

tuhan pai “Nggon rima dikos ser Ditde limwa nya ide sisar nya i? Iba inghim biDa bikuk yok bak kwar nya tu. Dikwas njita tut yok ba, igyem bindei yok noro ibon sisar nicut tut yamti ba, icem kep sop di ikrar jut nya.

YEREMIA 7:6

Ma jico kep ngkiai nya kin moibihi nya kin sop kibom nya yahagom bu au. Ma jiyai nimai bak no di ningon ngun ei jide minu dini au. Ma jikes hon ba, jikuk je bak nung nya bu au lewo jiyai munti dima mibindei ba, jisar bijingwig.

YEHEZKIEL 18:18

Noro nicig ris ei tungwatu nyati binggimang ndiyok leu yok cem mbuk tut yahagom igkei cem ba, no dima mitug ndei nimai drek dip sisar di bon nya.

YEHEZKIEL 20:30

Gima rino ma atri tut mun di Da di tuhan Di Dinyeng Jei Bibor dipai biyok ‘Nggon rino jibon sisar noyam kin gi jidigup bat-jidigai bat nya ibon kep pima i? Nggon rino jikuk je bak kwar di bindei ba, tungwatu nya igyai ttin ningat pima noyam kin jidigup bat-jidigai bat nya pima i?

YEHEZKIEL 23:39

Lene njap di igyai nimai bak imunggwom bat nya di igyai biDa pima ba, indig ingut ei nimbar hum dokti bak ide kwar nya di ikuk yok bak pima rino nikindig-nikinjoi nya dima ikwei ei Ditde Ig bibindei ba, map kuisi!

YEHEZKIEL 5:11

Dani ne Allah di niyaijo kin tuhan Di Ninyeng Jei Bibor cem rin ba, ditri tut bipia midikes hukum ei na dip. Dikos ser ade sisar bi. Lewo abindei ba, map kui Ditde Ig tug hon ayai munti di kinei bibor nya di bindei ba, diyai ttin ningat tu.

HOSEA 2:13

Midikes hukum ei noni dip bit leu njap ngwa hagom di noni ndig biei nggrai di ui-gwang kei bak Baal lene ba nide mas kin perak bimau nonti buhuk bram pinai di cut tut noni. Da di tuhan disimbot dat tu.”

HOSEA 6:9

Imam nya di ibong ei hanjop dima idem kep nimpung nipos kep ndigban cig di ikkin ser tungwatu di injiriek yok nya. Igyai nimai bak tungwatu nya ei puig di ikak ug ei minu ndig niya coi Sikhem cem! Ibisinggre ba, ibon mun di kinei dima yok hagom.

AMOS 4:5

Nnaba jikwas roti nok mun di jibikuk je biDa tirigi jipai sigyo hanyen tut Da hak ug. Nnaba jinsi bbet tut gi jipai mijikum ei mun di jibikuk je biDati hak ug. Jo nibreisi bipia jingon llei sut jide midyai dima!

ZEFANYA 1:5

Midicok tut yo di ikui ug ei ig bou ninjek dip leu binhyepo ikuk yok bak mpia yaisi kin bed mmun kin ham mpia-bbed him nya yahagom poi hak. Midicok tut yo di ikuk yok biDa di iba neheng pai bipia ingon gom tut Da lo, yeheng bitug hon kwar Milkom ninyeng dima hak ug.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

ROMA 2:2

Nyeni ikan tut bipia mpe dino Allah kes hukum ei yo di ibon kep ibon kepti di nok gima yok ne nikos tutti dima igbit ri.

NINDAT KEP TUHAN NICUKTI NYA 32:17

Yoni ibui ide mindhe-ndhe nya bindig kep hum ei nimbar hum dokti bak ninnei rom nya kin kwar di ikuk yok bak nya di ingon kiowi tut kin nung di nijep nya di idigup bat-idigai bat nya ikuk yok bak bi sren tu.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”

NINGAT-HI-NGAT NYA 22:15

Noro yo di irom ndok kin yo di inda dut kin yo di icut tut yam kin yo di ihwen mun kin yo di ikuk yok bak kwar nya kin niris kep mun cig nya yahagom ingat rin ei minu ndig nisai.

NIJAM NIKEI NYA 5:8

Nipou tirigi mben Israel sindi ikuk yok bak kwar nya lene ide siceu nya ihwen yok. Mbro nok gino mben Israel ide tentara imangti ibou sribu ningot bitai lo, hi krau simeda kin mun di ibipukep ser tibor ninggwenti ei nindati bi.