YEREMIA 7:5 - ALLAH NIHYET MEM TUNGWATU NYA

⁵ Ma jinggek tut jiyaijoti di kinei bibor bijittin ser jiyai munti di mbuk bibor nya. Ma jiba jingon gom biyai mun tut yam.

YEREMIA 7:5 ပူးပေါင်းရင်းမြစ်များ

YESAYA 1:19

Gino jibit dihyet ne mijiyem kep ningat di kei hagom di hei ei jide minu dima.

YESAYA 16:3

Ipai bak timiei Yehuda nya “Ma jipai binye tut mun di suar nibon. Ma jinyohou nye bijinok biei di nimeng nggrou ninghousi di bon nohousi di nigwam nding ei mpia ngket di mpia wam nye. Ma jisindui sut ba, nigwam coi je nok biei behei dima. Ninang leu nitimieisi kwei biningwes ngun. Ma jiku nye nyahan. Jibakilak nye au.

YEREMIA 21:12

tuhan pai “Je di jintun Daud him e, ma jiyai jibou tut gi jiba ningon srenti bikos tut munhyet bikwop njap-njap. Jikwek no di yo di isibut nya ikes nibittemti nindig bibor ei ninghat dip dima leu inda nsi. Gi bi ne jiyai munti dima mibindei ba, Ditde nigga biborti cig-cai noyam kin hum di bit bon hi mu kan bi.”

YEREMIA 22:15

Na di Nibou Ndig Yoyakim e, ma amiap! Gino aba buom Libanon di kei bibor bingot ade ig nibou ndig lene gima bindo bipia nani ne nibou ndig di kei dor njiriek nibou ndig nindigsi nya rin e? Ma abisrip tut acig di ngat ningwes ei nibong kei nigwam keiti ba, ningat ntun midyai di yai nya hagom him. Lewo ningon sren kei ba, mig mbus tungwatu nya bi cem. Noni ba ningon di gom bimbus munhyet di yo di yuhui mbum ide cem. Suar ma yo di ikan tut tuhan mungkun kei igyai munti nok gima.

YEREMIA 22:3

“Da di tuhan disok kep je mem gima jiba ningon gomti kin ningon srenti biyai kep jiyai munti nya. Ma jikwek no di yo di isibut nya ikes nibittemti nindig bibor ei ninghat dip dima leu inda nsi. Ma jico kep ngkiai di ibong timiei bit je nya kin moibihi nya kin kibom nya ba, jibon mun kinei sut yok au. Ma jiyai nimai bak yo di ingwes ngun ei mpia dini au.

YEREMIA 26:13

Gima rino ma jiluei jingonti tut jiyaijoti kin jiyai munti nya leu api ma jibit tuhan di jide Allah nihyet. Gi jiyai nok lene Noni miluei ningonti tut mun di buhun di Noni mikes ei je dip.

YEREMIA 7:3

Da di tuhan di mben Israel ide Allah Di Sindem Bibor dipai ‘Ma jittin ser jide sisar kin jiyai munti di kinei bibor nya leu api disindui sut ba, jibong ser jitimieisi dini gingga.

YEHEZKIEL 18:17

bimbres nonti leu sisar hagom lene com mitiei bak tungwatu nya nok ningwam kin gi brim nibittemti leu yok bi. Ningat ne no dima bit diggai serti nya biyok ngon kep dicukti nya. No dima mitug ndei nimai drek dip nicig nide sisar nya bi lewo noni hek tut niyaisi.

YEHEZKIEL 18:5

Gino tungwagom niyaijoti kei bibor biningon kwes cem ningon sren cem no rinaha ba,

YEHEZKIEL 18:8

Noni com mitiei bak tungwatu nya nok ningwam kin gi brim nibittemti leu yok bi. Noni mbres nonti leu sisar nyeng hagom. Gino tungwatu nya ighyet sror kui yam lene noni gwam nok nikei di ningon sren bikos tut mun di srou yok.

IMAM NYA IDE MIDYAI 25:17

Ma je di mben Israel di jitig mbier tut yam jiris yam au. Noro ma nittin tut tuhanti bindei ba, jibit jide Allah nihyet.

ZAKHARIA 7:7

tuhan tri tut nisokti dima tug hon nabi nya ei nijam gi nipou pini jug di timiei minu ndig Yerusalem ibong kei igwam kei ba, mpia mbum-bra ri. Ei nijam dima ne ibong ser minu mien nya di jo ttai minu ndig he bi noro ibong ei minu mien ei nite bei mpia nibiho kin mbigdip nimig him nya ei nite bei mpia nicutti cem.

NIJAM NIKEI NYA 21:12

Leu api imbus sop gwam nitta pilei nya ibou sratus bitai leu timiei Yabes ikieti bibuwak yok kwei ei prak meng yati ei Silo ei minu Kanaan.

NIJAM NIKEI NYA 5:1

Njap dima ne Debora kin Barak di Abinoam nipmot ipai doia gom,