YEREMIA 7:34 - ALLAH NIHYET MEM TUNGWATU NYA

³⁴ Jide minu dini miluei nitta binok mpia ngoisi. Midibindei ba, yo di ingon llei bibor nya ighyet kin yo di ibit pesta niwak yamti nya ighyet hagom ntus ningwig ei minu mien Yehuda lene bidem simpak bou nya ei minu ndig Yerusalem cem.

YEREMIA 7:34 ပူးပေါင်းရင်းမြစ်များ

AYUB 3:7

Abindei ba, hi yai nillei au lewo njap pima dem kep njap nipijet.

MAZMUR 78:63

Nikon pranti yem munggwom pilei di ide nya lene hi di wak sop gwam nitta pilei di mben Israel ide nya bi.

YESAYA 1:7

Ngkiai nya igya kep jide minu dima hagom bitimek lene indig jide minu ndig nya bingwig. Yoni igyem njita leu jide beisi nya bingwig bou jiyai him ba, ibindei hagom timek bingwig.

YESAYA 3:26

Tungwatu nya migwam ei dimbou pmem ei minu ndig dima nuhui bingon ngguk bipim nggruet. Minu ndig dima ningat minok sop di juk sinsun leu di nijou hangwang bigwam ei dihyeiti.

YESAYA 6:11

Dihig ser Noni “tuhan e, ug ei mpe di tou leu api inok gini bu bi i?” Noni buhup “Ug ei mpe di minu ndig nya hagom timek bingwig ba, bon timiei nya hi bu bi ug e. Ug ei mpe di ig hagom ngwak ba, hi bong ser bu bi. Ug ei mpe di ide dihyei ninda rom titut yam minok iggum ndigsi bu ug e.

YEREMIA 16:9

Ma amiap kep mun di Da di tuhan Di Disindem Bibor di Allah Israel dipai bina. Midibindei ntus ningon nggei-hi-nggeisi kin ningon lleisi bitut pesta ninggei ngwig sut niwak yamti nya hagom. Yo di igyaijo ei nijam di ayaijo eisi dini mingat mun dima yok hagom bou igyai him.

YEREMIA 22:6

Nibou ndig minu Yehuda de ig kei-kau-kei binok minu Gilead kin Nungug Libanon nya bou diyai him. Noro midibindei mpia dima bidem kep nok iggum ndigsi di tungwatu ibong ser bi.

YEREMIA 25:10

Midibindei ba, nihyet ninggei-hi-nggei di kui yam kin niyai nillei ei pesta niwak yamti kes hon hak. Mini dihyei mem ide njeng mbrei kin ide gandum cem hagom ngwig.

YEREMIA 27:17

Ma jimiap kep ighyet au! Ma jikes jenti ei nibou ndig minu Babel ninda nsi hak ug leu binhyepo jingwes ngun. Nggon rino jibindei ba, minu ndig dini micut binok ig kum kroi i?

YEREMIA 33:10

tuhan pai “Tungwatu nya ipai biyam bipia minu ndig dini dem kep iggum ndigsi ba, tungwatu nya kin mindhe-ndhe nya igibong ser bi. Ipaisi dima ne igbit ri. Lewo minu ndig ngot di jo ei Yehuda kin puig ngot di mbut ei minu ndig Yerusalem hagom ngwak ba, tungwatu nya kin mindhe-ndhe nya hi gi bong eisi bu bi.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

YEREMIA 4:26

Dihyei di nnum kei dem kep iggum ndigsi di ngak-cai. Minu ndig nya hagom lus bingwig ba, nindungti he rijo ei a. Lewo tuhan gga Nide limwa nya bibor. (

YEREMIA 4:27

Nipou ne tuhan pai bipia dihyeisi dini titut yam minok iggum ndigsi noro Noni mibindei sar hagom bingwig hak bi.)

YEREMIA 44:6

Gima ribindei di disiber Ditde nigga biborti ei minu ndig ngot di jo ei Yehuda kin puig ngot di mbut ei minu ndig Yerusalem dip ug a. Dindig hagom bindung-ndiem ba, ngoi hak cem. Ba, jingat gima bou jiyai him tu.

NIBWOS-BWOS NYENTI 5:14

Ndigpoi ndig nya idem yam ei dimbou pmem nuhui ei minu ndig ba, doia nibimbi tibim kwei leu pilei nya yuhui cem bu bi o!

YEHEZKIEL 26:13

Midibindei ade doia nya kin nggong mbrei nya hagom kes hon ba, hyet bu bi.

YEHEZKIEL 7:11

Nisibutti kum eisi lene gima bindei ba, minggwen di ibikum ei nisibutti mang bibor ba, jiriek bu tu. Ide ndigban di inyeng tut nya kin inyeng di jei kin ide nisindemti di mipbor ngat hagom sar hak leu yok. Hi gi jo bi.

HOSEA 2:11

Midibindei ba, nide njap ndig nya hagom kes hon hak ug. Bitut pesta di noni bon bikwop ari bingwam kin bed kin Njap Nigwam Kep Ninghuisi nya di ijem ninyeng bipia njap nibon midutti nya.

HOSEA 2:13

Midikes hukum ei noni dip bit leu njap ngwa hagom di noni ndig biei nggrai di ui-gwang kei bak Baal lene ba nide mas kin perak bimau nonti buhuk bram pinai di cut tut noni. Da di tuhan disimbot dat tu.”

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

MIKHA 7:13

Noro dihyei ninjek dip nindigsi minok iggum ndigsi bu drek dip yo di ikieng kep dihyei dima igyai munti di mbuk bibor nya.

NINGAT-HI-NGAT NYA 18:23

Tungwatu nya ingat mini ninjeng di piga digai minu ndig dima bu bi. Ibon pesta niwak yamti ei minu ndig dima bu bi. Nipou ne nitri-nibipek kep mun cig ei minu ndig dima inyeng jei dor njiriek nitri-nibipek kep mun cig nya ei dihyeisi dini hagom. Nipou ne minu ndig dima ba ninda dut biris tungwatu dihyeisi dini hagom.”