YEREMIA 7:30 - ALLAH NIHYET MEM TUNGWATU NYA

³⁰ Timiei Yehuda nya ibon mun di kinei bibor. Ikon ide kwar di dingon mpo tut nya ba, itas ei Ditde Ig bibindei ba, map kui Ig dima.

YEREMIA 7:30 ပူးပေါင်းရင်းမြစ်များ

NIBOU NDIG NYA GI NICAN 21:3

Manasye win mpia di tungwatu nya ikuk yok bak kwar eisi nya hagom di nicig Hizkia ya kep binggek ningwig pima hanyen. Lene win nimbar hum dok nya mem gima bibon midut nya bak Baal. Lene bibon kwar sop Asyera bit leu nok Ahab di nok Nibou Ndig mem mben Israel nibon kepti pima cem. Manasye kuk no bak ham mpia-bbed him nya cem.

NIBOU NDIG NYA GI NICAN 21:4

tuhan pai ei su bipia minu ndig Yerusalem ne mpia di Noni ningat rin eisi ri. Lene minu ndig Yerusalem nok mpia di ibon midut bak Noni eisi cem ri. Mbro nok gima lo, Manasye win nimbar hum dok mem kwar nya ei tuhan De Ig.

NIBOU NDIG NYA GI NICAN 21:7

Manasye ttei kwar sop Asyera ningwes bitas pijum ei tuhan De Ig. Noro tuhan pai sut Nide Ig dima bak Daud kin nipmot Salomo nipou su “Ditde ig kin minu ndig Yerusalem di didimig leu keret Israel simnai brimigcan ide hanjop nya dini ne mpia di dindo ei nok gumihyep nibon midut eisi bak Dani ri.

NIBOU NDIG NYA GI NICAN 23:12

Noni bindei ba, tungwatu nya inggek nimbar hum dok nya di nibou ndig timiei Yehuda nya di nipou nya ibon ei nibou ndig Ahas de ig bou ninjek dip kin nimbar hum dok di Nibou Ndig Manasye bon ei mpia di jo bas hak ei tuhan De Ig hacem. Noni bindei ba, idram nimbar hum dok dini yok binnir-wap leu api icom hagom ug ei Mbang Briep Kidron.

NIBOHON MBEN ISRAEL GI NICAN 33:15

Noni com mben ngkiai ide kwar ngot di ibon bou inda him kin ide kwar nya di nonti kes ei tuhan De Ig hagom leu Ig dima ba, let nimbar hum dok ngot di nonti ngot mem kwar nya ei mbigdip di tuhan De Ig joti kin gi jo ei mpia ttou nsi hiter nya ei minu ndig Yerusalem cem. Tungwatu nya ittei mumpiang dima yok hagom ug ei minu ndig nisai leu api icom bingwig hak.

NIBOHON MBEN ISRAEL GI NICAN 33:3

Noni win mpia di tungwatu nya ikuk yok bak kwar eisi nya po nicig Hizkia cok tut tu pima biwin hanyen ba, win nimbar hum dok nya cem mem gima tungwatu nya ikuk yok bak Baal eisi. Noni bibon kwar Sop Asyera nya bikuk no bak ham mpia-bbed him nya cem.

NIBOHON MBEN ISRAEL GI NICAN 33:7

Noni ttei kwar Sop Asyera ningwes bitas ei tuhan De Ig. Noro Allah pai sut Nide Ig dima bak Daud kin nipmot Salomo nipou su. Noni pai “Ditde Ig ei minu ndig Yerusalem di didimig ei leu keret Israel simnaibrimigcan ide hanjop nsi dini ne mpia di dindo ei nok gumihyep nibon midut eisi bak Dani ri.

YESAYA 66:4

Gima rino midibon mun igbit dingon kanti bidikes mun di buhun di ittin tut nya ei yok dip. Lewo mpe dino dihig yok lene hi di buhup dihyet bi. Mpe dino dimbrap bit yok lene hi di miap kep dihyet bi. Mbro nok gino ikan tut bipia dingon mpo tut mun di kinei lo, ibon kikep mun di kinei dima rok him.”

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

YEREMIA 23:11

tuhan pai “Nabi nya kin imam nya ibit dihyet bi. Dingat lo, ibon mun di kinei ei Ditde De Ig.

YEREMIA 32:34

Ibindei ba, map kui Ditde Ig di ingot mem gima ikuk yok biDa eisi tug hon gi itas ide kwar nya di bibon dingon him wei sut eisi.

YEREMIA 32:35

Ba, iwin nimbar hum dok nya mem ibikuk yok bak Baal ei Mbang Briep Hinom bibui munggwom di ide nya bindig ei nimbar hum dokti dima yok ba, ibikuk yok bak Kwar Molokh. Digicuk yok mem gima ibon sisar di kinei bibor dima ba, ibindei dino ide limwa di mben Yehuda nya cem ibon sisar dima bi sren. Dikan-kan nyenti di nok gima hi jo dibou ngwakti bi sren.”

YEHEZKIEL 7:20

Nipou yo ne inggei sut ide tig permata di kei-kau-kei nya di ibimau yonti lo, iba tig permata dima bibon kwar di ikuk yok bak di suwok nya. Apino tuhan bindei di ingon mpo tut ide ndigban dima.

YEHEZKIEL 8:3

Mun di nok tungwatu dima su ninda bikrau dibou nta leu api diba ningat-hi-ngat pima bingat lo, Allah Ninnei kon da anai ug ei hou him bibuwak da ug ei tuhan De Ig ei minu ndig Yerusalem. Noni kes da kui dimbou di ibicoi ug ei mpia di jo bas hak ei ninsi gom di jo ei nite bei mpia nijjai. Ba, kwar di tungwatu nya ikuk yok bak di bibon tuhan nigga biborti jo ei sirima.

DANIEL 11:31

Noni cuk nide nimpung tentara di ibindei suwok tuhan De Ig tug hon gi idip tut midut nindig mindhe ei nimbar hum dokti bak tuhan bikwop njap-njap ba, itas Nisibutti Di Bindei Map Kui tuhan De Ig eisi cem.

DANIEL 9:27

Nibou ndig pima kin tungwatu nya imang bibor iba ingon gom bipreu ei mem yam kikau mem ari bingwam muhwindacan bu. Ug ei nijam dima nahacanti lene noni ggai ser nibon midut ei nimbar hum dokti kin munkwas di igyai bak Allah. Noni bindei ba, nide awak nya itas Nisibutti Di Bindei Map Kui tuhan De Ig biya anai ei ig bou ninjek dip bijo nijoti kikau bibou nibou ndig di bindei dima tug ndei hukum nimai di Allah tin ei mem noni ug e.”