YEREMIA 7:29 - ALLAH NIHYET MEM TUNGWATU NYA

²⁹ tuhan pai “Je di timiei minu ndig Yerusalem e, ma jingon ngguk bibor! Ma jikak jibou nta bijicom! Ma jipim bijibikiek nimai nya ei mbigdip nya lewo Da di tuhan dingon sibui sut je ba, dikou sut jahagom.

YEREMIA 7:29 ပူးပေါင်းရင်းမြစ်များ

AYUB 1:20

Lene Ayub kiju birik nide sinsun ei no him gi bindo bipia ningon ngguk bibor. Noni kak nibou nta leu api tti ug ei dihyeisi biba ningwak bikik dihyei,

MIKHA 1:16

Je di mben Yehuda e, ma jikos jibou nta nok mun di bindo bipia jingon ngguk tut jimunggwom bat di jingon ngakei yok nya. Ma jikak jibou nta bidia kei noyam kin ha di nindig krop di yem kep mun di mai nya lewo jide siceu nya mikat jimunggwom bat nya ug ei ingkiaisi.

YEREMIA 6:30

Hi mipai sut Ditde limwa nya bipia inok mumpiang perak nicom ei lewo Da di tuhan dicom yok tu.”

YEREMIA 16:6

Yo di inyeng kin yo di yuhui mbum mimai ei minu dini noro tungwa hi dima mitig yok bipim tut yok cem bi. Tungwahi dima yai nibok binonti ba, kak nibou nta leu cem nok bindo tut ningon di ngguk tut yok bi sren.

KISAH 2:40

Nok gima lene Petrus mbot kep tut biyok leu api huk nihyet kikau bisok kep yok “Ma jibrim jingkek leu binhyepo jingwes ngun leu hukum dino Allah mikes ei yo di isibut dini yok dip.”

MATIUS 23:36

Ma jiyok ngon kep bipia tungwatu nya nijam dini itug ndei hukum drek dip yo dima yahagom imaisi!”

MATIUS 16:4

“Ei nijam dini ne tungwatu nya ingon rom bingkek ndok bibor cem. Jahara Da tut mindur e? Midibon mindur hi ter di ter leu mindur di Nabi Yunus bibon mem je bi.” Yesus pai biyok nok leu api kes yok bimbut leu yok.

MATIUS 12:39

Yesus buhup “Ei nijam dini ne tungwatu nya ingon rom ba, ingkek ndok cem! Jahara Da tut mindur e? Dibon mindur bou jiyai him bi. Mbro nok gima lo, Allah mindo bindo mem je bit leu nok bindo di tug hon Nabi Yunus.

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

YEHEZKIEL 28:12

“Na di tungwatu di ayaijo kikau bi e, ma apim nggruet tut nibou ndig Tirus. Ma apai sut mun di Da di tuhan Di Dinyeng Jei Bibor dipai sut noni bipia nipou pini jug ne abon nanti nok bindo tug hon ade nikei-kau-keisi. Nipou yo ne angon ki bibor ba, awer ubbu ngat cem!

YEHEZKIEL 19:1

Bit leu Allah nicuk dati ne dipai doia nibwos-bwos nyenti dini mem nibou ndig Israel ibou can di igya luei icig bat nya yohoti. Dibipai,

YEREMIA 48:37

Yahagom ikak ibou nta kin yuhui nta ba, idat inda pang nya bijuk sinsun kron di bindo tut ide ningon nggukti tu.

YEREMIA 47:5

Ningon ngguk biborti cut igkep timiei Gaza nya. Timiei Askelon nya igwam bibbwe ei yamti. Mben Filistin di niken-ken nya ingon ngguk kikau bipek apig bu i?

NIBOU NDIG NYA GI NICAN 17:20

Apino tuhan rok Nide limwa di Israel yahagom bikes hukum di buhun ei yok dip tug hon gima kes yok ei ide siceu di iten-pos nya inda nsi. tuhan ningon cun di nyohou yok bu bi lo, com yok leu dihyei di yai biyok tu.

NINDAT KEP TUHAN NICUKTI NYA 32:5

Noro jingon gom tut Noni ba, dem mem Noni hig je nok Nide limwa nya bi. Lewo jinok mben di ibon sisar di kinei bibor ba, iris mun cem.

YESAYA 22:12

tuhan Di Ninyeng Jei Bibor di Sindem Bibor cem cuk je ei mpe dima leu binhyepo jipim ba, jibwos-bwos nyen cem jikak jibou nta leu ba, jibijuk sinsun kron cem.

YEREMIA 3:2

Jikon jibou bijimian kui ug ei mbigdip ninggram him nya! Ba, jingat mpia di tou rino juug ei di jicut ei sisar nikrar kep yamti bigyo i? Jiyai munti dima dem kep mben Arab ei iggum ndigsi. Jigwam sir puig ninghas bijimem kep ser no di kwei yem njita tut sop di nikrar jut. Jibindei ba, map kui minu dini tug hon jide nicut ei sisar niyem njita tut sop hiterti kin jide nibon mun di kinei biborti cem.

YEREMIA 3:21

Tungwatu nya imiap nihyet hwen yamti kin nihyet kui yamti ei nungug dip nya. Nihyet dima ne limwa mben Israel ighyet di ipim ba, yahara ser ri. Lewo yoni ibon sisar ba, ibbwe ser ide tuhan Allah tu.

YEREMIA 9:10

Da di Yeremia dipai “Midingon ngguk tut nungug him nya. Diyai nggwei kibor tut beisi nya lewo hagom ngoi-nga ba, tungwatu nya ikriau binjiriek cem tu. Mindhe di ihyen kep nya idungwek eisi bu bi ba, ha nya kin mindhe-ndhe di niten-pos nya hagom inang bingwig leu su.”

YEREMIA 12:7

tuhan pai “Dikes Ditde Ig ei su. Dikou sut mben Israel di didimig yok tu. Dikes Ditde limwa di dingon ngakei yok nya ei ide siceu indati tu.

YEREMIA 14:19

tuhan e, akou sut timiei Yehuda nya bihigom tu e? Angon mpo tut timiei Sion nya e? Nggon rino abui nye bibor lene abindei ba, bit bon nikei hanyen kan bi i? Nijoi sut bipia nibong kei nigwam kei noro bi. Niba ningon com bipia nikei hanyen noro mun di bindei di ningon ttin bibor cut igkep nye.

NIBWOS-BWOS NYENTI 5:22

He, ma acom nye bihigom tu e? Ade nigga nyeti bon nohonti bi sren e?

AMOS 5:1

Je di mben Israel e, ma jimiap kep dihyet lewo midiba doia ningon di ngguk bikiek je.

YEREMIA 9:16

Midibindei ntek gimahap yok srig ngkiai di yoni kin idigup bat-idigai bat nya cem ikan tut yok bi nya ikieti. Lene midipinak tentara di mikon pran bit yok bram yam kikau bibou yahagom isar bingwig ug e.”