YEREMIA 7:26 - ALLAH NIHYET MEM TUNGWATU NYA

²⁶ Noro jingig jitingou mem ighyet bijiyok ngon kep ide nicuk jeti nya bi. Jengkom dini jingkek ndok ba, jaham jimbuk kep Da nindig bibor dor njiriek jidigup bat-jidigai bat nya.”

YEREMIA 7:26 ပူးပေါင်းရင်းမြစ်များ

NIBOU NDIG NYA GI NIGOM 14:22

Mpe dima lene timiei Yehuda ibon sisar di kinei bibor tut tuhan leu api sisar dima bindei ba, tuhan gga yok bibor dor njiriek nigga idigup bat-idigai bat nya drek dip ide sisar di ibon nya.

NIBOU NDIG NYA GI NIGOM 14:9

Noro tut nani ne abon mun di kinei nindig bibor dor tunggwei mun di kinei di yo di inyeng tak kep mben Israel ibonti nya pima nipou tirigi anyeng tak kep yok bigyo. Aba anghim bak Dani lene abindei ba, digga bibor tug hon gino abindei ba, tungwatu nya iba ngkimom nitu bibon kwar nya ba, ikuk yok bak cem tu.

NIBOU NDIG NYA GI NICAN 17:14

Noro limwa Israel kin timiei Yehuda nya itingou ndok ser nihyet. Ingkek ndok noyam kin idigup bat-idigai bat nya di iba ingon com ide tuhan Allah bi.

NIBOU NDIG NYA GI NICAN 17:15

Mben Israel kin timiei Yehuda nya ikou sut gima ibit tuhan nicuk yokti nya lene iba ingon di gom biyok ngon kep gi preu po tuhan bon mem idigup bat-idigai bat nya pima bi. Isem tut tuhan nipingok kep yokti nya cem leu api ikuk yok bak kwar nya di bon ninyeng bi. Apino yonti cem ibon inyeng ei tuhan niyai him bi. Mbro nok gino tuhan ggai ser yok lo, iba ingkek di ndok biyai bram mben di ibong ttai yok igyaisi nya hagom.

NIBOHON MBEN ISRAEL GI NICAN 30:8

Ma jingkek ndok noyam kin yoni au. Noro ma jibit tuhan nihyet. Ma jinduk yam kwei ei minu ndig Yerusalem ba, jicoi ug ei tuhan De Ig di Noni dimig pijum ei mem Nonti bijo ninno bijo kikau. Ma jikwei ba, jikuk je bak Noni leu binhyepo ningon cut leu Nide nigga jeti.

NIBOHON MBEN ISRAEL GI NICAN 33:10

tuhan pai kep Manasye kin nide limwa nya noro igimiap kep Nihyet bi.

NIBOHON MBEN ISRAEL GI NICAN 33:23

Noro Amon niyai munti nya ter leu nicig niyai munti nya lewo Amon om nonti ei tuhan Noho bei ba, ngkwei hanyen ndam Noni bi. Nide sisar di bon nya dor tunggwei nicig nibon sisarti cem.

NEHEMIA 9:29

Asok kep yok leu binhyepo ibit Ade nipingok yoti. Mbro nok gino ikan tut bipia yo di ibit Ade nicukti nya migyai niyaijo lo, ingon jei ba, ikou sut Ade nicukti nya. Isem tut ahyet lewo ingkek ndok cem ighyet prinder cem.

NIPINGOK NINGONTI 29:1

No di ba ningkek ndok bibuhup bak nindigsi nya di ipingok kep noni ninyen ne mpe di gom noni mitug midut nipou tirigi luei ningonti tut bigyo.

YESAYA 48:4

Dikan tut bipia jingon tindak ba, jibou ngwakti nggwes cem jingkek ndok cem.

YESAYA 5:4

Notou dinyohou miai ba anggur dima bu i? Lewo dimpig bou kep bidicom dahanggwap tut wer ninno tu. Nggon rino anggur dima ngat ningat di hyenha lene ngat ningat di nyop kei hi biDa bi i?

YEREMIA 11:8

Disok kep yok leu binhyepo ibit gi preu dima. Noro igimiap kep ba, igibit kep dihyet bi. Noro ingkek ndok bijo kikau ba, isibutti jo kikau noyam kin gi nipou nya. Gima rino dikes hukum hagom di jo ei gi preu dimati ei yoni dip ug a.”

YEREMIA 16:12

Noro tut jeni ne jibon munti kinei bibor bidor njiriek yok. Jingkek ndok ba, jibit jingon kanti di kinei bibor. Jigibit dihyet bi.

YEREMIA 17:23

Noro jidigup bat-jidigai bat nya imiap kep dihyet ba, yahati tut Ditde nicuk yokti dima cem bi. Ingkek ndok ba, ikou sut gima ibit dihyet cem ikou sut Ditde nipingok yokti cem.

YEREMIA 19:15

tuhan Di Sindem Bibor di nok mben Israel ide Allah pai bije “Dibindei ba, hukum di buhun bibor micut igkep minu ndig dini bitut minu mien di gahai nya cem hagom bit leu nok dipreu ei mem jeti lewo jahagom jingkek ndok ba, jingig jitingou mem dihyet bi.”

YEREMIA 22:21

Dimbrap bit je mpe di jibong kei jigwam kei yo pima noro jigimiap kep dihyet bi. Ningat ne jiyai munti nok gima ei nipou pima kikau kwei bipek ammani kep. Jigibit dihyet kan bi sren.

YEREMIA 25:3

“Dingkek ndok tut tuhan nisokti di pai bida mem nijam ari bingwam nyatungwagom ba, ningai habiei leu ari bingwam gi nisimnaibrimigningai di Yosia di Amon nipmot ninyeng tak kep minu Yehuda kikau kwei bipek njap di ammani kep bi. Ditri tut Nide nisok ei da dipti hagom bije tu. Noro jigingig jitingou mem nisokti dima bi.

YEREMIA 25:7

Noro tuhan Nonti pai bipia jikou sut nihyet leu api jiba jide kwar nya bibibon kep Nide niggati. Jenti rino jibindei di Nide hukum cut igkep je a.

YEREMIA 26:5

Lene ma jiyok ngon kep Ditde awak di nabi nya di dipinak ndam je kikau tu ighyet. Nipou kwei bipek ammani kep jikou sut gi jimiap kep ighyet.

YEREMIA 29:19

Mun nyeng dima yok hagom cut igkep yok drek dip gi ibit Ditde nisokti di disok kep yok bijo kikau tug hon ditde awak di nabi nya bi ri. Ikou sut Ditde nisok kep yokti dima.

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEREMIA 32:23

Noro tirigi ikwei bong ser minu dini ba, igyai bigyati ne igibit Ade nicukti nya ba, igiyaijo dem igbit Ade ningginausi nya cem bi. Igiyai mun nyeng hagom di acuk yok tut nya gom cem bi. Gima rino bitig dino akes mun di buhun dini yok ei yok dip a.

YEREMIA 34:14

awak di mben Ibrani di yai midyai nok awak kikau mem nijam ari bingwam nitindur muhwindagom tu lene suar niceu kwek noni leu nuubon no nok awakti ei ari bingwam gi nimuhwindacan ningwigsi. Noro jidigup bat-jidigai bat nya itug hon nipreu ei mem yokti dima bimiap kep mun di dipai biyok dima bi.

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

YEREMIA 35:17

Gima rino Da di tuhan Di Disindem Bibor di Allah Israel midikes mun di buhun hagom di ditin ei dingon kanti tut nya ei je di timiei Yehuda kin minu ndig Yerusalem nya dip bit leu nok gi dipai ei su. Dibon nok gima lewo jigimiap dihyet mpe dino dimbrap bit je ba, jibuhup dihyet mpe di dihig je cem bi.”

YEREMIA 44:16

“Nikou sut gi ningig nitingou mem mun di apai binye gau tuhan ninyeng dima.

YEREMIA 5:3

Ningat ne tuhan ningon ya mem yo di iba ingon gom bibit Noni. Noni bui je tu noro jisem tut Noni. Noni bindei bijinem-nnai noro jikou sut nide nipingok jeti. Jingkek ndok ba, jikou sut gi jittin ser jide sisar.

YEREMIA 6:10

Lene dibuhup “tuhan e, suar dimbrap bit tou i? Suar disok kep tou i? Lewo ingkek ndok ba, igingig itingou mem ahyet bi. Ipa tut Ade nisok kepti di ditri tut biyok ba, ingon mpo tut cem.

YEREMIA 6:17

Lene tuhan ta yo di igya ser nya mbirimang mem gima iwin kep Nide limwa nya ingonti leu binhyepo imiap pun mbrei di tibim di bitto yok. Noro Nide limwa nya ibuhup “Ningig nitingou mem bi.”

YEREMIA 7:24

Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.

YEREMIA 9:13

Lene tuhan buhup “Mun dini yok hagom cut igkep Ditde limwa nya lewo igyok ngon kep dipingok yokti nya ba, ibit dihyet bigyai igbit dicuk yokti nya bi.

YEHEZKIEL 12:2

“Na di tungwatu di ayaijo kikau bi e, abong ei yo di yaham imbuk kep Allah tu nya ikieti. Ibon igyai noro igingat mpia bi. Ibon itingou noro igimiap mun cem bi. Lewo yaham imbuk kep Da kikau.

YEHEZKIEL 12:3

Gima rino na di tungwatu di ayaijo kikau bi e, ma acat ndigban ade nya keyam ei sre nghas di nindig gomti mem njap noyam kin no di tungwatu nya icom no nibon kepti bou yahagom igyai him. Ambut leu abongti ug ei mpia ttou nsi hiter bu noyam kin no di icom ug ei ningkiaisi cem bou yahagom igyai him. Mpaba yo di yaham imbuk kep Da mingon huk niti bipia nani tereu nok no di tungwatu nya icom ug ei ningkiaisi ri.

YEHEZKIEL 20:30

Gima rino ma atri tut mun di Da di tuhan Di Dinyeng Jei Bibor dipai biyok ‘Nggon rino jibon sisar noyam kin gi jidigup bat-jidigai bat nya ibon kep pima i? Nggon rino jikuk je bak kwar di bindei ba, tungwatu nya igyai ttin ningat pima noyam kin jidigup bat-jidigai bat nya pima i?

DANIEL 9:6

Ningig nitingou mem Ade awak di nabi nya ighyet tirigi itri tut ahyet tug hon anyeng bak nyende nibou ndig nya kin yo di ibie tut nye kin nidigup bat-nidigai bat nya kin mben Israel yahagom bi.

HOSEA 11:7

iba ingkek di ndok bikiek yoho ter leu Da cem. Gima rino yoni mitug ndei mun di buhun di micut igkep yok. Mbro nok gino yahara hiter mem gima kwei mpu yok lo, bit bon hi teu yok bingwes ngun kan bi.”

ZAKHARIA 7:11

Noro Ditde limwa nya ingkek ndok ba, idat kep itingou ser leu ba, igimiap dihyet bi.

MALEAKHI 3:7

Jikiek je leu Ditde niggai serti nya lene jiba jingon di gom bibrim jingkek mem dihyet bi noyam kin jidigup bat-jidigai bat di nipou nya. Ma jenti jingkwei hanyen ndam Da leu api midingkwei hanyen ndam je. Noro jihig ser Da ‘Nibon mindei di bindei ba, ningkwei hanyen ndam Na i?’

MATIUS 21:38

Noro tirigi yo dima ingat igbit nipmot di kwei dima rino yuhum yam nsi bipai ‘No dima ne nipmot ri. Noni miba nokep mun di jo bak nicig hagom. Jikwei ba, ihwen noni leu binhyepo iba nyekep ba anggur nghousi dini.’

MATIUS 23:32

Gi nok lene ma jibinut sisar po jidigup bat-jidigai bat nya ikinyon eisi pima bingwig ug e!

KISAH 7:51

Disut bat jen, jingkek ndok bibor! Nggruk bibor mem gima jibit Allah nihyet cem! Jitingou nam ser Allah nihyet! Jeni kin jide pung di jintun him nya jahagom jisrep tut Allah Ninnei ninno tu!

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

NINDAT KEP TUHAN NICUKTI NYA 8:20

Gino jibit tuhan di nok jide Allah nicuk jeti nya bi lene Noni mihwen je bijingwig dem kep nok ngkiai nya di Noni hwen yok bingwig tirigi jikieng kep ide minu dima.”