YEREMIA 7:25 - ALLAH NIHYET MEM TUNGWATU NYA

²⁵ Dipinak Ditde awak di nabi nya ndam je tirigi po jidigup bat-jidigai bat nya yehei leu minu Mesir pima kikau kwei bipek ammani kep.

YEREMIA 7:25 ပူးပေါင်းရင်းမြစ်များ

YEREMIA 25:4

Mbro nok gino tuhan pinak Nide awak di nabi nya ndam je tu lo, jigimiap kep ighyet ba, jigingig jitingou mem ighyet cem bi.

NIBOHON MBEN ISRAEL GI NICAN 36:15

Idigup bat-idigai bat nya ide tuhan Allah pinak Nide nabi nya bingkwei-ngkwei nyen kep Nide limwa nya mem gima isok kep yok. Lewo tuhan ningon ngakei yok bitut Nide Ig cem.

YEHEZKIEL 2:3

“Na di tungwatu di ayaijo kikau bi e, dipinak na ndam mben Israel lewo yaham imbuk kep Da noyam kin idigup bat-idigai bat nya di yaham imbuk kep Da nipou su.

YEREMIA 7:13

Mbro nok gino dimbrap bit je kikau su lo, jikou sut dihyet bijibon bidem sisar ninyeng dini yok hagom tu. Tirigi dihig je lene jinghek Da ba, jibuhup dihyet bi.

NEHEMIA 9:26

Noro Ade limwa nya ikiek imig jo tut Na bibit ahyet bi. Yoni iba inghim bak Ade nikos tutti nya. Igyai nimai bak nabi nya di isok kep yok bipia suar ikwei kuk yok bak Na di Allah hanyen bu. Ade limwa nya ighyet wer mpiahi tut Na bikwop nok ug.

NEHEMIA 9:30

Aba angon di jo nyahan sok kep yok bikwop ari bingwam hagom sindam ba, Ade Ninnei pingok ei ingonti tug hon nabi nya ighyet cem noro Ade limwa nya itingou nam ser. Gima rino asindui sut yok ba, icut bak tentara ngkiai.

EZRA 9:7

Ade limwa di nyeni nibon sisar tut Nani habiei leu nijam di nidigup bat-nidigai bat nya igyaijo yo pima kikau kwei bipek ammani kep. Gima rino bindei di nibou ndig mben ngkiai ibindei timek nyeni kin nyende nibou ndig nya kin imam nya bitut nye dini yok cem ug a. Ba, igyai nimai binye cem ikri nye nok awak di ipian nye ug ei minu ngkiai ide cem ug a. Iba ighyet bicig nye bijo kikau noyam kin mun di nuum ei njap di ammani.

NINDAT KEP TUHAN NICUKTI NYA 9:7

Ma jiyok ngon kep notou jibindei ba, tuhan di nok jide Allah ningon sibui sut je ei iggum ndigsi pima. Habiei tirigi jingwes ngun leu minu Mesir kikau kwei bipek njap dino jikwei krau mpia dini lene jahagom jiyai munti hwen bit Noni.

LUKAS 11:49

Gima rino Allah Di Ningon Ki pai ‘Midicuk nabi nya kin yo di itri nihyet ndam yok noro mikimukep bihi lene mihwen bit bihi kin bu.’

NIBOHON MBEN ISRAEL GI NICAN 24:19

tuhan pinak nabi nya ndam yok bipingok ingonti leu binhyepo ingkwei hanyen ndam tuhan ba, yoom yonti binok awak mem Noni. Noro limwa nya itingou nam ser ighyet.

YESAYA 5:4

Notou dinyohou miai ba anggur dima bu i? Lewo dimpig bou kep bidicom dahanggwap tut wer ninno tu. Nggon rino anggur dima ngat ningat di hyenha lene ngat ningat di nyop kei hi biDa bi i?

YEREMIA 11:7

Mpe dino dibuwak idigup bat-idigai bat nya kwei leu minu Mesir lene disok kep yok bingkiem leu binhyepo ibit dihyet. No disok kep yok tut mun nyeng dima kikau kwei bipek ammani kep.

YEREMIA 25:3

“Dingkek ndok tut tuhan nisokti di pai bida mem nijam ari bingwam nyatungwagom ba, ningai habiei leu ari bingwam gi nisimnaibrimigningai di Yosia di Amon nipmot ninyeng tak kep minu Yehuda kikau kwei bipek njap di ammani kep bi. Ditri tut Nide nisok ei da dipti hagom bije tu. Noro jigingig jitingou mem nisokti dima bi.

YEREMIA 29:19

Mun nyeng dima yok hagom cut igkep yok drek dip gi ibit Ditde nisokti di disok kep yok bijo kikau tug hon ditde awak di nabi nya bi ri. Ikou sut Ditde nisok kep yokti dima.

YEREMIA 35:14

Yonadab ggai ser nide nintun him yamti di bram yam nya tut anggur ngei ba, idut bi. Ibit niggai serti dima ba, hi leu ikieti gidut ba anggur ngei bi sren kikau bipek njap di ammani kep. Noro tut jeni ne mbro nok gino disok kep je bijo kikau lo, jigimiap dihyet bi.

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

YEREMIA 44:4

Dipinak Ditde awak di nabi nya ndam je bijo kikau leu binhyepo iggai ser je tut jide nibon munti di kinei bibor di dingon mpo tut dima.

HOSEA 12:10

Noro Da di jide tuhan Allah di dibuwak je di jehei leu minu Mesir midibindei ba, jibong ei prak meng yati nya hanyen nok gi nipou tirigi dihwou ngat je ei iggum ndigsi.

AMOS 2:11

Didimig jipmot bat nya ibou poi bidibindei ba, inok nabi nya. Didimig jide pinai pilei nya ibou poi bidibindei ba, inok nimpung Nazir cem. Je di mben Israel e, gini hagom igbit rin bi e? Da di tuhan disimbot dat tu.

MALEAKHI 3:7

Jikiek je leu Ditde niggai serti nya lene jiba jingon di gom bibrim jingkek mem dihyet bi noyam kin jidigup bat-jidigai bat di nipou nya. Ma jenti jingkwei hanyen ndam Da leu api midingkwei hanyen ndam je. Noro jihig ser Da ‘Nibon mindei di bindei ba, ningkwei hanyen ndam Na i?’

HOSEA 11:7

iba ingkek di ndok bikiek yoho ter leu Da cem. Gima rino yoni mitug ndei mun di buhun di micut igkep yok. Mbro nok gino yahara hiter mem gima kwei mpu yok lo, bit bon hi teu yok bingwes ngun kan bi.”