YEREMIA 7:24 - ALLAH NIHYET MEM TUNGWATU NYA

²⁴ Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.

YEREMIA 7:24 ပူးပေါင်းရင်းမြစ်များ

YEREMIA 8:5

Nggon rino je di jinok Ditde limwa nya jikriek leu pui di nijit ba, jiba jinghim biDa bijo kikau i? Jikrau kep jide kwar nya di jikuk je bak bingkiem ba, jikou sut gi jingkwei hanyen ndam Da.

YEREMIA 7:26

Noro jingig jitingou mem ighyet bijiyok ngon kep ide nicuk jeti nya bi. Jengkom dini jingkek ndok ba, jaham jimbuk kep Da nindig bibor dor njiriek jidigup bat-jidigai bat nya.”

NINDAT KEP TUHAN NICUKTI NYA 29:19

Gino tungwa hi leu jikieti miap tut tuhan nicukti di buhun bibor dima lene ma kan bipia mbro nok gino rom no kep nonti ningon kanti lo, mun di pek kep mem niyaijoti nya hagom mimbut nok gi kei mem noni. Noni mikan nok gima au. Mun dima mibindei sar jeni bitut yo di ingon rom kin yo di ingon sren cem jahagom.

YEHEZKIEL 20:13

Noro tirigi ingat rin ei iggum ndigsi ne yaham imbuk kep Da. Itunggwei Ditde nicukti nya birok Ditde niggai serti nya di bindei ba, yo di ice tut bibit nya igyaijo ba, ide njap jei. Ibindei ba, map kui Njap Nigwam Kep Ninghuisi bibor. Gima rino ditin ei mem gima dikes Ditde nigga biborti ei yok dip ba, dibindei sar yok cem ei iggum ndigsi.

YEREMIA 32:33

Mbro nok gino dingginau yok bijo ninno lo, igimiap kep dihyet ba, ingon guhuk niti cem bi. Apino iba inghim biDa.

HOSEA 4:16

Je di mben Israel e, jingkek ndok bibor! Notou midinyohou je ei abris nghousi nok domba nya i?”

YEHEZKIEL 20:21

Noro pilei nya ei nijam dima cem yaham imbuk kep Da. Itunggwei Ditde nikos tutti nya ba, iba ikou yai Ditde nicukti nya di dem mem yo di ice tut ibit nya igyai niyaijo ba, ide njap jei cem. Ibindei ba, map kui Njap Nigwam Kep Ninghuisi bibor. Gima rino ditin ei mem dikes Ditde nigga biborti ei yok dip ei iggum ndigsi dima ba, dibiyai nimai bak yahagom.

YEHEZKIEL 20:8

Noro yaham imbuk kep Da ba, igimiap dihyet bi. Ikou sut gima icom kwar di suwok bibor di ikuk yok bak dima lene ibikes hon gi ikuk yok bak mben Mesir ide kwar cem. Mpe dino ingat rin ei minu Mesir ne ditin ei mem gima dikes Ditde niggati ei yok dip.

YEREMIA 15:6

Jikou sut Da bijikiek jinghim bak Dani tu. Gima rino dikon dinda bidihwen je leu api mijisar lewo bit bon doom dingon tut je bu kan bi.

YEREMIA 3:17

Mpe dima lene tungwatu nya mindat minu ndig Yerusalem ninyeng ‘tuhan De Banggo Mbrei.’ Ngkiai nya yahagom minduk yam ei minu ndig dima mem gima ikuk yok biDa. Yoni mibit yonti ingon kanti di mbum ba, kinei dima bu bi.

YEREMIA 2:27

Jahagom mijimmai sut jenti lewo jihig biei ttou gom nok jicig ba, jihig tig nitindak gom nok jipmem. Jikwei kuk je biDa bi noro jikes Da ei. Tirigi mun di buhun cut igkep je lene jahara Da leu binhyepo diteu je bijingwes ngun.

NEHEMIA 9:29

Asok kep yok leu binhyepo ibit Ade nipingok yoti. Mbro nok gino ikan tut bipia yo di ibit Ade nicukti nya migyai niyaijo lo, ingon jei ba, ikou sut Ade nicukti nya. Isem tut ahyet lewo ingkek ndok cem ighyet prinder cem.

YEHEZKIEL 20:16

Diba neheng dima bipai kep yok lewo iba ikou yai Ditde nicukti nya ba, itunggwei diggai serti nya bibindei ba, map kui Njap Nigwam Kep Ninghuisi cem. Iba yoho rok nikuk no bak ide kwar nya dor njiriek gi ikuk yok biDa.

YEREMIA 23:17

Itri tut bak yo di ikou sut dihyet bipai ‘Dwai! Mijibong kei jigwam kei.’ Lene itri tut bak bikwop no di ningkek ndok bipai ‘Dwai! Mun di buhun bibor micut igkep na bi sren.’ ”

YEREMIA 9:14

Ingkek ndok ba, ikuk yok bak Baal de kwar nya bit leu nok idigup bat-idigai bat nya ingginau yok tut.

YEREMIA 13:11

Dipi bibou limwa mben Israel kin Yehuda iba yonti bikri Da bingkiem noyam kin minghas cun di niceu nonti bikri nintig bou a. Tug hon nisinati dima lene inok Ditde limwa di ibindei ba, tungwatu ikon dinyeng ba, ibou cut biDa cem. Noro ikou sut gima ibit dihyet.”

YEREMIA 16:12

Noro tut jeni ne jibon munti kinei bibor bidor njiriek yok. Jingkek ndok ba, jibit jingon kanti di kinei bibor. Jigibit dihyet bi.

YEREMIA 17:23

Noro jidigup bat-jidigai bat nya imiap kep dihyet ba, yahati tut Ditde nicuk yokti dima cem bi. Ingkek ndok ba, ikou sut gima ibit dihyet cem ikou sut Ditde nipingok yokti cem.

YEREMIA 18:10

noro mben dima ibit dihyet bi ba, ibon sisar lene midiluei dingonti tut yok.”

YEREMIA 18:12

Noro yo dima mibuhup ‘Nittin ser sisar mem mindei i? Minibit nyenti ningon kanti kikau! Bikwop nahagom ningkek ndok ba, niyai kep mun di mbuk bibor bit leu nyenti ningon kanti!’ ”

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

HOSEA 10:6

Yoni mikon kwar dima ug ei minu Asyur binjei nok mun di ibigo belasten bak nibou ndig minu Asyur di ninyeng jei bibor. Mben Israel ibit ide ningon kanti di itin ei di bindei ba, itug ndei nimmaisi kin nisuwokti.

MIKHA 6:16

Mun dini yok hagom micut igkep je drek dip gi jiyai bram Nibou Ndig Omri kin nipmot Nibou Ndig Ahab igyai munti di mbuk bibor nya. Jiyai bram igyai kepti di kinei dima yok kikau. Gima rino midibindei ba, jitimek bijingwig apino tungwatu dihyeisi dini hagom ighyet wer mpiahi tut je. Mbro nok gino jinok Ditde limwa nya lo, yahagom ingwes om je.”

MAZMUR 81:13

Gima rino disindui sut di ingkek ndok ug a. Nnaba, ibit yonti ingon kanti hak ug.

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEREMIA 6:16

tuhan pai bak Nide limwa nya “Ma jiya hammi puig nahau yamti nya bijiyok jiyai kep mungkun. Ma jihig ser tungwatu nya tut puig gi nipou di kei bibor nya. Ma jikak puig dima leu binhyepo jibong kei jigwam kei.” Noro ibuhup “E bi! Nikou sut puig dima!”

YEREMIA 13:10

Mben di isibut bibor dini igibit dihyet bi lewo ingkek ndok bibor. Ikuk yok bak nung di ngkiai nya ide ba, inok awak mem. Gima rino yoni midem kep minghas di nggun dini.

YEREMIA 17:9

Tou riningon dorti tut mun di jo ningon bei i? Ningon ki tut niris mun igkeisi dor njiriek mun nyeng hagom ba, ninggwenti buhun bibor.

YEREMIA 22:21

Dimbrap bit je mpe di jibong kei jigwam kei yo pima noro jigimiap kep dihyet bi. Ningat ne jiyai munti nok gima ei nipou pima kikau kwei bipek ammani kep. Jigibit dihyet kan bi sren.

YEREMIA 32:23

Noro tirigi ikwei bong ser minu dini ba, igyai bigyati ne igibit Ade nicukti nya ba, igiyaijo dem igbit Ade ningginausi nya cem bi. Igiyai mun nyeng hagom di acuk yok tut nya gom cem bi. Gima rino bitig dino akes mun di buhun dini yok ei yok dip a.

DANIEL 9:6

Ningig nitingou mem Ade awak di nabi nya ighyet tirigi itri tut ahyet tug hon anyeng bak nyende nibou ndig nya kin yo di ibie tut nye kin nidigup bat-nidigai bat nya kin mben Israel yahagom bi.

ZAKHARIA 7:11

Noro Ditde limwa nya ingkek ndok ba, idat kep itingou ser leu ba, igimiap dihyet bi.