YEREMIA 7:23 - ALLAH NIHYET MEM TUNGWATU NYA

²³ Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

YEREMIA 7:23 ပူးပေါင်းရင်းမြစ်များ

NEHEI LEUSI 15:26

Bipai biyok “Gino jiba jingon di gom bibit dihyet lene jiyai munti nya hagom sren kei bou diyai him leu api jiyok ngon kep dicuk jeti nya hagom lene midikes hukum ninggwen di buhun nya po di kes ei mben Mesir dip pima ei je dip bi. Dani ne tuhan di bindei ba, jikei hanyen ri.”

NINDAT KEP TUHAN NICUKTI NYA 5:33

Ma jiyai bram jide tuhan Allah nicuk jeti nya hagom leu binhyepo jibong kei jigwam kei ei minu di mijikieng kep dima.”

YEREMIA 42:6

Nahara bak na di andigpoi ba, angat nadi bak ide tuhan Allah mem nye. Lewo nijoi sut nibit nihyet leu binhyepo niwer tungwatu. Ba, mbro nok gino Nide nicuk nyeti dima buhun e, buhun bi e, minibit.”

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.

NINDAT KEP TUHAN NICUKTI NYA 6:3

Je di mben Israel e, ma jintu kep nicukti dima yok lene ma jibit hagom! Gi nok lene mijibong kei mijigwam kei apino jide mben nya midigek kep mpia tirigi jikieng kep minu di nnum bibor dima bit leu nok tuhan di nok jidigup bat-jidigai bat nya ide Allah preu ei su.

NINDAT KEP TUHAN NICUKTI NYA 30:20

Ma jingon ngakei tuhan di nok jide Allah ba, jibit nihyet ba, jingon gom tut Noni cem apino jeni kin jide nintun him yamti di bram yam nya mijibong kei mijigwam kei mem nijam di jei bibor ei minu di Noni preu ei mem jidigup bat-jidigai bat di Abraham kin Ishak kin Yakub nya tu.”

NINDAT KEP TUHAN NICUKTI NYA 13:4

Ma jitti kin tuhan di nok jide Allah bijiba jibou coi mem Noni ba, jibit nihyet cem jiyok ngon kep nicuk jeti nya cem jikuk je bak Noni cem jingon gom tut Noni cem.

YEREMIA 11:4

Dibon gi preu dima mem idigup bat-idigai bat nya mpe dino dibuwak yok kwei leu minu Mesir mpia di nok komfor hum di cig-cai biyem yok. Disok kep yok leu binhyepo ibit dihyet ba, ibon kep Ditde nicuk yokti nya hagom. Tini bu ne dipai biyok bipia gino ibit dihyet lene yoni minok Ditde limwa nya ba, dinok ide Allah cem.

NINDAT KEP TUHAN NICUKTI NYA 5:29

Nna ba itin ei ingon kanti di nok gima kikau ug! Gino yoni inggei sut Da kikau bibit dicuk yokti nya hagom lene yoni kin ide di intun him yok di bram yam nya mibong kei migwam kei bijo ninno bijo kikau.

KORINTUS GI NICAN 10:5

ninggek nisindem nibousi nya di yo di ingon jei nya ingot bisrin ser puig di bie ndam Allah. Nikat ningon kanti nya di ntun dihyeisi dini him binikuk hagom bibit Kristus nihyet cem.

NINDAT KEP TUHAN NICUKTI NYA 30:2

Gino jeni kin jide nintun him yamti di bram yam nya jikwei kuk je hanyen bak tuhan di nok jide Allah bijiba jingon titut bibit nicuk jeti nya di ditri tut bije njap di ammani lene,

YEREMIA 11:7

Mpe dino dibuwak idigup bat-idigai bat nya kwei leu minu Mesir lene disok kep yok bingkiem leu binhyepo ibit dihyet. No disok kep yok tut mun nyeng dima kikau kwei bipek ammani kep.

NINDAT KEP TUHAN NICUKTI NYA 30:8

Mpe dima ne mijibit nihyet kin nicuk jeti nya di ditri tut bije njap di ammani cem hagom hanyen bu ri.

ROMA 16:26

Noro tini bu ne Allah di niyaijo kikau mbot kep tut mimun dima brei bak mben dihyeisi dini hagom tug hon srat di nabi nya ipas ei su nya leu binhyepo tungwatu yahagom iba ingon com Noni bibit nihyet.

NINDAT KEP TUHAN NICUKTI NYA 4:10

Tut njap po jiya ei tuhan di nok jide Allah Noho bei ei Nungug Sinai pima. Mpe dima ne Noni cuk da bipai ‘Ma anduk ade limwa nya yahagom kwei leu binhyepo ingig itingou mem dihyet. Leu binhyepo ipwoi dingon bibit dihyet hagom kikau ug bipek igyaijo ningwig honti. Lene ma inyohou pingok imunggwom bat nya ingonti leu binhyepo yoni cem ibit dihyet.’

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

NINDAT KEP TUHAN NICUKTI NYA 11:27

Mijiyai mun di kei gino jibit jide tuhan Allah nicuk jeti nya di ditri tut bije njap di ammani.

NINDAT KEP TUHAN NICUKTI NYA 5:16

Ma jikon jicig bat-jipmem bat nya inyeng ba, jinyohou yok. Gini ne jide tuhan Allah nicuk jeti rin leu binhyepo jibong kei jigwam kei ba, jide njap jei ei minu di midikwas tut je.

NEHEI LEUSI 16:32

Lene Musa pai “tuhan cuk nye bipia suar igyai manna nibuhunti dem liter can ba, igyok ei mem gima indo bak ide nintun him yamti di bram yam nya leu binhyepo ingat njita di Noni yai binye ei iggum ndigsi tirigi po Noni buwak nye leu minu Mesir pima bou igyai him.”

SAMUEL GI NIGOM 15:22

Lene Samuel hig ser noni “Allah joi sut mindei ngan i? Noni joi sut yo di ibit nihyet e, he joi sut nibon midut he e? Mun di bon ninyeng ei Noni niyai him rino ibit nihyet leu gino ibon midut nindig domba di kei bibor kei kep humti bak Noni.

MAZMUR 40:6

tuhan e, abon mindur nya mang bibor mem nye tu. Nyende tuhan Allah e, hiter inyeng jei sur anyeng kan bi! Atin ei angon kanti di mindur mang bibor mem nye tu. Bit bon dikwop mun di mindur dima yok nimangti kan bi.

MAZMUR 81:13

Gima rino disindui sut di ingkek ndok ug a. Nnaba, ibit yonti ingon kanti hak ug.

YESAYA 3:10

tuhan pai “Apai bak yo di ibit dihyet bipia yoni mingon nggei-hi-nggei ba, ibong kei igwam kei lene yahanggwap mbilen mikuisi bi lewo migyem kep ningat di ntun him.

YEREMIA 13:11

Dipi bibou limwa mben Israel kin Yehuda iba yonti bikri Da bingkiem noyam kin minghas cun di niceu nonti bikri nintig bou a. Tug hon nisinati dima lene inok Ditde limwa di ibindei ba, tungwatu ikon dinyeng ba, ibou cut biDa cem. Noro ikou sut gima ibit dihyet.”

YEREMIA 22:3

“Da di tuhan disok kep je mem gima jiba ningon gomti kin ningon srenti biyai kep jiyai munti nya. Ma jikwek no di yo di isibut nya ikes nibittemti nindig bibor ei ninghat dip dima leu inda nsi. Ma jico kep ngkiai di ibong timiei bit je nya kin moibihi nya kin kibom nya ba, jibon mun kinei sut yok au. Ma jiyai nimai bak yo di ingwes ngun ei mpia dini au.

YEREMIA 24:7

Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 38:20

Lene dibuhup “Nok gima bi. Tentara dima mikes na ei yo dima indati bi. Dibidip huk na di Andigpoi leu binhyepo abit tuhan nicuk nati hak ug. Gino ayai nok gima lene hagom mimbut kin gi kei bibor lewo isindui sut na ba, angwes ngun.

ZEFANYA 3:2

Buhun bibor mem timiei minu ndig di ikou sut tuhan nisok kep yokti ba, ijoi sut nipingok yokti bi cem. Yo dima iba ingon com Tuhan ba, yahara bak mem gima mpu yok cem bi!

ZAKHARIA 6:15

Tungwatu nya mikwei leu ting bibor bimpu yo di iwin Ditde Ig. Mpe dino iwin Ig dima biput lene mijo nibreisi mem yok bipia Da di tuhan Di Disindem Bibor dipinak na di nabi ndam yok. Mun dini yok hagom mipek kep mem yok gino ibit ide tuhan Allah nicukti di dicuk yok tut nok mungkun kei.”

ZAKHARIA 7:7

tuhan tri tut nisokti dima tug hon nabi nya ei nijam gi nipou pini jug di timiei minu ndig Yerusalem ibong kei igwam kei ba, mpia mbum-bra ri. Ei nijam dima ne ibong ser minu mien nya di jo ttai minu ndig he bi noro ibong ei minu mien ei nite bei mpia nibiho kin mbigdip nimig him nya ei nite bei mpia nicutti cem.

NINDAT KEP TUHAN NICUKTI NYA 4:40

Ma jibit Allah nicuk jeti nya di ditri tut bije njap di ammani apino jeni kin jide nintun him yamti di bram yam nya mijibong kei mijigwam kei ei minu di tuhan di nok jide Allah miyai bije nogindini ba, bijo ninno bijo kikau cem.”

NINDAT KEP TUHAN NICUKTI NYA 13:5

Noro suar jihwen no di mbot kep tut mumpriem kin nabi di ibindei ba, jaham jimbuk kep tuhan di teu je bijingwes ngun leu gi jiwer awak ei minu Mesir dima. Yo dima ingon rom nindig bibor ba, iris je leu puig di tuhan ndo bije tu. Suar jihwen yo dima leu binhyepo sisar nindig bibor dima srig jikieti bu bi.

AYUB 36:11

Gino ibit Allah nihyet ba, inok awak di inggei sut Noni ne yoni ibong kei igwam kei ba, mun di isuar nya dem mem yok ug bipek ide njap ningwig honti.

MAZMUR 119:3

Yo di ibon mun di kinei bi di idimig ide niyaijoti ba, ibibit tuhan ningon kanti nya ingon nggei-hi-nggei.

YEREMIA 22:21

Dimbrap bit je mpe di jibong kei jigwam kei yo pima noro jigimiap kep dihyet bi. Ningat ne jiyai munti nok gima ei nipou pima kikau kwei bipek ammani kep. Jigibit dihyet kan bi sren.

YEREMIA 32:23

Noro tirigi ikwei bong ser minu dini ba, igyai bigyati ne igibit Ade nicukti nya ba, igiyaijo dem igbit Ade ningginausi nya cem bi. Igiyai mun nyeng hagom di acuk yok tut nya gom cem bi. Gima rino bitig dino akes mun di buhun dini yok ei yok dip a.