YEREMIA 7:15 - ALLAH NIHYET MEM TUNGWATU NYA

¹⁵ Midijji jeni ug ei minu ting leu Doho bei dem kep nok dijji jide bat mben Israel nya nipou su. Da di tuhan disimbot dat tu.”

YEREMIA 7:15 ပူးပေါင်းရင်းမြစ်များ

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEREMIA 52:3

Gima rino tuhan ningon sibui sut timiei minu ndig Yerusalem kin timiei Yehuda nya nindig bibor bijji yok lene gi nyohou yok bu bi. Mpe dima lene Zedekia ham nimbuk kep Nebukadnezar di nok nibou ndig mem minu Babel.

NIBOU NDIG NYA GI NICAN 17:23

apino tuhan ningon cun di nyohou yok bu bi ba, com yok leu dihyei di yai biyok. Ba, gima dem igbit tuhan nisok kep yokti tug hon Nide awak di nabi nya. Lene ide siceu nya ikat limwa Israel bicom yok ug ei ingkiaisi ei minu Asyur ba, ibong ei sirima kikau kwei bipek ammani kep.

HOSEA 12:1

tuhan pai “Mben Israel iba nisuglai kin niris mun biyon ttai Da. Mben Yehuda ihwen bit Da di Allah Di Kwes di dingon gom bijo kikau.

HOSEA 9:9

Jibon munti nya kinei bibor bidem gi jibon ei minu ndig Gibea. Allah miyok ngon kep jitunggweisi bikes hukum ei je dip drek dip jide sisar.

HOSEA 9:3

Je di mben Israel e, mijibong kikau ei minu di tuhan yai bije bi. Suar jingkwei hanyen ug ei minu Mesir. Lene suar jiyem njita nipigig ser di bindei ba, map kui jeti ei minu Asyur.

HOSEA 1:4

lene tuhan pai bida “Ma ajem ninyeng Yizreel lewo jei bi ne midikes hukum ei nibou ndig Israel dip drek dip nidigup Yehu de mun di yai tunggwei tirigi noni hwen tungwatu nya ei minu ndig Yizreel. Dikos dat bipia midibindei ba, yo di intun Yehu him yahagom imai bingwig.

YEREMIA 23:39

midohom yok bitut ide minu ndig di diwin mem yok kin idigup bat-idigai bat nya cem leu api midicom yok ug ei minu ting bibor.

YEREMIA 3:8

Timiei Yehuda nya ingat bipia dikou sut mben Israel di inok sop di ba ningon com Da bu bi. Dibon srat nikou sut yam bidiyai biyok lene dibikes yok drek dip gi icut ei sisar niyem njita tut sop hiterti tu. Noro timiei Yehuda nya ittin tut gima bi ba, yoni cem yuug cut ei sisar di kinei dimati bram bu.

NIBOHON MBEN ISRAEL GI NICAN 15:9

Keret Efraim kin Manasye kin Simeon nya ibicom yam bit Asa bibong bidem ei nide minu di ninyeng tak kepti nya nipou su. Lewo jo nibreisi mem yok bipia tuhan mpu noni tu. Lene Asa nduk yo dima kin timiei minu Yehuda Benyamin nya kwei ba,

NIBOU NDIG NYA GI NICAN 24:20

Gima rino tuhan ningon sibui sut timiei Yehuda kin minu ndig Yerusalem nya nindig bibor bijji yok bingwig leu niyai him.

MAZMUR 51:11

Akiek ayai ter leu ditde sisar nya ba, aciu ser hagom hak ug.

YESAYA 7:16

Noro nipou tirigi tto bou dima dem bigyo ne nibou ndig cin di attin tut pima ide minu hagom minok mpia di ha he bong.

YEREMIA 9:19

Ma jingig jitingou mem mben Sion di ipim kui jei bipai “Nitimek biningwig binimmai sut nyenti. Lewo suar nikes nitimieisi ei binimbut leu. Nyende siceu nya inggek nyende ig nya sinsiou bingwig.”

YEHEZKIEL 23:31

Ayai bram akindig niyai kepti. Gima rino midikes hukum ei nani dip noyam kin hukum di dikes ei akindig dip.”

HOSEA 7:13

Buhun bibor mem yok lewo yaham mbuk kep Da tu! Yoni mitimek bingwig lewo ihwen bit Da. Dipi biditeu yok bingwes ngun lo, ide nikuk no biDati nya hagom nitrowai he.

HOSEA 9:13

tuhan e, dingat siceu nya di yuhuk-huk nyen Ade limwa nya imunggwom bat nya ba, igyai nimai biyok.

YUNUS 2:4

Dikan bipia acom da bihigom leu Aho bei leu api midingat Ade Ig di kwes-kwau bou diyai him bu bi sren ug ri.

YEREMIA 23:33

tuhan pai bida “Yeremia e, gino Ditde limwa hi e, he nabi hi e, he imam hi e, kwei hig ser na ‘Apai tuhan nihyet bida’ lene ma abuhup ‘Nanti rino abuhun tak tuhan. Gima rino Noni micom na hak ei.’

YEHEZKIEL 33:25

Da di tuhan Di Dinyeng Jei Bibor disok dihyet ei na dip bak yo dima, “Jiyem mikwau di ninggrom huisi cem jikuk je bak kwar nya cem jihwen mun cem kikau. Nggon rino jikan bipia dihyei dini nok jide dihyei ninda rom i?