YEREMIA 7:14 - ALLAH NIHYET MEM TUNGWATU NYA

¹⁴ Gima rino midikes hukum ei Ditde Ig dini di jiba jingon com di diyai bak jidigup bat-jidigai bat nya kin jeni dip noyam kin hukum di dikes ei Silo dip.

YEREMIA 7:14 ပူးပေါင်းရင်းမြစ်များ

NIBOU NDIG NYA GI NICAN 25:9

Noni ndig tuhan De Ig kin nibou ndig de ig kin timiei minu ndig Yerusalem di inyeng jei nya ide ig hagom bitimek.

NIBOHON MBEN ISRAEL GI NICAN 7:21

Nogindini tungwatu nya yahagom idigit tut Ig nikuk no bak Dani eisi dini bibor. Noro mpe dima lene bikwop tungwagom-gom di mbut sir ig dini bingat bou niyai him lene mikit nibou leu. Leu api mipai ‘Nggon rino tuhan bibon minu dini kin ig dini nok gima i?’

MAZMUR 78:60

Lene bikes Nide Prak Meng di yohok ei Silo di nok mpia di Noni Ningat rin eisi ei Nide limwa nya ikieti bijo ei.

YESAYA 64:11

Hum yem tuhan De Ig di kwes-kwau po nyeni nidigup bat-nidigai bat nya ipiga ei mem Na bibikon anyenga eisi pima bitimek bingwig. Ig nindigsi nya di nyeni ningat ningwes eisi nya hagom sar bingwig.

YEREMIA 12:7

tuhan pai “Dikes Ditde Ig ei su. Dikou sut mben Israel di didimig yok tu. Dikes Ditde limwa di dingon ngakei yok nya ei ide siceu indati tu.

YEREMIA 23:39

midohom yok bitut ide minu ndig di diwin mem yok kin idigup bat-idigai bat nya cem leu api midicom yok ug ei minu ting bibor.

YEREMIA 26:18

“Tirigi Hizkia ninyeng tak kep minu Yehuda lene Nabi Mikha leu Moresyet tri tut tuhan Di Sindem Bibor nihyet bak yo dima, ‘Tungwatu nya miba sapi bikkin dihyei Sion noyam kin yo di igyai miai. Minu ndig Yerusalem mitti binok ig kum kroi ba, mbigdip di iwin tuhan De Ig eisi dini minok baham tindurti.’

YEREMIA 26:4

tuhan cuk da leu binhyepo ditri tut bak yo dima “Da di tuhan dipai bije bipia suar jibit dihyet kin diggai serti nya di diyai bije tu.

YEREMIA 7:10

Niabiati jibinut kep jibon sisarti dima hagom leu su lene jikwei ya ei Doho bei ei Ditde Ig dini bijipai ‘Nibong kei nigwam kei o!’ Leu api jibisinggre bijibon kep mun dima yok hagom hanyen bu.

YEREMIA 7:12

Ma juug ei Silo. Minu ndig di didimig ei mem gima jikuk je biDa eisi. Ma jingig jiyai kep hukum di dikes ei Ditde limwa nya dip drek dip ide sisar di ibon ei mpia dima bou jiyai him.

YEREMIA 7:4

Ma jiba jingon com yo di iris igkei nya di ipai bije bipia jibong kei jigwam kei drek dip tuhan De Ig di jiwin ei mpia dini au. Lewo ipai bipia Igbit ri! Ig dini ne tuhan De Ig ri!’

NIBWOS-BWOS NYENTI 2:7

tuhan rok Nide nimbar hum dok di kwes ei leu ba, kes nonti Nide Ig ei su o! Noni sindui sut ba, siceu inggek ngug tig nya ba, lus ningwig o! Siceu imbos-hi-mbos ei mpia di nipou nikuk nye bak tuhan binibon pesta eisi lewo yoom kep nye tu o!

NIBWOS-BWOS NYENTI 4:1

Mas pimbai di jimjit kei pima pimber tu o! Tig di ibingot tuhan De Ig pima cut biyem mpia ei simpak o!

YEHEZKIEL 23:31

Ayai bram akindig niyai kepti. Gima rino midikes hukum ei nani dip noyam kin hukum di dikes ei akindig dip.”

YEHEZKIEL 24:21

bidipai sut nisokti dini bije: Jinggei sut tuhan De Ig nisindemti. Jijoi sut jimian huk nggilun ba, jibicem kep cem. Noro tuhan mibindei bimap kui Nide Ig. Leu api Noni miyai nimai bak jide nimpung ig bei nsi di ipilei yo ndi igyaijo nya di ibong ei minu ndig Yerusalem ei pranti.

NINDAT KEP TUHAN NICUKTI NYA 12:5

Lewo tuhan di nok jide Allah mindo minu ttou nsi gom ngat ei jide mben nya ide hanjop nsi nikieti nya leu binhyepo Nide limwa nya minduk yam bikuk yok biNoni eisi.

NINDAT KEP TUHAN NICUKTI NYA 28:52

Yoni minjei siceu bihwen bikwop minu ndig di jo ei minu di jide tuhan Allah miyai bije hagom apino ngug tig di jo nai di jibindei sindem di jiba jingon com nya cem mitti hak.