YEREMIA 7:13 - ALLAH NIHYET MEM TUNGWATU NYA

¹³ Mbro nok gino dimbrap bit je kikau su lo, jikou sut dihyet bijibon bidem sisar ninyeng dini yok hagom tu. Tirigi dihig je lene jinghek Da ba, jibuhup dihyet bi.

YEREMIA 7:13 ပူးပေါင်းရင်းမြစ်များ

NIPINGOK NINGONTI 1:24

Dihig je ninno tu lo, jikou sut da bijingkek ndok tut dihyet.

YESAYA 50:2

Nggon rino Ditde limwa hi buhup dihyet tirigi po dikwei hig yok pima bi i? Nggon rino inghek Da ba, ikan bipia disindem mem gima dikwek yok biditeu yok ba, ingwes ngun bi i? Ningat ne disindem mem gima diba dicukti bindei ba, muk ndigsi sri bipingge bingwig ba, minyei nya cem pingge bingwig dem kep nok iggum ndigsi ba, wau di joti nya hagom mai bimpiei bibor.

YESAYA 65:12

Jahagom mijimai nimbiam. Lewo mpe di dihig je lene jigibuhup bi. Ba, mpe di dimbrap lene jigimiap kep dihyet bi. Jikos tut bipia jico kep Da bijibon kep mun di kinei he.

YESAYA 66:4

Gima rino midibon mun igbit dingon kanti bidikes mun di buhun di ittin tut nya ei yok dip. Lewo mpe dino dihig yok lene hi di buhup dihyet bi. Mpe dino dimbrap bit yok lene hi di miap kep dihyet bi. Mbro nok gino ikan tut bipia dingon mpo tut mun di kinei lo, ibon kikep mun di kinei dima rok him.”

YEREMIA 11:7

Mpe dino dibuwak idigup bat-idigai bat nya kwei leu minu Mesir lene disok kep yok bingkiem leu binhyepo ibit dihyet. No disok kep yok tut mun nyeng dima kikau kwei bipek ammani kep.

YEREMIA 11:8

Disok kep yok leu binhyepo ibit gi preu dima. Noro igimiap kep ba, igibit kep dihyet bi. Noro ingkek ndok bijo kikau ba, isibutti jo kikau noyam kin gi nipou nya. Gima rino dikes hukum hagom di jo ei gi preu dimati ei yoni dip ug a.”

YEREMIA 13:10

Mben di isibut bibor dini igibit dihyet bi lewo ingkek ndok bibor. Ikuk yok bak nung di ngkiai nya ide ba, inok awak mem. Gima rino yoni midem kep minghas di nggun dini.

YEREMIA 13:11

Dipi bibou limwa mben Israel kin Yehuda iba yonti bikri Da bingkiem noyam kin minghas cun di niceu nonti bikri nintig bou a. Tug hon nisinati dima lene inok Ditde limwa di ibindei ba, tungwatu ikon dinyeng ba, ibou cut biDa cem. Noro ikou sut gima ibit dihyet.”

YEREMIA 25:3

“Dingkek ndok tut tuhan nisokti di pai bida mem nijam ari bingwam nyatungwagom ba, ningai habiei leu ari bingwam gi nisimnaibrimigningai di Yosia di Amon nipmot ninyeng tak kep minu Yehuda kikau kwei bipek njap di ammani kep bi. Ditri tut Nide nisok ei da dipti hagom bije tu. Noro jigingig jitingou mem nisokti dima bi.

YEREMIA 26:5

Lene ma jiyok ngon kep Ditde awak di nabi nya di dipinak ndam je kikau tu ighyet. Nipou kwei bipek ammani kep jikou sut gi jimiap kep ighyet.

YEREMIA 29:19

Mun nyeng dima yok hagom cut igkep yok drek dip gi ibit Ditde nisokti di disok kep yok bijo kikau tug hon ditde awak di nabi nya bi ri. Ikou sut Ditde nisok kep yokti dima.

YEREMIA 32:33

Mbro nok gino dingginau yok bijo ninno lo, igimiap kep dihyet ba, ingon guhuk niti cem bi. Apino iba inghim biDa.

YEREMIA 35:14

Yonadab ggai ser nide nintun him yamti di bram yam nya tut anggur ngei ba, idut bi. Ibit niggai serti dima ba, hi leu ikieti gidut ba anggur ngei bi sren kikau bipek njap di ammani kep. Noro tut jeni ne mbro nok gino disok kep je bijo kikau lo, jigimiap dihyet bi.

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

YEREMIA 35:17

Gima rino Da di tuhan Di Disindem Bibor di Allah Israel midikes mun di buhun hagom di ditin ei dingon kanti tut nya ei je di timiei Yehuda kin minu ndig Yerusalem nya dip bit leu nok gi dipai ei su. Dibon nok gima lewo jigimiap dihyet mpe dino dimbrap bit je ba, jibuhup dihyet mpe di dihig je cem bi.”

YEREMIA 44:23

Jide nibon midut nindig mindhe-ndhe ei humti ba, jibikuk je bak kwar nya cem jibon sisar tut tuhan cem jigibit Nide nicuk jeti nya bi cem hagom bindei ba, njap di ammani jitimieisi timek tu. Tungwatu ibong ser mpia dima bu bi. Noro iba minu dima ninyeng bisigion yam. Yo di ingat gima yok nya igyai ttin ningat tu.”

YEREMIA 44:4

Dipinak Ditde awak di nabi nya ndam je bijo kikau leu binhyepo iggai ser je tut jide nibon munti di kinei bibor di dingon mpo tut dima.

YEREMIA 5:21

“Je di jingon mbum ba, jibbwe e, ma jingig jitingou mem dihyet! Jimbun jiyai noro jigingat mpia bi! Jimbun jitingou noro jigimiap mun bi!

YEREMIA 6:10

Lene dibuhup “tuhan e, suar dimbrap bit tou i? Suar disok kep tou i? Lewo ingkek ndok ba, igingig itingou mem ahyet bi. Ipa tut Ade nisok kepti di ditri tut biyok ba, ingon mpo tut cem.

YEREMIA 7:25

Dipinak Ditde awak di nabi nya ndam je tirigi po jidigup bat-jidigai bat nya yehei leu minu Mesir pima kikau kwei bipek ammani kep.

HOSEA 11:2

Noro tirigi dihig kikep yok ninyen lene ibimbut ninna leu Da leu api imbres yonti leu Da bikum eisi bu. Ditde limwa nya indig mindhe-ndhe ei nimbar hum dokti bak Baal bindig biei nggrai di ui-gwang kei bak kwar nya.

HOSEA 11:7

iba ingkek di ndok bikiek yoho ter leu Da cem. Gima rino yoni mitug ndei mun di buhun di micut igkep yok. Mbro nok gino yahara hiter mem gima kwei mpu yok lo, bit bon hi teu yok bingwes ngun kan bi.”

HOSEA 9:17

Allah di diyai midyai mem mirok Nide limwa nya ei drek dip gi ikou sut ingig itingou mem nihyet. Yoni mimbut bibong-bong wai bidem dihyeisi dini bisrig ngkiai nya ikieti.

ZAKHARIA 7:13

Dibuhup ide nadi bi drek dip gino igimiap kep dihyet tirigi dimbrap bit yok bi.

MATIUS 23:37

“Ayo! Je di timiei minu ndig Yerusalem nya e, jikimukep nabi nya ba, jiba tig bihwen yo di Allah cuk yok kwei ndam je cem. Dipi bidinggriou jahagom bit leu nok kuke di kieng ninyehei gau nimien nya noro jikou sut Da.