YEREMIA 7:12 - ALLAH NIHYET MEM TUNGWATU NYA

¹² Ma juug ei Silo. Minu ndig di didimig ei mem gima jikuk je biDa eisi. Ma jingig jiyai kep hukum di dikes ei Ditde limwa nya dip drek dip ide sisar di ibon ei mpia dima bou jiyai him.

YEREMIA 7:12 ပူးပေါင်းရင်းမြစ်များ

NIBOU NDIG NYA GI NIGOM 9:7

lene midijji Ditde limwa nya leu ide minu di diyai biyok dini ba, midikes Ditde Ig di didimig ei mem tungwatu nya ikuk yok biDa eisi dini ei. Apino tungwatu dihyeisi dini hagom mporo ingwes moom kep mben Israel ba, mipa tut yok.

YEREMIA 26:6

Gino jibit dihyet bi kikau lene midibibon tuhan De Ig dini noyam kin gi dibibon Silo leu api mben dihyeisi dini hagom miba minu dini ninyeng bibimbriom yam.”

YEREMIA 7:14

Gima rino midikes hukum ei Ditde Ig dini di jiba jingon com di diyai bak jidigup bat-jidigai bat nya kin jeni dip noyam kin hukum di dikes ei Silo dip.

NINDAT KEP TUHAN NICUKTI NYA 12:11

tuhan di nok jide Allah mindo minu ttou nsi gom ngat lene ma jikuk je biNoni ei sirima. Lene ma jittei mun di dicuk je tut hagom ei sirima. Nok mindhe-ndhe di jindig kep hum ei nimbar hum dokti kin mindhe-ndhe mem nibon midut nindigsi nya kin mun di jikwas gom leu ningot gom lene nok kin mun nindigsi di jikwas tut Noni kin mun di jipreu ei mem Noni nipou su nya hagom.

NINDAT KEP TUHAN NICUKTI NYA 12:5

Lewo tuhan di nok jide Allah mindo minu ttou nsi gom ngat ei jide mben nya ide hanjop nsi nikieti nya leu binhyepo Nide limwa nya minduk yam bikuk yok biNoni eisi.

YOSUA 18:1

Tirigi ibindei timek minu ndig nya di tuhan preu ei mem yok hagom tu lene mben Israel yahagom induk yam kwei ei Silo. Leu api itas tuhan De Prak Meng di bindo tut bipia tuhan ningat rin ei ikieti ei mpia dima.

YOSUA 18:10

Leu api Yosua ko binggok tut leu binhyepo bikan tut tuhan ningon kanti mem yok leu api kwas dihyei hanjop nsi dima tut keret mben Israel gom-gom di itug ndei hi bigyo nya.

NIJAM NIKEI NYA 18:31

Kwar di Mikha bon bou ninda him dima jo kikau ei Lais sur nijam di tuhan De Prak Meng jo ei Silo.

SAMUEL GI NIGOM 1:3

Lene Elkana bit leu niyai kepti bikwop ari bingwam ba, jo leu minu ndig Rama buug ei Silo leu binhyepo kuk no bak tuhan Di Sindem Bibor bibon midut nindig mindhe ei nimbar hum dokti bak Noni ei sirima. Mpe dima lene Eli yai nipmot bat cin di Hofni kin Pinehas ba, igyai midyai nok imam mem tuhan ei sirima.

SAMUEL GI NIGOM 4:22

Noni pai “Allah De nikei-kau-keisi pror leu Israel tu lewo ide siceu nya ipos Nide Brua Gi Preu bimbut tut tu.”