YEREMIA 7:11 - ALLAH NIHYET MEM TUNGWATU NYA

¹¹ Jikan bipia Ditde Ig dini noyam kin hak mihyeti mem ninggimang kep mun cig nya iku yok nyahan eisi e? Dingat jiyai munti nya hagom bou diyai him tu.

YEREMIA 7:11 ပူးပေါင်းရင်းမြစ်များ

NIBOHON MBEN ISRAEL GI NICAN 6:33

lene ma angig atingou ei atimieisi ei gwamti mem nihyet ba, abuhup bit leu ningon kanti. Leu binhyepo tungwatu dihyeisi dini hagom ingon mijo kep Nani bibit ahyet noyam kin nye di Ade limwa di mben Israel nibit ahyet. Tug hon nisinati dima ne mben ngkiai migyok ngon kep bipia Ade Ig di dingot dini ne gumihyep gom ngat mem tungwatu nya ikuk yok biNa eisi ri.

YESAYA 1:12

Tou ricuk je bipia suar jittei mun dima yok hagom kwei tirigi jibikuk je biDa i? Tou ricuk je bipia suar jingwig kep midut nya nok gima ei Ditde Ig Di Kwes-Kwau i?

YESAYA 56:7

“Midibuwak je ug ei Sion di nok Ditde nungug di kwes-kwau bidiyai ningon di nggei-hi-nggei bije ei Ditde Ig di ibon midut nya eisi. Midijoi sut jide midut nindig mindhe-ndhe ei Ditde nimbar hum dokti cem leu api tungwatu nya itri tut bipia tuhan De Ig rinok gumihyep mem mben yahagom ingat nadi eisi.”

YEREMIA 2:34

Yo di yuhui mbum kin yo di ingon ngun di jibui yok nya inggrom rus jide sinsun bibor tu. Noro yo dima ne ninggimang kep mun cig nya di ikat yok inggrom rino rus jide sinsun bibor bi. Mbro nok gima lo,

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.

YEREMIA 29:23

tuhan bindei ba, mun di suwok bibor dima cut igkep yok drek dip ide sisar di nindig bibor di ibon ei minu Israel tu. Yoni icut tut hi nitnem lene iba tuhan ninyeng bitri tut mun di igbit bi nya cem. Ba, gima yok hagom srep tut tuhan ningon kanti. Noni kan tut sisar di ibon nya ba, mikiju nok no di tri tut igyai munti di Noni ngat bou niyai him bipai kep yok. Da di tuhan disimbot dat tu.”

YEREMIA 7:10

Niabiati jibinut kep jibon sisarti dima hagom leu su lene jikwei ya ei Doho bei ei Ditde Ig dini bijipai ‘Nibong kei nigwam kei o!’ Leu api jibisinggre bijibon kep mun dima yok hagom hanyen bu.

YEHEZKIEL 35:13

Mben Edom e, jinsi bbed bijiba jingon di jei bitri tut jihyet biDa. Dimiap gima yok hagom tu.

DANIEL 9:18

Allah e, ma amiap kep nyeni nihyet. Ayok ayai kep mun di buhun di cut igkep nye kin Ade minu ndig di ibijem kin anyeng di nggek bingwig su. Ningat nadi bak Nani drek dip niyai munti di kei bibor nya bi. Noro ningat nadi lewo angon nggriu sut nye.

MATIUS 21:13

Noni pai biyok “Allah Nihyet pai bipia tungwatu nya itri tut bipia Ditde Ig rinok mpia di mem tungwatu nya ingat nadi eisi. Noro jibon ig dini nok hak mihyeti mem ninggimang kep mun cig nya iku yok eisi.”

MARKUS 11:17

Leu api Noni ngginau yo di ingat rin ei sirima bipai “Allah nihyet pai bipia Allah pai ‘Tungwatu nya mipai sut Ditde Ig bipia ig dini ne gumihyep mem mben nya yahagom ingat nadi eisi. Noro jibon ig dini nok hak mihyeti mem ninggimang kep mun cig iku yok eisi.’ ”

YOHANES 2:16

Lene Noni pai bak nitri hakimoi cig nya “Ma jikon jide hakimoi nya leu mpia dini! Ma jibibon Dicig De Ig dini nok kios bousi au!”

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.