YEREMIA 6:8 - ALLAH NIHYET MEM TUNGWATU NYA

⁸ Je di timiei minu ndig Yerusalem e, suar jimiap kep mun di buhun bibor dima yok hagom nok mun di bisok kep je! Leu ma dikes jeni ei ba, dibindei minu ndig jide binok iggum ndigsi leu ba, hi di mibong ser bu bi.”

YEREMIA 6:8 ပူးပေါင်းရင်းမြစ်များ

MAZMUR 2:10

He, je di nibou ndig nya e, ma jingig jitingou mem mun di disok kep je! He je di jinyeng tak kep limwa dihyeisi dini nya e, ma jingon dorti tut!

MAZMUR 50:17

Lewo jikou sut Ditde nisok kep jeti ba, jibirok Ditde nicukti nya ei jitta cem.

MAZMUR 94:12

tuhan e, yo di angginau yok tut Ade niggai serti nya ingon llei bibor.

NIPINGOK NINGONTI 19:20

Gino angig atingou mem yo di ipingok angonti ba, asindui sut hi ngginau nani cem lene jei bi angon ki.

NIPINGOK NINGONTI 4:13

Ma ayok ngon kep ningginausi di ayai leu da tu nya kikau. Anyohou ya ser ningginausi dima mungkun. Lewo ningat di kei mintun him ayaijoti tug hon ningginausi dima.

YEREMIA 17:23

Noro jidigup bat-jidigai bat nya imiap kep dihyet ba, yahati tut Ditde nicuk yokti dima cem bi. Ingkek ndok ba, ikou sut gima ibit dihyet cem ikou sut Ditde nipingok yokti cem.

YEREMIA 2:15

Ide siceu nya inok singa di yau binggok yok bibindei ba, ide minu noyam kin iggum ndigsi. Ide minu nya timek bingwig bidem kep nok ha he bong.

YEREMIA 31:19

Niba ninghim bak Nani noro jei bi ne nittin ser sisar dima. Niabiati akes hukum ei nyeni dip leu su lene nindun bou lewo ningon buhun bibor. Nimmai sut nyenti ba, nisuwok cem drek dip sisar di nibon ei nipilei.’

YEREMIA 32:33

Mbro nok gino dingginau yok bijo ninno lo, igimiap kep dihyet ba, ingon guhuk niti cem bi. Apino iba inghim biDa.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

YEREMIA 7:20

Gima rino Da di tuhan Di Dinyeng Jei Bibor midisiber Ditde nigga biborti ug ei Ditde Ig dini kin tungwatu nya kin mindhe-ndhe nya kin biei ninjem nya kin njita beisi hagom dip. Ditde nigga biborti nok hum di cig-cai leu api bit bon hi mu kan bi.”

YEREMIA 7:28

Gima rino apai kep yok bipia inok mben di ingkek ndok igkei. Dani ne tuhan rin bidinok ide Allah noro ibit dihyet bi. Hukum di dikes ei yok dip tot ingonti bi. Ide niba ningon com Dati pren hak leu yok ba, isimbot kep biyam tut cem bu bi.”

YEREMIA 7:34

Jide minu dini miluei nitta binok mpia ngoisi. Midibindei ba, yo di ingon llei bibor nya ighyet kin yo di ibit pesta niwak yamti nya ighyet hagom ntus ningwig ei minu mien Yehuda lene bidem simpak bou nya ei minu ndig Yerusalem cem.

YEREMIA 9:11

tuhan pai “Midibindei ba, minu ndig Yerusalem cut bitimek ningwig leu api nsien mbrei nya milus-lus nyen kwei bibong ser ig kumti ba, minu mien nya di jo ei minu Yehuda nya minok ha ngunti lewo timiei nya isar bingwig leu su.”

YEHEZKIEL 23:18

Gima leu api noni yai bram sop krar niyai munti brei bibindo ningat nguti nyen brei bou tungwatu nya igyai him. Tirigi dingat noni lene dingon him wei sut noyam kin gi po dingon him wei sut nikindig cem.

HOSEA 2:5

Jipmem ne sop di nikrar jut di kan nimmaisi bi ri. Noni pai ‘Suug ngat pinai di icut tut sa nya leu binhyepo siyem njita ba, sidut ndia ngei bit yok. Leu api yoni migyai minyahas wol kin linen kin mini zaitun kin ba anggur ngei bisa.’

HOSEA 9:12

Mbro nok gino isrek tut munggwom nya ba, inyohou yok bindig lo, midikat yok ba, disindui sut munggwom gom ngat biniyaijo cem bi. Je di mben Israel e, tirigi diba dinghim bak je ne buhun bibor mem je!”

IMAM NYA IDE MIDYAI 26:34

Mpe di jibong ei jingkiaisi ei mpia di dicom je ug eisi leu lene bohou micom jide dihyei nisurti-nipekti. Nipek kepti dima mibon nituti mem dihyei dima bong hak kep ninghuisi.

ZEFANYA 3:7

Dikan ‘Nogindini Side limwa nya ibou cut biSa leu api iba ibou coi mem sipingok yokti bibit leu api igyok ngon kep mun nyeng hagom di sibingginau yok nya.’ Lo, ningat ne ibrim ingkek tut ide nibon mun di kinei biborti bidor tunggwei igyai munti di nipou nya bu.

NINDAT KEP TUHAN NICUKTI NYA 32:29

Mun di bindei dino icut bak ide siceu nya jo nibreisi mem yok bi. Ingon kiowi tut mun di cut igkep yok tu.