YEREMIA 6:16 - ALLAH NIHYET MEM TUNGWATU NYA

¹⁶ tuhan pai bak Nide limwa nya “Ma jiya hammi puig nahau yamti nya bijiyok jiyai kep mungkun. Ma jihig ser tungwatu nya tut puig gi nipou di kei bibor nya. Ma jikak puig dima leu binhyepo jibong kei jigwam kei.” Noro ibuhup “E bi! Nikou sut puig dima!”

YEREMIA 6:16 ပူးပေါင်းရင်းမြစ်များ

YESAYA 30:21

Gino jikriek leu puig lene mijimiap Nihyet di tibim ei jinghim dip kwei di pai “Gini ne puig ri, Ma jibit puig dini hak.”

YEREMIA 18:15

Noro Ditde limwa nya ingon prion ser Da leu api indig biei nggrai di ui-gwang kei bak kwar nya. Ikinoi kak puig timiei di suar imbut kak nya lene ite leu puig timiei nya ba, israwir kak puig di hi dime kep bisur yam bigyo cem tu.

NINDAT KEP TUHAN NICUKTI NYA 32:7

Ma jiyok ngon kep nijam timiei kin nijam pung gi mimbrek ngan tu nya. Ma jihig ser jicig bat nya tut mun di pek kep ei nijam dima. Ma jihig ser andig-ndau nya tut mun di pek kep mem yok.

YEREMIA 7:23

Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

KOLOSE 2:6

Jiya um Yesus Kristus bijita Noni nok Tuhan ei jingonti tu. Gima rino ma jiyai munti nya ntun jide ninok gom kin Noniti him.

YESAYA 2:5

Je di jintun Yakub him e, jikwei ba, imbut ei nipigati di kwei leu tuhan!

YOHANES 12:35

Yesus buhup “Nipigati dima mipiga digai je mem njap poi bu he. Gima rino ma jimbut mem nipigati tirigi nipigati piga digai je leu binhyepo nidinditi hatap je bi. No di mbut mem nidinditi krau tunggwei puigya.

YEREMIA 18:12

Noro yo dima mibuhup ‘Nittin ser sisar mem mindei i? Minibit nyenti ningon kanti kikau! Bikwop nahagom ningkek ndok ba, niyai kep mun di mbuk bibor bit leu nyenti ningon kanti!’ ”

YEREMIA 22:21

Dimbrap bit je mpe di jibong kei jigwam kei yo pima noro jigimiap kep dihyet bi. Ningat ne jiyai munti nok gima ei nipou pima kikau kwei bipek ammani kep. Jigibit dihyet kan bi sren.

YEREMIA 44:16

“Nikou sut gi ningig nitingou mem mun di apai binye gau tuhan ninyeng dima.

IBRANI 11:2

Niba ningon comti bindei ba, Allah joi sut idigup bat-idigai bat nya.

YOHANES 13:17

Gino jingon dorti tut dihyet dini hagom bijibit lene jingon nggei-hi-nggei.

MALEAKHI 4:4

Ma jiyok ngon kep Ditde awak di Musa ningginau jeti nya. Ma jikan kep dicuk noti nya kin niggai serti nya di diyai binoni ei Nungug Sinai leu binhyepo mben Israel yahagom ibit.

IBRANI 6:12

Nikou sut gima jibong biei nda dip kep ig he a. Ma jibon jenti nok yo di ingon jo kep Noni kin yo di yoom ingon leu binhyepo jiyai mun di Allah preu ei mem je.

YESAYA 8:20

Noro ma jibuhup biyok, “Ma jimiap kep tuhan nipingok jeti! Yo di ipai mun tunggwei sut nipingok jeti dima ibon ide mun di igyok ingon mem hi bi.”

LUKAS 16:29

Abraham buhup ‘Allah niggai serti di tug hon Musa kin nipas kepti di tug hon nabi nya hagom jo bak akinjoi bat nya tu. Nnaba igyai igbit leu nok srat dima yok nicuk yoti!’

YESAYA 28:12

Noni tin ei mpia di mem jibong kep jinghuisi eisi noro jikou sut nihyet.

YOHANES 5:39

Jipikor tut Allah nihyet bokti ninno tu lewo jikan bipia jibiyai niyaijo nijep di jo kikau. Noro Allah nihyet bokti dima ndo tut Da.

KISAH 17:11

Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

ROMA 4:12

Noni ne ide pung di bitut innei mem yo di igyai midut sunat cem intun him ri. Lewo yo dima igyai midut sunat he bi noro igyai niyaijo drek dip ide niba ningon com Allahti bit leu nok Abraham di ba ningon com Allah nipou tirigi noni yai midut sunat bigyo.

YEREMIA 2:25

Je di mben Israel e, ma juhuk bram kwar nya ba, jahara yok au. Leu mbigom ne jimig bok ba, jinnei di sor mibindei ba, jikibou dut. Noro jibuhup ‘E bi! Bit bon nikes kwar nya ei kan bi. Ningat ningwes ei yokti ba, niba noho rok yok kikau.’ ”

NIBOU NDIG NYA GI NIGOM 8:36

lene handei kon ba, angig atingou ei gwamti mem ighyet. Akos ser nibou ndig kin Ade limwa di mben Israel ide sisar ba, angginau yok tut puig di igbit leu api ma Na di tuhan abindei ba, mpia but hanyen bidem Ade minu di ayai bak Ade limwa nya bijo ninno bijo kikau dini nisurti-nipekti.

MAZMUR 116:7

Doom dingon lewo tuhan singat tut da nindig bibor.

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

YEREMIA 31:21

Ma jita wa nya di bindo puig nahau yamti. Ma jita patok nya kak puig di igbit bijinggok puig di jikak tirigi po jimbut kak nipou pima. Ma jingkwei hanyen kwei ei jitimieisi po jimbut leu pima.

YEREMIA 42:3

leu binhyepo tuhan Allah ndo puig binye. Noni joi sut nyeni binuug ei hantou ba, miniyai midyai mindei i?”

YEREMIA 50:5

Yoni ihig ser puig di ug ei Sion leu api imbut hallu ndam minu ndig dima. Mpe dima lene ibon gi preu di jo ninghig-niker bit Da bikrau kep gi preu dima bijo ninno bijo kikau.

NIJAM NIKEI NYA 2:17

Noro mben Israel iba inghim bak ide nibou dima yok ighyet lewo ingon gom tut tuhan bu bi ba, ikuk yok bak nung nya tu. Idigup bat-idigai bat nya ibit tuhan nicuk yokti nipou su noro tini bu ne yo dini ikiek yoho ter leu Noni ba, ingkek ndok.

NIBOHON MBEN ISRAEL GI NICAN 19:11

Dikes ninyeng di jei bak Amarya di nok Imam Nibou Nindig leu binhyepo ninyeng tak kep munhyet hagom di bitut Allah de nicuk nyeti nya hagom. Lene nibou hanjop di Zebaja di Ismael nipmot ninyeng tak kep munhyet nindigsi nya. Lewi nya ide midyai rino igyok igyai kep munhyet di nikei ikos tut nya leu binhyepo hagom mbut igbit nipuig kikau. Ma jiyai igbit mun nyeng di dindo bije dini ba, jiyai jibou tut munhyet hagom. tuhan ningat rima simin je di jiba jingon di gom bimbus munhyet.”

YESAYA 46:9

Ma jiyok ngon kep mun di pek kep mem je nipou su nya. Ma jipai jit bipia Dani ne Allah ri. Allah hiter hi bi. Bit bon jibinai Da kin hiter kan bi.

YEREMIA 7:3

Da di tuhan di mben Israel ide Allah Di Sindem Bibor dipai ‘Ma jittin ser jide sisar kin jiyai munti di kinei bibor nya leu api disindui sut ba, jibong ser jitimieisi dini gingga.

YEREMIA 7:24

Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.