YEREMIA 52:7 - ALLAH NIHYET MEM TUNGWATU NYA

⁷ lene ide siceu nya inggek ngug tig dima bicoi bigyai minu ndig Yerusalem bigyati. Mbro nok gino siceu dima yok igyon ttai minu dima lo, tentara Yehuda yahagom imbris nyahan ei nibou ndig de miai bunggan ba, yehei kak dimbou hui di itu ei ngug tig nipuig can kieti binang bingwes ngun ndam Minyei Yordan.

YEREMIA 52:7 ပူးပေါင်းရင်းမြစ်များ

YEREMIA 51:32

Siceu igyai mpia di isigon minyei kigkepti dima bigyati tu. Ba, indig tentara nibousi di igya coi nya tu apino tentara Babel nya ingon tai-tai bou.

NIBOU NDIG NYA GI NICAN 25:4

lene ide siceu nya inggek ngug tig dima bicoi ug ei minu ndig Yerusalem. Mbro nok gino mmun dima ide siceu nya igyon ttai minu dima lo, tentara timiei Yehuda yahagom imbris nyahan sir nibou ndig de bunggan nghousi bimbut kak dimbou heisi di itu ei ngug tig nipuig can ikieti binang ug ei Yordan nyai leu api ingwes ngun.

YEREMIA 49:26

Njap dima ne minu ndig Damsyik de pilei nya mimai kak puig di mbut ei minu ndig dima hagom. Lene siceu nya mibindei timek nide tentara nya hagom cem.

NINDAT KEP TUHAN NICUKTI NYA 32:30

Nggon rino ibou sribu gom icut bak ide siceu gom ngat i? Nggon rino ibou sribu simnai icut bak ide siceu nya ibou can he i? Lewo tuhan di nok ide Allah kes yok ei ba, No di sindem bibor tri yok bak ide siceu nya tu.

NINDAT KEP TUHAN NICUKTI NYA 28:25

Gino jibit jide tuhan Allah nicuk jeti nya bi lene Noni mibindei ba, jide siceu nya ibindei timek jeni. Mijibrim jimig sindem bibor ug ndam yok leu binhyepo jicut igkep yok noro mijinang sinsiou leu yoho bei. Tungwatu dihyeisi dini hagom di ingat mun di buhun di cut igkep je dima midigit tut.

IMAM NYA IDE MIDYAI 26:36

Je di jingat rin ei jingkiaisi ei mpia di dicom je ug eisi dima lene midibindei ba, jittin bibor apino hou di bong biei mengti di sigak mibindei bijinang. Mbro nok gino siceu nya ikon pran ba, yuhuk je bi lo, mijinang-nang wai. Mbro nok gino hi bindei timek je bi lo, mijicut bijikinoi-kinoi wai hak.

IMAM NYA IDE MIDYAI 26:17

Midikes hukum ei jeni dip apino jide siceu nya mibindei timek jeni. Lene yo di isibut tut jeni nya minyeng tak kep je. Mbro nok gino hi huk je bi lo, jingon ttin apino jinang-nang wai.

YEREMIA 34:22

Midiyai bindo biyok leu binhyepo tentara nya ingkwei hanyen kwei ei minu ndig dini. Leu api yoni mihwen minu ndig dini ba, igyai bigyati leu api indig bitimek. Dibindei ba, minu ndig ngot di jo ei minu Yehuda dem kep iggum ndigsi di hi bong ser bu bi. Da di tuhan disimbot dat tu.”

YEREMIA 39:2

Nibou Ndig Zedekia ninyeng tak kep limwa nya ba, ug cut njap gi nimuhwindatai mem bed gi nibitai ba, ari bingwam gi nisimnaibrimiggom tu lene siceu ihwen ngug tig bitti.

YEHEZKIEL 12:12

Ide nibou ndig mikon nide buwang ei ninghat dip bimbut tut mem mmun di dindi-kai. Tungwatu nya mitu mihye ei dring tigti mem nibou ndig leu binhyepo hei kak mihyeti dima. Noni nggai ser niyai apino ngat puig di mbut kak bi a.

YEHEZKIEL 33:21

Ug ei hon njap nimuhwi ei bed nisimnai mem ari bingwam nisimnaibrimigcan mem nijam di nibong ei ningkiaisi ne no di ningwes ngun leu minu ndig Yerusalem kwei pai bida bipia minu ndig dima cut tu.

AMOS 4:3

Yoni mikri je kak ngug tig di lus tu ninggreti di dideu je kikau ug ndam nungug Hermon. Da di tuhan disimbot dat tu.’ ”

YEREMIA 6:5

Gi kei mem injei bihwen mem mmun ba, ibindei timek minu ndig bitut tentara nibousi di igya coi nya dima cem.”

YEHEZKIEL 12:4

Nipou tirigi mmun bigyo lene abindei hei ndigban ade bou yahagom igyai him ba, ahei sut leu ade ig di abong niti noyam kin no di tungwatu nya icom ug ei ningkiaisi. Ma asindui sut ba, yahagom ingat ambutti bou igyai him.