YEREMIA 52:4 - ALLAH NIHYET MEM TUNGWATU NYA

⁴ Gima rino nibou ndig dima ya tut nide tentara yahagom ba, ikwei kon pran bit timiei minu ndig Yerusalem mem njap nisimnai ei bed nisimnai tirigi Zedekia ninyeng tak kep timiei Yehuda nya mem ari bingwam muhwindatai tu. Tentara dima yok yohok ide prak meng yati bigyon ttai ngug tig ei minu ndig Yerusalem nisai ba, ibon ide ngug tig di bipu kep tibor ninggwenti nya cem.

YEREMIA 52:4 ပူးပေါင်းရင်းမြစ်များ

YESAYA 29:3

Allah minjei siceu bibihwen minu ndig dima ba, biyon ttai bei ninghim noho cem bei ninghas him nite hi nite hi cem.

YEREMIA 21:2

“Ma ahara tuhan mem gima ndo ningon kanti binye. Lewo Nebukadnezar di nibou ndig minu Babel ya tut nide tentara nya ba, igyon ttai ide minu ndig tu. Leu hi rima tuhan mibon mindur mem nye bibindei ba, Nebukadnezar brim nide tentara nya bingkwei leu nye a.”

YEREMIA 32:24

Mben Babel ingot ig ninggilai nut yam bijo anai mem ibiyon ttai minu ndig nya mem gima ibiyai minu ndig dini bigyati tu. Ba, ikinyon ei nihwenti cem tu. Pran kin ninggum kin nsuwer ajar mibindei ba, minu ndig dini cut ei indati. Angat bipia mun di asimbot dat nya hagom pek kep bijo nibreisi tu.

YEREMIA 34:1

Mpe dino Nebukadnezar di nibou ndig minu Babel ya tut nide tentara kin ngkiai nya kin minu nindigsi nya di icut binoni di yahati tut yok ba, injei bihwen minu ndig Yerusalem kin minu ndig ngot di jo ttai nya lene tuhan mbrap bit da.

YEREMIA 39:1

Zedekia di nibou ndig minu Yehuda ninyeng tak kep limwa nya ug ei bed gi nisimnai mem ari bingwam gi nimuhwindatai tu lene Nebukadnezar di nok nibou ndig mem minu Babel njei sut nide tentara nya yahagom kwei bigyon ttai minu ndig Yerusalem.

YEREMIA 4:17

Siceu dima migyon ttai minu ndig Yerusalem noyam kin yo di igya ser ide dihyei hanjop nsi nya. Mun dima yok hagom cut igkep timiei Yehuda nya lewo yaham imbuk kep tuhan tu. tuhan simbot dat tu.

YEREMIA 52:7

lene ide siceu nya inggek ngug tig dima bicoi bigyai minu ndig Yerusalem bigyati. Mbro nok gino siceu dima yok igyon ttai minu dima lo, tentara Yehuda yahagom imbris nyahan ei nibou ndig de miai bunggan ba, yehei kak dimbou hui di itu ei ngug tig nipuig can kieti binang bingwes ngun ndam Minyei Yordan.

YEHEZKIEL 21:22

Leu api jo nibreisi bipia tibor di ba ninda com bikit bindo tut minu ndig Yerusalem! Gima ne mun di bindo bipia suar noni njei siceu ndam minu ndig dima bihwen. Noni cuk nide limwa nya mem gima imbos-hi-mbos ba, ighyet sra tut pran bicuk nide tentara nya mem gima idimig biei tou ndig di ipindur hammi Yerusalem de dimbou pmem mem gima ibinggek. Lene itig dihyei binjei keyam bikui sur ngug tig niya ndingti mem ibiyon ttai minu ndig ba, ibitig got di bikrop ttai cem.

YEHEZKIEL 21:27

Midibindei timek minu ndig dini bibor. Apino miwer ig kum kroi tirima-tirima. Noro mun dima micut igkep yok bi bibou no di dimbus ei mem gima dibikes hukum ei minu ndig dini dip tau kwei ug e.”

YEHEZKIEL 26:8

Tentara dima yok migyai nimai bak timiei di ibong ser minu ndig di jiwin ei mam bei dideu minu ndig Tirus yahagom ei pran dimati. Tentara dima mitig got di jut bibor mem gima igya nding bitig dihyei binjei keyam bikui sur ngug tig niya nding mem ibiyon ttai nani lene iba ide mun di ibipukep tibor ninggwenti nya di nindig bitas mem gima igya nding leu binhyepo ibihwen na.

YEHEZKIEL 33:21

Ug ei hon njap nimuhwi ei bed nisimnai mem ari bingwam nisimnaibrimigcan mem nijam di nibong ei ningkiaisi ne no di ningwes ngun leu minu ndig Yerusalem kwei pai bida bipia minu ndig dima cut tu.

YEHEZKIEL 40:1

Nijam di nibong ei ningkiaisi dima ne njap gi nisimnai mem bed gi nigom ei ari bingwam gi nyatungwagom ba, muhwi ri. Nijam dima ne ari bingwam gi nisimnaibrimigtai niabiati minu ndig Yerusalem cut leu su ri. Njap dima ne dingkek kan bipia tuhan de nisindemti sindem tut da bibuwak da ba, nuug.

IMAM NYA IDE MIDYAI 26:25

Midibindei ba, pran di nok hukum di cut igkep je mikiju ei jikieti lewo jipigau Ditde gi preu po dipreu ei mem je pima tu. Gino jinduk yam ei jide minu ndig nya leu binhyepo jingwes ngun lene midikes nsuwer di bit bon pren hanyen leu je kan bi ei jeni dip apino jigwam lo bi di jikes jenti ei jide siceu indati.

ZAKHARIA 8:19

“Midut niyem njita bi mem nituti poi di jibon mem bed nibitai kin nimuhwi kin nimuhwindacan kin nisimnai ne midut di mpung tut ningon nggei-hi-nggeisi kin ningon keisi mem timiei minu Yehuda nya ri. Noro ma jibungwam ndam nitti kin ningon kwes kin yamti!”

LUKAS 19:43

Lewo ei nijam di mittau ei nidipti bu ne siceu nya igyon ttai jide minu ndig bibon mun-mun hi bibikwam ser jingwak him bibinggam je ei ninsi.

LUKAS 21:20

“Tirigi jingat tentara nya imang bibor igyon ttai Yerusalem lene mijikan tut bipia tto bou dem mem inggek minu dima hagom bingwig ri.