YEREMIA 52:12 - ALLAH NIHYET MEM TUNGWATU NYA

¹² Tirigi Nibou Ndig Nebukadnezar ninyeng tak kep mben Babel mem ari bingwam simnaimuhwidip brimigtehibitai tu lene Nebuzaradan di pingok kep nibou ndig ningonti di nok nibou pran cem kwei ei minu ndig Yerusalem ei njap nisimnai mem bed nimuhwi bicoi ug ei minu dima.

YEREMIA 52:12 ပူးပေါင်းရင်းမြစ်များ

NIBOU NDIG NYA GI NICAN 25:8

Nibou Ndig Nebukadnezar ninyeng tak kep mben Babel mem ari bingwam simnaimuhwidip brimigtehibitai tu lene Nebuzaradan di pingok kep nibou ndig ningonti ba, nok nibou pran cem kwei ei minu ndig Yerusalem ei njap nimuhwindacan mem bed nimuhwi bicoi ug ei minu dima.

ZAKHARIA 8:19

“Midut niyem njita bi mem nituti poi di jibon mem bed nibitai kin nimuhwi kin nimuhwindacan kin nisimnai ne midut di mpung tut ningon nggei-hi-nggeisi kin ningon keisi mem timiei minu Yehuda nya ri. Noro ma jibungwam ndam nitti kin ningon kwes kin yamti!”

YEREMIA 52:29

Tirigi ninyeng tak kep mem ari bingwam simnaimuhwidip brimigtehiningai tu lene noni kat timiei minu ndig Yerusalem ibou sratus muhwindaningai ba, ningot ningai can bu. Yo dini cem yuug sima ei ingkiaisi.

YEREMIA 39:9

Lene Nebuzaradan di nibou tentara Babel kat limwa nindigsi di ingat rin ei minu ndig nya bitut yo di itti kin nimpung mben Babel nya bikri yahagom ug ei minu Babel.

NIBOU NDIG NYA GI NICAN 24:12

leu api Nibou Ndig Yoyakhin kin nipmem kin nimunggwom bat nya kin nide nibou pran nya kin yo di igya kui noni yahagom ikes yonti ei mben Babel indati ba, Yoyakhin sima hukum. Mun dini cut igkep yok tirigi Nebukadnezar ninyeng tak kep mben Babel mem ari bingwam muhwindaningai su.

YEREMIA 52:14

nide limwa nya inggek ngug tig di krop ttai minu dima cem.

NITRITI 37:36

Mpe dima lene mben Midian pima yuug krau minu Mesir bitri Yusuf nok awak bak Potifar. No dini ne nibou mem yo di igya nyen ser nibou ndig Firaun ri.

EZRA 5:12

Noro nyeni nidigup bat-nidigai bat nya ibindei ba, Allah Di Ninyeng Jei Bibor Ei Gwamti gga yok bibor. Gima rino kes yok ei nibou ndig mben Babel di ninyeng Nibou Ndig Nebukadnezar di ntun mben Kasdim him di sindem nindati ug a. Leu api nibou ndig dima ya kep Ig dima bindung-diem hak ba, kri nyeni nidigup bat-nidigai bat pima yok ug ei minu Babel.

NEHEMIA 2:3

bidibuhup “Na di Andigpoi e, ma ayaijo ninno! Bit bon diku diimaisi di hai bijo nding leu na di Andigpoi ayai him kan bi. Dingon buhun tut ditimieisi po itig didigup bat-didigai bat nya eisi pima lewo minu dima lus bingwig ug ei dihyeisi ba, hum yem dimbou pmem nya hagom tu.”

MAZMUR 79:1

Doia Asaf. Allah e, mben ngkiai di ikuk yok biNani bi nya igyai Ade dihyei ninda rom bigyati tu. Ibindei suwok Ade Ig lene ibindei ba, minu ndig Yerusalem nggek sinsiou cem.

DANIEL 1:1

Tirigi Yoyakim ninyeng tak kep timiei Yehuda nya mem ari bingwam ningai leu su lene Nebukadnezar di nibou ndig minu Babel kon pran bit timiei minu ndig Yerusalem ba, nide tentara nya igyon ttai minu ndig Yerusalem.

YEREMIA 1:3

tuhan cuk noni mbirimang mem nijam di Yoyakim di Yosia nipmot ya luei nohoti nok nibou ndig kikau ug bipek nijam di Zedekia di Yosia nipmot nok nibou ndig mem ari bingwam simnaibrimiggom tu. Noro ide siceu nya ikat timiei minu ndig Yerusalem nya ug ei ingkiaisi mem bed nimuhwi ei ari bingwam nisimnaibrimiggom dima.

YEREMIA 32:29

leu api ibindig minu ndig dini bitut ig ngot di Ditde limwa nya ibibon diggati eisi nya tug hon gi indig biei nggrai di ui-gwang kei bak Baal ba, ikiber ba anggur ngei mem ibikuk yok bak kwar nya ei ig bou njek dip cem.

YEREMIA 39:11

Lene Nibou Ndig Nebukadnezar cuk Nebuzaradan di nide nibou pran leu binhyepo bindei hei nicukti dini,

DANIEL 2:14

Mpe dima lene Daniel ug ngat Ariokh di nibou ndig de nibou tentara di tin ei mem gima yai hukum nimai ei yo dima dip. Daniel ba ningon di sok kep nonti bimbrap bit noni,