YEREMIA 51:7 - ALLAH NIHYET MEM TUNGWATU NYA

⁷ Nipou ne minu Babel dem kep mok mas di dikrau ei dindati di bindei ba, mben dihyeisi dini hagom ibou ngwak sibui sut. Ngkiai nya yahagom idut ba anggur ngei eisi apino bindei di yahagom intin kiek a.

YEREMIA 51:7 ပူးပေါင်းရင်းမြစ်များ

YESAYA 14:4

Tirigi tuhan bindei mbut gima lene yoni miba ighyet bicig mben Babel bipai, “Nibou ndig di sibut cut tu! Bit bon noni co kep hiter bu kan bi.

YEREMIA 13:13

Ma apai biyok bipia miduhug ba anggur ngei ei yo di ibong ei minu dini bitut nibou ndig di intun Daud him nya kin imam nya kin nabi nya kin timiei minu ndig Yerusalem yahagom poi ba, ibou ngwak sibui sut ri.

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 50:38

Ma jibindei pingge nide minyei pmem nya kin ngoi dumti nya hagom! Lewo minu Babel mpung tut kwar di bindei ba, nide limwa nya igyai ttin ningat ba, mirei bon yok tut cem.

YEHEZKIEL 23:42

Lene imiap yo di imang bibor di ingon nggei-hi-nggei di ighyet kui yam ingat rin ei nisai ma kwei. Hi nduk yo dima bikwei leu iggum ndigsi. Yo dima ikui srak ei nikindig-nikinjoi cin dima indati ba, iba topi nibou ndig di kei-kau nya bijuk ibou a.

DANIEL 2:32

Kwar dima nibou nok mas di pimbai kei ba, ningget kin ninda nok perak ba, ninghopti kin nintig bou nok ngkimom-tembaga.

DANIEL 2:38

Noni ta na di Andigpoi ba, anyeng tak kep tungwatu dihyeisi dini kin mindhe-ndhe kin ha nya yahagom. Kwar nibou di nok mas pima bindo tut na di Andigpoi ri.

NINGAT-HI-NGAT NYA 14:8

Leu api malaikati gi nican bram malaikati gi nigom bipai “Cut tu! Minu ndig Babel di sindem bibor cut tu! Minu ndig dima bindei dino tungwatu nya yahagom idut ba anggur ngei ba, gima ne nide niba noho rok sisar nicut tut yamti ri.”

NINGAT-HI-NGAT NYA 17:2

Nibou ndig dihyeisi dini nya icut tut noni ba, tungwatu dihyeisi dini idut nide ba anggur ngei di ndo tut nide sisar nicut tut yamti ba, ningei pu yok.”

NINGAT-HI-NGAT NYA 17:4

Sop dima juk sinsun di nok nghei nta kin ningwoi cem ba, ndei mas kin tig permata kin sriou tiei njep mang bibor. Noni krau mok mas di ut tut mun di mpiei cem rom-rau cem di ntun nide sisar nicut tut yamti him ei nindati.

NINGAT-HI-NGAT NYA 18:23

Tungwatu nya ingat mini ninjeng di piga digai minu ndig dima bu bi. Ibon pesta niwak yamti ei minu ndig dima bu bi. Nipou ne nitri-nibipek kep mun cig ei minu ndig dima inyeng jei dor njiriek nitri-nibipek kep mun cig nya ei dihyeisi dini hagom. Nipou ne minu ndig dima ba ninda dut biris tungwatu dihyeisi dini hagom.”

NINGAT-HI-NGAT NYA 18:3

Lewo minu nya hagom idut kep nide ba anggur ngei di ndo tut nide sisar nicut tut yamti. Nibou ndig dihyeisi dini nya icut tut noni ba, nitri-nipek mun cig di inyeng bibor tug hon nide niba noho rok sisarti di bit bon om kep kan bi.”

NINGAT-HI-NGAT NYA 19:2

Hukum dino Noni kes ei tungwatu nya dip hagom ne igbit rin ba, sren-srau cem ri. Allah kes hukum ei sundal di bindei di tungwatu dihyeisi dini icut tut yam dip. Sundal dima tug ndei hukum drek dip gi noni hwen Allah de awak nya pima.”