YEREMIA 51:6 - ALLAH NIHYET MEM TUNGWATU NYA

⁶ Ma jiteu jenti bijingwes ngun ug! Ma jinang leu minu Babel hak leu ma jitug ndei nimai drek dip yo dima ide sisar! Lewo tto bou dem mem dibirop mben Babel ide nisibutti ba, dikes hukum ei yok dip bit leu ibon munti di kinei nya.

YEREMIA 51:6 ပူးပေါင်းရင်းမြစ်များ

MAZMUR 94:1

Allah e, Nani ne Allah di ba ningon sibuisi bibuhup bak yo di isibut nya ri. tuhan e, ando angon sibuisi dima brei binye.

NIPINGOK NINGONTI 13:20

Gino ahig asut bit yo di ingon ki nya lene jei bi nani cem angon ki. Gino ahig asut bit yo di ingkek ndok nya ne abindei ba, mun di buhun micut igkep na.

YESAYA 48:20

Jinang ba, jingwes ngun leu minu Babel hak ug bijitri tut nihyet dini ug ei tirima-tirima lene jiba nimbos-hi-mbos kin ningon nggei-hi-nggeisi bitri tut “Gi tuhan teu Nide awak di Israel ba, ningwes ngun tu!

YESAYA 63:4

Dikos tut bipia tto bou mem nibirop hanyenti kin njap niteu ningwes ngunti mem Ditde limwa nya dem tu.

YEREMIA 25:14

Midibirop bak mben Babel drek dip ide nibon munti nya hagom. Apino nibou ndig di inyeng jei nya kin ngkiai hiter nya imang bibor yuubon yok nok awak.’ ”

YEREMIA 25:16

Tirigi idut gimokti dima lene igyai nang-nang nyen ba, intin kiek drek dip pran di dibindei cut ei yok dip.”

YEREMIA 27:7

Ngkiai nya yahagom miyoom yonti binok awak mem noni kin nipmot kin nignyon kikau ug bipek mpe dino nide ninyeng tak kepti bicut kep. Leu api mben Babel miyoom yonti binok awak mem mben di isindem bibor nya kin nibou ndig di inyeng jei bibor nya.

YEREMIA 46:10

Noro da di Yeremia dipai bipia njap di ammani ne tuhan Di Ninyeng Jei ba, Sindem Bibor cem Nide njap ngon bou ri. Noni buhup bak Nide siceu nya yahagom mem njap di ammani. Nide singau simeda miyem yok lene midut inggrom cem bindei. tuhan Di Sindem Bibor bui Nide mun di bibon midut nya ei nite bei mpia nijjai dideu Igmem Ndig Efrat mem njap di ammani.

YEREMIA 48:6

Ipai biyam “Jinang haninyai o! Jinang bijingwes ngun ug o! Jinang sindem dem kep nok keledai nehek nidorti ei iggum ndigsi o!”

YEREMIA 50:15

Jikon jihyet nindig bijihyet sra tut pran ttai minu ndig dima! Nogindini mben Babel ikes yonti ei jinda nsi tu. Siceu nya ihwen ngug tig binjei bitti tu. Dani dibirop hanyen bak mben Babel. Gima rino ma jibibon yok nok gi ibibon nindigsi nya.

YEREMIA 50:28

Yo di inang leu minu Babel biyuug ei minu ndig Yerusalem ipui sut notou ide tuhan Allah birop bak mben Babel drek dip ide nibon munti bitut tuhan De Ig.)

YEREMIA 50:31

Mben Babel e, jingon jei bibor! Gima rino Da di tuhan Di Dinyeng Jei Bibor kin tuhan Di Sindem Bibor dihwen je ug a. Tto bou dem mem gima dikes hukum ei jeni dip tu.

YEREMIA 50:8

Je di Ditde limwa mben Israel e, ma jikiju bijinang hak leu minu Babel! Jeni rino jinang nimbie him ngat apino nindigsi nya ibram je hwou a.

YEREMIA 51:11

tuhan pingok nibou ndig minu Media nya ingonti leu binhyepo ingon sibui sut mben Babel bibindei timek yok drek dip gi ibindei timek Nide Igya. Nibou tentara nya icuk ide limwa nya “Jisien jide singau tibor nya! Jitin ei jide mun di jibipukep tibor ninggwenti nya cem!

YEREMIA 51:36

Gima rino tuhan pai bak timiei minu ndig Yerusalem nya “Midikiju tut jide munhyet ba, midibuhup jide siceu nya ide niyai munti di bitut je nya hanyen biyok ri. Dibindei ba, minu Babel de minyei bousi nya kin minyei pmem nya hagom pingge.

YEREMIA 51:45

Gima rino je di mben Israel e, ma jinang leu mpia dima! Jinang bijingwes ngun leu Ditde nigga biborti di kui mpia.

YEREMIA 51:50

tuhan pai bak mben Israel di ibong ei minu Babel “Jingwes ngun leu nimai tu! Ma jikiju bijimbut nogindini hak ug! Ma jigwam-gwam nyen ei au! Mbro nok gino jingat rin ei minu ting leu jitimieisi lo, ma jiyok ngon kep jide tuhan di Dani kin minu ndig Yerusalem cem.

YEREMIA 51:56

Ikwei mem gima inggek minu Babel ba, ikat tentara nide nya leu api ibidahat minggwen di ide nya. Da di tuhan di dikes hukum ei yo di ibon mun di kinei nya dip bidibuhup bak minu Babel bit leu nibon munti nya.

YEREMIA 51:9

Ngkiai nya di ibong ei sirima ipai biyam “Igyai ibou tut gima impu mben Babel tu lo, nituti njiriek tu! Gi kei mem ipri hak leu minu dini bingkwei hanyen ug ei itimieisi hak ug. tuhan ba Nide nisindemti bikes hukum ei mben Babel dip ba, bindei timek yok bitimek krebou tu.”

NIBWOS-BWOS NYENTI 3:64

tuhan e, ma akes hukum ei yok dip dem igbit ide nibon munti nya.

MBEN ISRAEL IMBUT-MBUT NYEN 16:26

bimbrua ser mben Israel “Ma jiya bileu yo di isibut dini ide prak meng yati lene ma jingget ndigban nyeng gom di inyeng tut nya au. Gino jibit dihyet dini bi lene tuhan mibindei sar jeni cem bit yoni drek dip ide sisar di ibon nya.”

NINDAT KEP TUHAN NICUKTI NYA 32:25

Ide siceu nya mihwen yok bingwig kak simpak ba, mun di buhun bibor micut igkep yok ei ide ig ba, ide pinjoi pilei nya kin sop pilei nya imai bingwig lene munggwom ngwoi nya kin andig-ndau nya cem misar bingwig.

NINDAT KEP TUHAN NICUKTI NYA 32:41

midisien Ditde simeda di ninjeng srei leu binhyepo dikos tutti nya hagom sren-srau. Midibirop hanyen bak Ditde siceu nya leu api midikes hukum ei yo di ingon mpo tut Da dip.

NINDAT KEP TUHAN NICUKTI NYA 32:43

Je di ngkiai nya e, ma jinggei sut tuhan De limwa nya. Noni kes hukum ei tungwa tou rino hwen Nide limwa nya dip. Noni birop hanyen bak Nide siceu nya noro kos ser Nide limwa nya ide sisar.”

TIMOTIUS GI NIGOM 5:22

Ma abisau sut gino ata hi nok nibou mbusyamei au. Leu gino noni dem mem midyai dima bigyo lo, ata noni sisrau ne gima dem kep nok apriet kin nide sisar. Ma angon sok kep nanti ser nhyema angon kwes kei.

NINGAT-HI-NGAT NYA 16:19

Minu nindig bibor dima kki ningaisi ba, minu ndig nindigsi nya bidem dihyei nisurti-nipekti hagom lus bingwig. Allah kan kep minu ndig Babel lene bindei ba, dut ba anggur ngei leu Nide mok ba, ningei dima ne Allah nigga biborti ri.