YEREMIA 51:57 - ALLAH NIHYET MEM TUNGWATU NYA

⁵⁷ Midibindei ba, mun di pu mipu yo di inyeng jei ei minu Babel di ingon ki nya kin nibou nya kin tentara nya tug hon Ditde nigga biborti ri. Ba, yoni mibong mai bikiju hanyen bu bi. Noro ibong mai bijo ninno bijo kikau. Disimbot dat tu. Dani ne nibou ndig ba, tuhan Di Sindem Bibor ri.

YEREMIA 51:57 ပူးပေါင်းရင်းမြစ်များ

YESAYA 37:36

Lene tuhan pinak Nide malaikati gom kwei ei mben Asyur ide prak meng yati mem mmun dima ba, yai nimai bak tentara nya ibou sribu sratus gom ningot muhwindaningai bimuhwi. Njap tekti lene tungwatu nya ingat lo, imai biwer nimbiam sinsiou ei dihyei ninjek dip.

YESAYA 44:25

Dibindei ba, yo di iko mun bibinggok tut ndiyok ingon mbum ba, diba yo di nung kui yok bikek. Dibigen ser yo di ingon ki nya ighyet bidikiek ingon di kimbo bidibindei ba, ingon mbum hanyen.

YESAYA 6:5

Lene dikan “Buhun bibor! Bit bon singwes ngun kan bi! Lewo side sisar ribindei dino map kui sihyet di tibim ei suhui him hagom ba, sibong bit yo di ighyet wer mpiahi tut tuhan. Mbro nok gima lo, singat Nibou Ndig bou siyai him tu ba, Noni ne tuhan Di Sindem Bibor ri.”

YEREMIA 13:13

Ma apai biyok bipia miduhug ba anggur ngei ei yo di ibong ei minu dini bitut nibou ndig di intun Daud him nya kin imam nya kin nabi nya kin timiei minu ndig Yerusalem yahagom poi ba, ibou ngwak sibui sut ri.

YEREMIA 25:27

Leu api tuhan pai bida “Apai bak yo dima bipia Da di tuhan Di Disindem Bibor di mben Israel ide Allah dicuk yok bidut kikau bibou ibou ngwak sibui sut ba, injim binghim dahat tut drek dip pran di dikes kwei ei yok dip di bindei ba, icut leu api bit bon ikiju hanyen kan bi ug e.

YEREMIA 46:18

Dani ne Allah di niyaijo. Dani ne nibou ndig ba, tuhan Di Sindem Bibor ri. No di mikwei hwen na nide nisindemti dem kep Nungug Tabor di jo anai ei nungug nya ikieti ba, dem kep Nungug Karmel di jo anai leu muk ngwa dip.

YEREMIA 48:15

Lewo siceu nya ibindei sar minu Moab kin minu ndig nide nya bigyai nimai bak nide tentara di mimbri ngat nya tu. Dani disimbot dat tu. Dani ne nibou ndig ba, tuhan Di Sindem Bibor ri.

YEREMIA 50:30

Njap dima ne ide pinai pilei nya mikrop kak simpak bou ei minu ndig dima hagom ba, ide tentara nya yahagom itimek bingwig. Da di tuhan disimbot dat tu.

YEREMIA 51:39

Tirigi ingon kui mem gima igyem njita lene miditin ei njita mem yok. Midibindei njita dima pu yok ba, ibou ngwakti sibui kikau ba, ibibong mai lene igikiju hanyen bu bi.

YEHEZKIEL 20:33

“Disok kep jeni tug hon Da di Allah di niyaijo kin tuhan Di Dinyeng Jei Bibor dinyeng bipia midiba dinda di sindem bibor kin dihyet di singga bidinyeng tak kep je drek dip Ditde nigga biborti.

NAHUM 1:10

Noni mindig na noyam kin gandum nintam di mui kin war ndia nggwen di pai yam-ngot yam nyen cem.

NAHUM 3:18

Na di nibou ndig Asyur e! Ade nibou di inyeng jei nya imai su ba, ade yo di inyeng jei nya ibong mai ningga rima ug. Limwa ade nya intek gimahap ug ei nungug him. Hi di mittei yok bingwes ngun hanyen kwei bi sren.

MALEAKHI 1:14

Midisigion niris mun cig di nyeng tut nide mindhe di pap-nap kei bibor di noni bet ei mem Da noro ris lene ba mindhe di kinei bibor biluei bu leu api ttei gima mem bikuk no biDa! Lewo Dani ne Nibou Ndig Di Dinyeng Jei ba, mben dihyeisi dini hagom inggei sut Da.”

NINGAT-HI-NGAT NYA 18:9

Nibou ndig dihyeisi dini di icut tut noni bimbus ndigban nindig bibor keyam ei bit noni cem yahagom mipim bigyai nggwei kibor tut minu ndig dima tirigi ingat hum mmup di brou leu hum di yem noni bingkiong dima.