YEREMIA 51:53 - ALLAH NIHYET MEM TUNGWATU NYA

⁵³ Mbro nok gino mben Babel ikui ug ei mpia-bbed him ba, iwin tentara nibousi di igya coi di bit bon hi nggek bingwig kan bi mem yonti ei sirima lo, dipinak ninggek kep mun cig nya binggek bihigom. Da di tuhan disimbot dat tu.”

YEREMIA 51:53 ပူးပေါင်းရင်းမြစ်များ

NITRITI 11:4

Lene ipai biyam bu “Jikwei ba, iwin minu ndig nijep bu bitut ig di ibon ninggre di jo-jo yam dip anai kui sur mpia-bbed him. Leu binhyepo ibiyai inyeng di jei ba, intek gimahap bidem dihyei nisurti-nipekti hagom bi.”

AYUB 20:6

Mbro nok gino no di sibut ninyeng jeisi kui sur mpia-bbed him ba, nibou nggram him ngget bumbuhui lo,

YESAYA 13:17

tuhan pai “Mporo dipingok mben Madai ingonti leu api injei bihwen mben Babel. Dem tut gima hi ba mas kin perak bingot kep yok bi.

YESAYA 41:25

Didimig tungwagom di bong bei mpia nipriti ei su leu api dihig noni kwei leu mpia nijjai bikon pran. Noni mico kep nibou ndig nya noyam kin gi ico kep igkrop. Noni ne niba igtuyap bibon kep dibijig cig di co kep igtuyap ri.

YESAYA 47:5

tuhan pai bak minu Babel “Ma akimut ahui ba, agwam ei nidinditi. Anyeng rino ‘Sop Nibou Ndig mem minu ninyeng tak kepti nya’ bu bi!

YESAYA 47:7

Akan bipia anok sop nibou ndig bijo ninno bijo kikau leu ba, angon guhukti ba, agibisrip tut ayai munti ningwig honti bi.

YEREMIA 49:16

Jide ninggei sut jenti ris je tu. Hi gi ttin tut je bit leu jide nikan hukti bi. Jigwam ei tig nggreti ting bibor ei nungug dip. Mbro nok gino jiwin jide ig ei mpia di anai bidem mpia di ha krubri tot naham eisi lo, tuhan mibindei juk je leu jigwamti dima yo. tuhan rino pai mun dima yok hagom tu.”

YEREMIA 50:21

tuhan pai bak mben gom di ibong ei nite bei mpia nijjai “Jicoi bijihwen mben Merataim kin Pekod ug. Jiyai nimai biyok lene jibindei sar yahagom. Jiyai igbit dipaisi dini hak ug. Da di tuhan disimbot dat tu.”

YEREMIA 50:25

Suar Da di tuhan Di Dinyeng Jei kin tuhan Di Sindem Bibor diyai midiyai ei minu Babel. Gima rino dikau dimbou leu Ditde ig gudan di minggwen joti bijo hak. Diba Ditde nigga biborti bindei hei minggwen dima yok.

YEREMIA 50:45

Gima rino ma jimiap kep mun di ditin ei dingon kanti tut mem minu Babel kin mun di dibibon bak timiei Babel nya cem. Siceu nya mikri munggwom di ide inda biyuug sut apino ide ndigpoi nya yahagom migwam nidigitti drek dip.

YEREMIA 51:11

tuhan pingok nibou ndig minu Media nya ingonti leu binhyepo ingon sibui sut mben Babel bibindei timek yok drek dip gi ibindei timek Nide Igya. Nibou tentara nya icuk ide limwa nya “Jisien jide singau tibor nya! Jitin ei jide mun di jibipukep tibor ninggwenti nya cem!

YEREMIA 51:25

Minu Babel e, adem kep nungug di bindei timek dihyeisi dini hagom. Noro Da di tuhan midihwen nani. Midibrim nani bidirim na lene dibisindui sut ba, hum yem na leu api anok atriem ndung.

YEREMIA 51:48

Tirigino minu Babel cut ug ei ngkiai nya di ikwei leu nite bei mpia nijjai di ibindei timek yok indati ne mun nyeng hagom ei mpia-bbed him kin dihyeisi dini mimbos-hi-mbos bigyai nillei ba, ingon kei kep.

YEREMIA 51:56

Ikwei mem gima inggek minu Babel ba, ikat tentara nide nya leu api ibidahat minggwen di ide nya. Da di tuhan di dikes hukum ei yo di ibon mun di kinei nya dip bidibuhup bak minu Babel bit leu nibon munti nya.

YEREMIA 51:58

Midibindei timek minu Babel de ngug tig di sindem bibor nya ba, sur yam kin dihyei ninjek dip ri. Dindig dimbou pmem di jei ndig krop nya hagom ningwig a. Ngkiai nya icom yahanggwap mikui-kausi he. Lewo hum miyem midyai di icom yahanggwap tut nya hagom yo. Da di tuhan Di Disindem Bibor disimbot dat tu.”

DANIEL 4:30

bidikan “Mbenjen! Siyai bong kep minu Babel di kei bibor kei dini! Siwin side minu dini nok nibousi mem sinyeng tak kepti nok mun di bindo tut side nisindemti kin sinyeng jeisi kin side nikei-kau keisi.”

AMOS 9:2

Mbro nok gino itig jui di jut bibor biku yonti kikau ug ei gumihyep nimai nya ide lo, midikat yok. Mbro nok gino ikui ug ei mpia-bbed him lo, midibindei juk yok hanyen kwei.

AMOS 9:4

Gino ide siceu nya ikat yok ug ei ingkiaisi ne midibindei ba, igyai nimai biyok. Dita dibou ei gima dibindei timek yok bingwigti lene dimpu yok bi.”

HABAKUK 2:9

Jitug ndei nisigion jeti tu! Lewo jibindei ba, jide bat nya inyeng bibor tut mun di jiba jimbuk bipos leu tungwatu nya. Jingot jide ig di kei bibor kei leu binhyepo jide bat nya ibong kei igwam kei ei mpia di ting bibor leu mun di buhun kin mun di yok nisinsiou ei yoti.