YEREMIA 51:5 - ALLAH NIHYET MEM TUNGWATU NYA

⁵ Mbro nok gino mben Israel ibon sisar tut Da tu lo, Da di tuhan Di Disindem Bibor cem Di Kwes Bibor bidinok mben Israel ide Allah cem midikes mben Israel kin timiei Yehuda nya ei bi.

YEREMIA 51:5 ပူးပေါင်းရင်းမြစ်များ

NIBOU NDIG NYA GI NIGOM 6:13

Midikwei bong bit Ditde limwa di mben Israel ei Ditde ig di angot ei su dini lene midikes yok ei bi sren.”

NIBOU NDIG NYA GI NICAN 21:16

Ter leu gima lene Manasye yai nimai bak yo di ingon kwes imang bibor bibindei ba, inggrom biyam bidem minu ndig Yerusalem nisurti-nipekti. Noni bindei ba, timiei Yehuda nya ibon sisar tut tuhan tug hon gi ikuk yok bak kwar nya.

EZRA 9:9

Mbro nok gino mben ngkiai yuubon nye nok awak lo, agikes nyeni ei bi. Abindei ba, nibou ndig Persia nya ingondut nye apino isindui sut nye ba, niyaisi jo cem niwin Ade Ig di wer cou ngwam tu dini hanyen cem ug a. Lene anyohou nye ba, nibong kei nigwam kei ei hanjop Yehuda kin minu ndig Yerusalem cem hanyen tu.

MAZMUR 94:14

Lewo tuhan mikes Nide limwa nya ei bi. Noni ba nokep yok apino mirok yok ei nitta bi sren.

YESAYA 44:21

tuhan pai “Je di mben Israel e, ma jiyok ngon kep bipia jinok Ditde awak. Dipai tes je bijinok Ditde awak. Midingon prion ser je bi sren.

YESAYA 51:15

Lewo Dani ne jide tuhan Allah di bindei di muk roi nindig cem di bindei dino muk tti bibor di nugwei bong cem ri. Dinyeng rino No Di Sindem Bibor.

YESAYA 62:12

Tungwatu nya mijem inyeng ‘Limwa Di Ingon Kwes’ kin ‘Limwa Di tuhan Teu Yok Di Ingwes Ngun’ cem. Yoni mijem minu ndig Yerusalem ninyeng ‘Minu Ndig Di tuhan Ngondut kin Minu Ndig Di tuhan Kes Ei Bi’.

YEREMIA 14:19

tuhan e, akou sut timiei Yehuda nya bihigom tu e? Angon mpo tut timiei Sion nya e? Nggon rino abui nye bibor lene abindei ba, bit bon nikei hanyen kan bi i? Nijoi sut bipia nibong kei nigwam kei noro bi. Niba ningon com bipia nikei hanyen noro mun di bindei di ningon ttin bibor cut igkep nye.

YEREMIA 14:9

Nggon rino anok no di ningon tai-tai bou kin tentara di isindem mem gima impu nye bi i? tuhan e, nijit ne angat rin bit nye! Nyeni ne Ade limwa nya ri. Ma akes nyeni bihigom ei au!’ ”

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

YEREMIA 19:4

Dibibon je nok gini drek dip Ditde limwa nya di iba inghim bak Dani. Yoni ibindei ba, map kui mpia dini drek dip midut di ibon bak ngkiai nya ide kwar nya di yoni kin idigup bat-idigai bat nya kin nibou ndig minu Yehuda nya yahagom ingon dorti tut bi. Yoni yuhug yo di ingon ngun nya inggrom ba, ut ei mpia dini tu.

YEREMIA 23:15

tuhan Di Sindem Bibor pai “Midiyai njita di mpo-mpam biyok bigyem. Miduhug krisieu ngei biyok bidut. Lewo yahak ide mun di kinei ei tungwatu nyati bidem minu dini hagom bibindei ba, yo dima ikuk yok biDa bu bi.”

YEREMIA 31:37

Gino hi sindem mem gima nai mpia-bbed him nijeisi bijuk ug ei dihyei jou biyok niyai kep dihyei nikiou nya nisurti-nipekti apino tuhan micom mben Israel drek dip igyai munti di kinei bibor nya. Da di tuhan disimbot dat tu.”

YEREMIA 46:28

Je di Ditde limwa nya e, ma jittin au. Midikwei teu je bijingwes ngun. Midibindei sar ngkiai nya di dibindei ntek gimahap je ug eisi nya yahagom hak ug. Noro midibindei sar jeni bi. Ningat ne mijingwes ngun leu hukum bi. Noro midikes hukum di igbit di dem mem dikes ei jeni dip hak ba, bit leu dikos tutti. Da di tuhan disimbot dat tu.”

YEREMIA 50:20

Mpe dima lene mben Israel kin Yehuda ingon pwoi-pwau lewo sisar ninyeng hi rap yok bi. Dikos ser yo di diteu yok di ingwes ngun tu nya ide sisar leu yok. Da di tuhan disimbot dat tu.”

YEREMIA 51:19

Yakub de Allah noyam kin kwar di ikuk yok bak dima yok bi. Noni ne No di pai tes mun nyeng hagom ri. Ninyeng rino tuhan Di Sindem Bibor ba, Noni dimig Israel binok Nide limwa nya.

YEHEZKIEL 8:17

Lene tuhan pai bida, “Na di tungwatu di ayaijo kikau bi e, angat gima tu e? Timiei Yehuda dini ingon cut hon gi ibon mun di bindei di igyai ttin ningat dima he bi. Ba, ibon mun di kinei bibor di bit bon tungwatu ibonti bi pimo bidem minu dini nisurti-nipekti hagom he bi noro igyai ibou tut ei mpia dini ei Ditde Ig. Igyai munti dima bindei ba, digga bibor bidor njiriek bu. Angat i! Ibibon dinyeng kinei tug hon igyai munti di kinei bibor dini!

YEHEZKIEL 9:9

Lene Noni buhup “Mben Israel kin Yehuda nya ibon sisar nindig bibor tu. Ihwen yam bidem minu dini hagom ba, iba mun di kinei birus minu ndig Yerusalem birom-rau tu. Ipai biyam bipia Da di tuhan dikes minu dini ei su bidingat ide nibon munti nya kan bi.

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

HOSEA 2:1

Gima rino ma ajem ade bat mben Israel inyeng “Allah De Limwa nya di tuhan Ngondut Yok.”

HOSEA 2:3

Gino noni nikrar jut kikau lene midijuk nide sinsun bingwig leu noni leu binhyepo ningat ngu noyam kin njap di nipmem srek tut noni. Midibindei ba, noni noyam kin iggum ndigsi di ningat ntun him bi leu api mai ninggobiau.

HOSEA 4:1

tuhan pai kep yo di ibong ei minu dini drek dip ide mun di srou yok. Je di mben Israel e, ma jimiap kep nihyet di pai bije “Tungwatu nya bidem minu dini nisurti-nipekti ingon gom tut yam bi ba, ingondut yam bi lene ijoi sut Da bikuk yok biDa cem bi.

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

ZAKHARIA 12:6

Mpe dima lene dibindei ba, keret Yehuda de nintun him yamti nya idem kep hum di cut ei biei nindig kep hum di inju keyam ei kin hyem di ninjeng cig-cai di sror gandum nintam di len tu. Yoni mibindei sar mben di ibong ttai yok nya yahagom. Noro timiei minu ndig Yerusalem nya ibong nyahan ei ide minu ndig ninsi.

ZAKHARIA 12:8

Njap dima dem ne midinyohou timiei minu ndig Yerusalem nya ba, yo di inghuisi jet bibor di ibong ikieti nya igyai nisindemti noyam kin Daud de nisindemti. Yo di intun Daud him mikrau inda bibie tut yok dem kep nok Ditde malaikati nibie tut yokti ba, dem kep nok dikrau inda bidibie tut yok.

ZAKHARIA 2:12

tuhan mijem minu Yehuda nok Nide pijum ei Nide minu di kwes kei. Noni midimig minu ndig Yerusalem binok mpia di bong eisi hanyen.

SAMUEL GI NIGOM 12:22

Allah preu ei mem je tug hon neheng bipia Noni mikes je ei bi sren. Lewo Noni dimig jeni ei bijinok Nide limwa nya.