YEREMIA 51:47 - ALLAH NIHYET MEM TUNGWATU NYA

⁴⁷ Ma jiba jingon com bipia tto bou midem leu api midikes hukum ei mben Babel ide kwar nya dip. Tungwatu nya mipai minu dima titut yam kinei ba, timiei nya yahagom mitug ndei nimai.

YEREMIA 51:47 ပူးပေါင်းရင်းမြစ်များ

YEREMIA 50:2

“Abon mun di bindo lene abipai bidem ngkiai nya yahagom bipia minu Babel cut tu! Ma aku mimun tut nicutti au! Siceu nya ibindei minu Babel de kwar di ninyeng Merodakh bindung-ndiem tu. Kwar di mben Babel nya ide dima di bindei di tungwatu icut ei mun di kinei nyati dima ki kukiau bikinei-kinau tu.

YEREMIA 51:52

Nok ug e. Ma jingig jitingou mem dihyet dini. Nituti midem leu api midikes hukum ei mben Babel ide kwar nya hagom dip yo. Yo di ibok buhun ighyet di yuun-icot mitibim bidem minu dima nisurti-nipekti yo.

YESAYA 21:9

Angat i! Gima ne yo ri! Nimpung tentara di ibri kuda kwei dima ibou can-can idor nggre. Leu api no di ya bitindei ser dima tri tut “Minu Babel cut tu! Kwar di ide di ikon ninyeng bijo nai timek biyem mpia ei dihyeiti tu.”

YEREMIA 51:43

Minu ndig nide nya dem kep mpia di biyai igyai ttin di dem kep iggum ndigsi di ngak-cai. Tungwa hi di joi sut ug bong ei mpia dima bimbut njiriek bi.

YEREMIA 51:24

tuhan pai “Nogindini dibirop bak minu Babel kin timiei Babel nya tut ide niyai mun kineisi di bitut minu ndig Yerusalem hagom hanyen ba, jingat gima bou jiyai him a.

YEREMIA 51:18

Kwar di ikuk yok bak nya bon ninyeng bi ba, dem mem tungwatu nya iba ighyet bicig ba, ipai kinei cem. Mpe dino tto bou dem lene kwar nya misar bingwig.

YEREMIA 25:12

Gima leu api midikes hukum ei mben Babel bitut ide nibou ndig cem dip drek dip ide sisar. Midibindei minu Babel bicut ba, disindui sut bitimek bingwig bihigom.

YEREMIA 23:34

Gino Ditde limwa hi e, he nabi hi e, he imam hi e, kwei simbot kep tut mun di buhun tak tuhan lene midikes hukum ei noni kin nide bat nya dip.

YEREMIA 13:21

Gino yo di jihig jisut bit yok pima ibindei timek je ba, inyeng tak kep je lene mijipai mindei sut yoni i? Ningat ne mijiyai niwei noyam kin sop di sindi ninghim dut tut nimunggwom nisrekti.

YEREMIA 11:22

Gima rino tuhan Di Sindem Bibor pai “Midikes hukum ei yok dip! Pinai pilei di ide nya mimai ei nikon pranti. Lene munggwom di ide nya mimai inggum.