YEREMIA 51:44 - ALLAH NIHYET MEM TUNGWATU NYA

⁴⁴ Midikes hukum ei mben Babel ide kwar Bel dip ri. Midibindei ba, noni mingkwei mun ngot di pos tu nya hagom hanyen leu api ngkiai nya hi mikuk no bak bu bi. Minu Babel de ngug tig nya hagom lus tu.

YEREMIA 51:44 ပူးပေါင်းရင်းမြစ်များ

NIBOHON MBEN ISRAEL GI NICAN 36:7

Mpe dima lene Nebukadnezar ya kep ndigban di nibok kak ei tuhan De Ig nya bicat nite hi bimbut tut krebou-krebai ba, ug kon hagom ei nide ig nibou ndig ei minu Babel.

AYUB 20:15

No di sibut njim tut ndigban ninggimang di pinde tu hanyen. Allah bindei hei hagom leu ninghopti.

YESAYA 2:2

“Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.

YESAYA 21:9

Angat i! Gima ne yo ri! Nimpung tentara di ibri kuda kwei dima ibou can-can idor nggre. Leu api no di ya bitindei ser dima tri tut “Minu Babel cut tu! Kwar di ide di ikon ninyeng bijo nai timek biyem mpia ei dihyeiti tu.”

YESAYA 60:5

Mpe dino angat gima lene ma ayai nillei ba, angon nggei-hi-nggei lewo gima yok hagom mibiwin kep angonti. Ngkiai nya mikon ide ndigban kwei lene kibar minyei mikwei sut mitiei nindig bibor ba, injei bak nani.

YEREMIA 50:15

Jikon jihyet nindig bijihyet sra tut pran ttai minu ndig dima! Nogindini mben Babel ikes yonti ei jinda nsi tu. Siceu nya ihwen ngug tig binjei bitti tu. Dani dibirop hanyen bak mben Babel. Gima rino ma jibibon yok nok gi ibibon nindigsi nya.

YEREMIA 50:2

“Abon mun di bindo lene abipai bidem ngkiai nya yahagom bipia minu Babel cut tu! Ma aku mimun tut nicutti au! Siceu nya ibindei minu Babel de kwar di ninyeng Merodakh bindung-ndiem tu. Kwar di mben Babel nya ide dima di bindei di tungwatu icut ei mun di kinei nyati dima ki kukiau bikinei-kinau tu.

YEREMIA 51:18

Kwar di ikuk yok bak nya bon ninyeng bi ba, dem mem tungwatu nya iba ighyet bicig ba, ipai kinei cem. Mpe dino tto bou dem lene kwar nya misar bingwig.

YEREMIA 51:34

Nibou ndig minu Babel ya kep minu ndig Yerusalem bitimek lene biyem hagom bingwig. Noni bindei minu ndig dima bingwak dem kep nok tungwatu ibindei ngwak ampou a. Minu Babel dem kep mindhe di nindig bibor di pinde minu ndig Yerusalem titut yam lene pos ndigban nyeng di kei hagom biduhwen bicom niken.

YEREMIA 51:47

Ma jiba jingon com bipia tto bou midem leu api midikes hukum ei mben Babel ide kwar nya dip. Tungwatu nya mipai minu dima titut yam kinei ba, timiei nya yahagom mitug ndei nimai.

YEREMIA 51:53

Mbro nok gino mben Babel ikui ug ei mpia-bbed him ba, iwin tentara nibousi di igya coi di bit bon hi nggek bingwig kan bi mem yonti ei sirima lo, dipinak ninggek kep mun cig nya binggek bihigom. Da di tuhan disimbot dat tu.”

YEREMIA 51:58

Midibindei timek minu Babel de ngug tig di sindem bibor nya ba, sur yam kin dihyei ninjek dip ri. Dindig dimbou pmem di jei ndig krop nya hagom ningwig a. Ngkiai nya icom yahanggwap mikui-kausi he. Lewo hum miyem midyai di icom yahanggwap tut nya hagom yo. Da di tuhan Di Disindem Bibor disimbot dat tu.”

DANIEL 1:2

tuhan sindui sut ba, Nibou Ndig Yoyakim cut bak Nebukadnezar di cat ndigban di nibok kak nya nite hi leu tuhan De Ig. Noni njei bikat timiei Yehuda nya bikri yok hanyen ug ei nide ig kwar nibousi ei minu Babel leu api ttei ndigban di nibok kak di pos nya hagom buug sut ei nibousi mem nide kwar di kuk no bak binju hagom ei ig gudanti.

DANIEL 3:29

Gima rino ditri tut bipia bikwop tungwagom-gom di leu timiei minu nya kin mben nya kin gi mbrap nihyet hiter nya di nihyet wer mpiahi tut Sadrakh kin Mesakh kin Abednego ide Allah mitug ndei hukum nikos noni kukiau kin, nilet nide ig bingwig biwer ig kum kroi cem. Bit bon kwar hi teu tungwatu nya noyam kin Allah di teu yo dini kan bi.”

DANIEL 4:1

Nibou Ndig Nebukadnezar sok nihyet ei nide awak nya dip bak timiei minu nya kin mben nya kin gi imbrap nihyet hiter nya ei dihyeisi dini hagom bipai biyok a, “Ma ningon jo nyahanti kieng kep jahagom!

DANIEL 4:22

Andigpoi e, biei di jei bibor bisindem bibor cem dima ne nani ri. Anyeng jeisi kum eisi kikau ug bipek kin mpia-bbed him. Ade ninyeng tak kepti mbut sindem bibor bikieng kep dihyeisi dini hagom tu.

DANIEL 5:19

Ninyeng di jei bibor dima bindei ba, timiei minu nya kin mben nya kin gi imbrap ighyet ter leu yam yahagom ittin noni ba, inghuisi mpig sut. Gino acig kos tut bipia miyai nimai bak tungwagom lene noni yai mun bipek kep ningon kanti dima hak ug. Gino noni kos tut bipia miteu tungwagom leu hukum nimai lene noni yai mun bipek kep ningon kanti dima cem hak ug. Noni kon bihi inyeng cem nim kep bihi cem hagom bit leu ningon kanti.

DANIEL 5:26

Ningat rinok gini ‘Ikwop nimangti’ ndo tut gi Allah kwop nijam di anyeng tak kepti nijeisi bibindei ba, ngwig hon nohonti tu.