YEREMIA 51:22 - ALLAH NIHYET MEM TUNGWATU NYA

²² Diba nani biyai nimai bak pinai nya kin sop nya cem ndigpoi nya kin pilei nya cem sop gwam nitta pilei nya kin munggwom pilei nya cem yahagom bisar bingwig.

YEREMIA 51:22 ပူးပေါင်းရင်းမြစ်များ

NIBOHON MBEN ISRAEL GI NICAN 36:17

Gima rino tuhan pingok ei nibou ndig mben Babel ningonti leu binhyepo njei bihwen yok. Nibou ndig dima yai nimai bak limwa Yehuda nya di ipilei yo nya bitut yo di ingat rin ei tuhan De Ig nya cem ba, gingondut tungwagom ngat cem bi. Noro yai nimai bak andigpoi nya kin pilei nya bitut pinai-sop nya kin yo di inggwen nya kin yo di inghuisi kwes nya yahagom hak ug. Allah kes yo dima yahagom ei nibou ndig mem mben Babel ninda nsi.

YESAYA 13:18

Iba ide hampiap kin singau tibor biyai nimai bak pinai kin sop gwam nitta pilei nya. Ingon gi nggriu sut ningwoi-ngwoi nya bingondut munggwom mien nya cem bi.

YEHEZKIEL 9:6

Ma jiyai nimai bak pinai nya kin sop nya kin ndigpoi nya kin pilei nya kin andig-ndau nya kin munggwom nya yahagom. Noro tut yo di bindo pima jo ingwak ne ma jingget yo dima au. Ma jikinyon eisi ei mpia di Ditde Ig joti dini.” Leu api ikinyon ei ide midyai dimati bigyai nimai bak nibou minu Israel di ingat rin ei tuhan De Ig dima bibie sindam.

SAMUEL GI NIGOM 15:3

Gima rino ma aug kon pran bit mben Amalek ba, abindei timek mun di inyeng tut nya hagom hak ug. Lene ma ayai nimai bak pinai nya kin sop nya kin munggwom nya kin ningwoi-ngwoi nya kin sapi nya kin domba nya kin unta nya kin keledai nya hagom hak ug.”

NIBWOS-BWOS NYENTI 2:11

Diyai dwoi lewo dipim bidihyet jo kikau ba, dinnei kinei-kinau leu ug o! Dingat timiei nya ei minu di cut dini cem dingat munggwom nya kin ningwoi-ngwoi nya di imai di imbris-bris nyen bidem simpak nya ei minu ndig dini cem apino dingon nem-nnai bingwig o!

YEREMIA 6:11

tuhan e, Ade nigga yokti dima tit hum ei dingonti. Nggruk mem gima doom dingonti tut a.” Leu api tuhan pai bida “Asiber ningon sibuisi dima ug ei munggwom di ingat rin ei puig ndigsi nya kin pilei di idem yam ei gom nya dip. Siceu nya mikat pinai nya kin sop nya ug ei ingkiaisi. Yo di ide njap ug ninno tu cem mingwes ngun leu bi.

YESAYA 13:16

Yoni mingat siceu nya di ibui ide munggwom ngwoi nya binem-nnai cem di icoi ug ei ig di ide bicat ndigban di ide nya cem lene ikat itnem bat nya bicut tut yok bou igyai him cem.”

NINDAT KEP TUHAN NICUKTI NYA 32:25

Ide siceu nya mihwen yok bingwig kak simpak ba, mun di buhun bibor micut igkep yok ei ide ig ba, ide pinjoi pilei nya kin sop pilei nya imai bingwig lene munggwom ngwoi nya kin andig-ndau nya cem misar bingwig.

YESAYA 20:4

Nibou ndig Asyur mikat timiei minu cin dima nok yo di isima di ingat ngu bikri yok ug ei ingkiaisi. Ndigpoi nya kin pilei nya yahagom miba ingat ngu bimbut ba, ijuk sinsun kin srop ser ingkek dip kin imig jou bi. Ba, ijou hangwang bijo hak apino ibiyai nimmai biyok.

YESAYA 13:15

Bikwop tungwatou rino siceu nya ikat lene midat bigyai nimai bak.

YEREMIA 44:7

Ba, nogindini Da di tuhan Di Disindem Bibor di Allah Israel dihig ser je bipia nggon rino jibon mun di binduk mun di buhun di nindig bibor dima ei jenti dip i? Jijoi sut gima jibindei sar pinai nya kin sop nya kin munggwom nya kin munggwom ngwoi nya yahagom leu ba, yo di ntun mben Israel him hi niyaijo bu bi e?

YEREMIA 50:37

Ma jibindei sar ide kuda kin kroba pran nya bitut tentara ningot kep yok nya hak ug! Yoni inghuisi jet bibor! Ma jicok tut Babel de mun di nyeng tut nya bijipos nide ndigban nya hagom!

YEREMIA 51:23

Diba nani bindei sar gembala nya kin mindhe-ndhe nimuhup tu nya kin yo di igyai miai kin sapi di ibikkin dihyei nya kin nibou di inyeng tak kep limwa nya kin nibou tentara di inyeng jei nya yahagom.”

NIBWOS-BWOS NYENTI 2:21

Ndigpoi nya kin munggwom pilei nya imai sinsiou ba, pinai pilei nya kin sop gwam nitta pilei nya imai tug hon singau simeda o! Njap dima ne ayai nimai biyok drek dip Ade nigga biborti rin o!