YEREMIA 51:2 - ALLAH NIHYET MEM TUNGWATU NYA

² Midipinak ngkiai nya di ibindei timek minu Babel noyam kin hou di nimig ten di ninnei ttei gandum nicaba. Mpe di njap di buhun dima dem ne yo dima micoi ug ei minu dima bihwen leu nima kwei-nima kwei ba, icok tut bipwoi kei.

YEREMIA 51:2 ပူးပေါင်းရင်းမြစ်များ

YESAYA 41:16

Mijicig yok leu api ibit hou nimig lene hou sigau bindei ba, ipri didiei. Mpe dima lene jingon minggei-hi-nggei lewo Dani ne jide Allah ri. Mpe dima lene mijinggei sut Da lewo Dani ne mben Israel ide Allah ri.

YESAYA 43:14

Mben Israel ide tuhan Di Kwes-Kwau di teu yok bingwes ngun cem pai “Midipinak tentara nimpung gom ug ei minu Babel leu binhyepo iteu je bijingwes ngun. Dinggek tut dimbou ig bui de nibahau yamti nya leu lene mben Kasdim mimbos-hi-mbos bu bi noro igyai nggwei kibor.

YEREMIA 15:7

Dicom je leu jide minu ndig hagom noyam kin no di com gandum nisina bai di pri didiei. Mbro nok gino jinok Ditde limwa nya lo, midibindei sar jeni kin jimunggwom bat nya lewo jikou sut gi jittin ser jiyai munti di kinei bibor nya.

YEREMIA 50:29

tuhan pai “Jicuk yo di ikri tibor kan nya ba, icoi minu Babel biprindei yok ba, imai ug. Bikwop yo di ikri tibor kan nya ma jinjei sut yok bijiyon ttai minu ndig dima. Ma jisindui sut tungwagom binang ba, ningwes ngun au. Ma jibirop ide nibon munti nya hagom. Ma jibibon yok bit leu ide niyai munti nya. Lewo ibon mun kinei-kinau tut Da di Allah mben Israel Di Dikwes-kwau tu.

YEREMIA 50:32

Limwa jide di ingon jei nya mindrat mpia bicut ri. Hi di mimpu je bijikiju hanyen leu jicut eisi dima kan bi. Midindig jide minu ndig nya hagom apino mun di jo ttai nya hagom sar ningwig a.”

YEHEZKIEL 5:12

Ade timiei nya nittou nsi gom mimai tug hon nsuwer ajar kin ninggum di buhun di hwen minu ndig dima. Lene siceu nya miba singau simeda bitot timiei ade nya nittou nsi gom bu ei minu ndig nisai. Lene midibindei nittou nsi gom bintek gimahap nima ug-nima ug bidiba singau simeda buhuk yok nyen-nyen.

MATIUS 3:12

Nide hot nggram jo ei nindati. Noni mibicig gandum nisina billet leu ningat leu api mbus ningat hagom keyam ei Nide igudanti leu api ndig nisina bai kep hum di bit bon hi mu kan bi.”