YEREMIA 51:16 - ALLAH NIHYET MEM TUNGWATU NYA

¹⁶ Noni ba nicukti he bibindei ba, minyei nibimbi bong ei niban di bikwas minyei leu yam ei mpia-bbed him nidip. Noni bindei hei bumbuhui bikiju kwei leu dihyei nohon keti. Noni bindei hei kigyei cem ba, ninjeng srei bigetti leu api bipinak hou cem kwei leu nijo habieisi.

YEREMIA 51:16 ပူးပေါင်းရင်းမြစ်များ

MAZMUR 135:7

Noni bindei ba bumbuhui kwei leu dihyei nohon keti bibindei ba, kigyei ninjeng srei mem bed di biang biget leu api cuk hou behei leu mpia di kes kep yam eisi.

YUNUS 1:4

Yunus juk nyahan buug bong mai ei kibar ninsi di ndam nijou mo jug. Leu api tuhan ba sigau nindig bibor bihwen kibar tut yok ei muk ngwa dip ba, muk tti nindig bibor. Mbigom kin bu ma kibar misar tut yok hak. Gima rino timiei kibar nsi nya yahagom ingon ttin bibor ba, yahara bak ide kwar di ikuk yok bak hi-gom hi-gom mem gima mpu yok. Leu api injei ndigban di kibar nsi ug ei muk mpoti leu ba, kibar nggan lai-lai de.

MAZMUR 18:13

Kigyei ei Noho bei bindei com biget di mbras nok tig njep kin hum di cut kwei bitibim bumbuhui di ndok pimati.

YUNUS 4:8

Niabiati mpia pri tu lene Allah kes hou di dut bibor kwei leu nite bei mpia nipriti bikui Yunusti. Mpia cem wam noni lene mpia dima bindei ba, nibou ngwak sibui sut lene ninghuisi bimbriong tut. Apino noni hara “Dingon bisau ndam dimaisi dor njiriek diyaijoti.”

AMOS 9:7

tuhan pai “Je di mben Israel e, dehek tut mben Sudan noyam kin gi dehek tut jeni. Dibuwak mben Filistin kwei leu Mios Kreta lene midibuwak mben Siria kwei leu minu Kir noyam kin gi dibuwak je kwei leu minu Mesir.

YEHEZKIEL 10:5

Kerub dima yok inyehei di tittem nibimbiti tibim kikau ug ei mpia di jo bas hak ei nisai ma kwei. Dimiap lo, gima dem kep nok Allah Di Sindem Bibor nihyet.

MAZMUR 147:18

Noni ba nicukti bibindei ba, biget es jet hanyen. Noni bindei ba, hou nimig kui leu api minyei pmot nya cem biam bram.

MAZMUR 104:7

Tirigi asinsam minyei ne minyei ngkwei hon. Minyei miap ahyet di nibimbi bong dem kep nok kru lene hagom biam sindem bisri hanyen.

MAZMUR 78:26

Noni bindei ba, hou mpia priti ninnei di miep lene hou mpia nijjai ninnei di miep tug hon Nide nisindemti.

MAZMUR 68:33

Je di ngkiai nya e, ma jahagom jipai doia bak Allah lene ma jiba jide doia binggei sut tuhan,

MAZMUR 46:6

No rinaha ei minu ndig dima apino bit bon nide siceu nya ibindei sar bi sren ug a. Noni mikiju bimpu nide limwa nya bikwop njap tekti.

AYUB 40:9

Ade nisindemti noyam kin Ditde nisindemti e? Ahyet tibim nok kru di cut noyam kin Da dihyet e?

AYUB 38:22

Aug ngat ig gudan di dinju biget es kin biget di mbras nok tig njep eisi bou ayai him tu e?

AYUB 37:13

Allah kes biget bibiprok dihyeisi dini ba, bikes hukum ei tungwatu nya dip cem. Mpaba Noni kes biget mem gima bindo tut Nide ningon ngakeisi di nindig bibor di nggek jei bi bijo ninno cem biyok.

NEHEI LEUSI 14:21

Lene Musa su ninda bijo nai minyei ngwa dip leu api tuhan bindei ba, hou di nimig ten bibor cut leu mpia nipriti apino minyei ngwa dip ngkwei mem mmun kikau binjap kep bibon ninggati ei minyei jou.

NEHEI LEUSI 10:19

Lene tuhan bindei ba, hou di cut leu mpia nipriti kwei ei minu dima ngkwei hanyen leu api hou di nimig ten bibor cut bu kwei leu mpia nicutti bimiep hai ceng nya hagom hanyen ug ei Muk Lipig. Hai ceng ningat gom jo ei minu Mesir bu bi.

NEHEI LEUSI 10:13

Gima rino Musa krau nide tom bisu ninda tut apino tuhan bindei ba, hou kui kwei leu mpia nipriti kikau mem njap dima kin mmun cem ei minu dima. Ug bipek njapti lene hai ceng nya ibit hou nimig kwei.

NITRITI 8:1

Noro Allah yok ngon kep Nuh bitut mindhe-ndhe di ingat rin bit noni ei kibar nsi. Gima rino Noni bindei ba, hou kui minyei ngwa dip bibindei minyei sindi sri hanyen.