YEREMIA 51:11 - ALLAH NIHYET MEM TUNGWATU NYA

¹¹ tuhan pingok nibou ndig minu Media nya ingonti leu binhyepo ingon sibui sut mben Babel bibindei timek yok drek dip gi ibindei timek Nide Igya. Nibou tentara nya icuk ide limwa nya “Jisien jide singau tibor nya! Jitin ei jide mun di jibipukep tibor ninggwenti nya cem!

YEREMIA 51:11 ပူးပေါင်းရင်းမြစ်များ

NIBOU NDIG NYA GI NIGOM 11:14

Gima rino tuhan bindei ba, Hadad di ntun nibou ndig mben Edom him ba nitok bak Nibou Ndig Salomo.

NIBOU NDIG NYA GI NIGOM 11:23

Lene Allah bindei ba, Rezon di Elyada nipmot cem ba nitok bak Salomo. Rezon ne awak di nang leu niceu Nibou Ndig Hadadezer leu Zoba ri.

NIBOHON MBEN ISRAEL GI NIGOM 5:26

Gima rino Allah pingok ei Pul di nok nibou ndig mem Asyur ningonti dino njei siceu di hwen yoni ug a. Pul ninyeng hi rino Tiglat-Pileser. Noni kat keret Ruben kin Gad kin Manasye nite hi di ibong ei Minyei Yordan nite bei mpia nipriti bicom yok ug ei ingkiaisi bibong ei minu mien Halah kin Habor kin Hara kikau ug ei mpia ttou nsi gom di jo dideu Minyei Gozan nyai cem. Lene keret dima yok ibibong timiei ei sirima kikau kwei bipek ammani kep.

NIBOHON MBEN ISRAEL GI NICAN 36:22

Ug ei ari bingwam nimbie him ngat di nibou ndig Kores kiju ba, ninyeng tak kep Persia leu api tuhan bindei ba, nihyet po Noni sok ei Yeremia dip bak mben Yahudi pima pek mem yok tirigi ingat rin ei minu Babel. tuhan pingok ei Kores ningonti leu binhyepo bindei hei nicukti gom ba, suar ikwop kep nicukti dima bidem nide ninyeng tak kepti nisurti-nipekti hagom. Nicukti dima nibimbiti pai,

EZRA 1:1

Mpe dino Nibou Ndig Kores sindi ninyeng tak kep mben Persia mem ari bingwam gom lene tuhan bindei ba, nihyet po Nabi Yeremia tri tut gi nipou pima hagom dem igbit nipaisi. tuhan pingok ei Kores ningonti leu binhyepo tri tut ningon kanti tug hon srat gom di nide limwa nya ikwop kep nyen bidem minu di Kores ninyeng tak kepti nya hagom. Noni pai biyok,

YESAYA 10:26

Da di tuhan Di Dinyeng Jei Bibor midiba na mbrei ngkek bimbas yok noyam kin gi dimbas mben Midian ei nungug Oreb. Midikes hukum ei minu Asyur dip noyam kin hukum po dikes ei minu Mesir dip.

YESAYA 21:2

Dingat ningat-hi-ngat tut mun di cut igkep tungwatu nya di bibon ingon di ttin bibor kin naham nimbuk kep yamti kin nibindei sar yamti cem. Tentara Elam e, ma jikiju bijinjei siceu bijihwen! Tentara Madai e, ma jiyon ttai! Allah mibindei ba, ninghuisi wei hagom di minu Babel bindei mbut nya mikes hon.

YESAYA 21:5

Dingat njita pesta kin banggo mem yo di ijem yok kwei igwamti cem di itin ei su. Leu api igyem njita bibidut ndia ngei. Leu api nicukti gom tibim kros kwei bipai “Nibou tentara jen! Jitin ei jide mun di jibipukep tibor ninggwenti nya di jibicuon jiyaisi!”

YESAYA 41:25

Didimig tungwagom di bong bei mpia nipriti ei su leu api dihig noni kwei leu mpia nijjai bikon pran. Noni mico kep nibou ndig nya noyam kin gi ico kep igkrop. Noni ne niba igtuyap bibon kep dibijig cig di co kep igtuyap ri.

YESAYA 45:1

tuhan dimig Kores ei nok nibou ndig biyai nisindem bak leu binhyepo noni hwen ngkiai nya yahagom bitimek bingwig ba, cug nibou ndig nya ide nisindemti bingwig leu yok. tuhan mikau dimbou pmem nya bidem minu ndig nya hagom leu Kores. Dimbou pmem hi ngkiem bi. tuhan pai binoni,

YESAYA 45:5

Dani ne tuhan ri. Allah hiter ningat rin bi. Dangkom ngat he rino Allah. Mbro nok gino akan tut Da haigtu bi lo, dibindei ba, akrau ade minggwen nya nok gi dem mem na.

YESAYA 46:11

Midihig no di sindem bikwei leu nite bei mpia nipriti ba, noni midwop juk dem kep nok hacam krubri leu binhyepo yai igbit dikos tutti nya hagom. Dihyet di tibim ei duhui him mipek kep mem tungwatu nya. Midiyai hagom bit leu dingon kanti.

YEREMIA 25:25

kin nibou ndig Zimri kin Elam kin Madai yahagom,

YEREMIA 46:3

“Nibou tentara Mesir nya ijem bak ide nimpung tentara nya bitin ei yonti ba, ipai ‘Ma jitin ei jide mun di jibipukep tibor ninggwenti nya gi nindig kin gi nimien ba, jibicoi ug ei nikon pranti bit siceu nya o!

YEREMIA 46:4

Jisien micim cem binggwen o! Jijuk sinsun pran bijiba topi yeng ngkuong cem bijuk jibou o! Je di nimpung tentara di jiba kuda bikon pran e, jiba jide mun di jigwamti bijibikri kuda ninghim o! Jibri jide kuda ba, juug bikon pran o!’

YEREMIA 46:9

Kuda e, ma jidor sindem! Kroba pran e, ma jiyai je ba, jinggan! Je di pinjoi ndig di mimbri kui jingkek bijikon mun di jibipukep tibor ninggwenti ba, jitimieisi leu minu Sudan kin Libia bitut je di pinjoi ndig Lidia di jikri tibor kan e, ma jibrim jingkek!’ ”

YEREMIA 50:25

Suar Da di tuhan Di Dinyeng Jei kin tuhan Di Sindem Bibor diyai midiyai ei minu Babel. Gima rino dikau dimbou leu Ditde ig gudan di minggwen joti bijo hak. Diba Ditde nigga biborti bindei hei minggwen dima yok.

YEREMIA 50:3

Mben ngkiai nya gom mikwei leu nite bei mpia nijjai binjei siceu kwei bihwen mben Babel lene bindei minu dima biwer iggum ndigsi ri. Tungwatu nya kin mindhe-ndhe nya inang ningwig leu ba, hi dima bong ei minu dima bi.”

YEREMIA 50:45

Gima rino ma jimiap kep mun di ditin ei dingon kanti tut mem minu Babel kin mun di dibibon bak timiei Babel nya cem. Siceu nya mikri munggwom di ide inda biyuug sut apino ide ndigpoi nya yahagom migwam nidigitti drek dip.

YEREMIA 50:9

Midiba ngkiai nya di isindem bibor di ikwei leu nite bei mpia nijjai bicom yam mem gima injei bihwen minu Babel. Yoni midimig ide nimpung tentara mem gima ikon pran bibindei timek yok cem. Yo dima ne tentara di ikri tibor kan di iprindei tunggwei kan bi ri.

YEREMIA 51:12

Jiyai bindo di bitto mem gima jicoi bijihwen minu Babel de ngug tig nya. Lene ma jibindei sindem yo di igya dikti nya bijikes yo di igya ser nya bigya ngkiem ser. Jikes tentara di ikos dik ser minu ndig dima!” tuhan bindei ba, ningon kanti di tin ei mem minu Babel pek kep tu.

YEREMIA 51:24

tuhan pai “Nogindini dibirop bak minu Babel kin timiei Babel nya tut ide niyai mun kineisi di bitut minu ndig Yerusalem hagom hanyen ba, jingat gima bou jiyai him a.

YEREMIA 51:35

Je di timiei Sion e, ma jipai “Suar minu Babel di niten-pos bibor di bibon nye kinei su dima biang niyai munti nibuhunti!” Timiei minu ndig Yerusalem e, ma jipai “Suar minu Babel biang niyai munti nibuhunti noyam kin nibuhunti di yai binye hak ug!”

YEREMIA 51:36

Gima rino tuhan pai bak timiei minu ndig Yerusalem nya “Midikiju tut jide munhyet ba, midibuhup jide siceu nya ide niyai munti di bitut je nya hanyen biyok ri. Dibindei ba, minu Babel de minyei bousi nya kin minyei pmem nya hagom pingge.

DANIEL 5:30

Himmun dima cem nide siceu nya igyai nimai bak Belsyazar di nibou ndig minu Babel.

YOEL 3:10

Ma jitug jide ngkimom nitu di jiba sapi bikri mem jibiwim dihyei hagom binok singau simeda lene ma jiprin jide singau koi hagom binok tigtug cem. Ma no di ninghuisi jet brim ningkek bipai ‘Dikon pran kan noyam kin tentara di sindem!’

YOEL 3:9

Ma jitri tut nihyet dini bak ngkiai nya yahagom bijipai ‘Ma jitin ei mem gima jikon pran bijinjei siceu cem ba, jicuk yo di ikon pran kan yahagom bidem yam bimbut sindem!’

IMAM NYA IDE MIDYAI 26:25

Midibindei ba, pran di nok hukum di cut igkep je mikiju ei jikieti lewo jipigau Ditde gi preu po dipreu ei mem je pima tu. Gino jinduk yam ei jide minu ndig nya leu binhyepo jingwes ngun lene midikes nsuwer di bit bon pren hanyen leu je kan bi ei jeni dip apino jigwam lo bi di jikes jenti ei jide siceu indati.

ZAKHARIA 14:12

tuhan mikes nsuwer ajar di buhun bibor ei mben di ikon pran bit timiei Yerusalem nya yahagom dip. Nsuwer ajar dima bindei ba, igyai njep kin idweb kin ingut titut yam hagom jet ba, mpiei.

ZAKHARIA 14:2

tuhan minduk mben nya yahagom bibicom yam ba, mikwei mem gima injei bihwen minu ndig Yerusalem. Igyai minu ndig dima bigyati lene icoi bidem ig hagom bipos ndigban di joti nya. Mben dima yok ipos sop nya bikat timiei minu ndig Yerusalem nite hi bicom yok ug ei ingkiaisi. Noro igikat tungwatu nindigsi di ibong ei minu ndig Yerusalem bi.