YEREMIA 5:7 - ALLAH NIHYET MEM TUNGWATU NYA

⁷ tuhan pai “Nggon rima dikos ser Ditde limwa nya ide sisar nya i? Iba inghim biDa bikuk yok bak kwar nya tu. Dikwas njita tut yok ba, igyem bindei yok noro ibon sisar nicut tut yamti ba, icem kep sop di ikrar jut nya.

YEREMIA 5:7 ပူးပေါင်းရင်းမြစ်များ

GALATIA 4:8

Nipou lene jikan tut Allah bi. Noro jinok awak mem ninnei nya di tungwatu nya ikuk yok bak lo, ninnei dima yok hagom ninnei nitrowai he.

YEREMIA 2:11

Mbro nok gino mben hiter ide kwar bon ninyeng bi lo, gimbun iba kwar hiter bu biluei ide kwar dima nohoti bi sren. Mbro nok gino dibindei ba, Ditde limwa nya igyai inyeng jei lo, ikon ide kwar di ikuk yok bak di sindem bi nya bigya luei Dohoti tu.

YOSUA 23:7

Gino jiyai igbit ditde nipingok jeti dima lene mijiket ei mben nya di igya ngkiem ei jikieti pimati bijingat nadi tug hon ide kwar nya inyeng bijeheng bitug hon kwar dima inyeng mijikuk je bak bijinggei sut ide kwar dima yok cem bi.

NINDAT KEP TUHAN NICUKTI NYA 32:21

Yoni ribindei dino dingon sibui sut ide kwar di ikuk yok bak nya lewo mun di ikuk yok bak dima yok hagom nok mun di igbit bi. Gima rino midiba mben hiter di nok mben di mungkun bi bidibindei ba, Ditde limwa nya igga bibor. Midiba mben hiter di ingon mbum bidibindei ba, Ditde limwa nya ibou dut bibor.

ZEFANYA 1:5

Midicok tut yo di ikui ug ei ig bou ninjek dip leu binhyepo ikuk yok bak mpia yaisi kin bed mmun kin ham mpia-bbed him nya yahagom poi hak. Midicok tut yo di ikuk yok biDa di iba neheng pai bipia ingon gom tut Da lo, yeheng bitug hon kwar Milkom ninyeng dima hak ug.

KORINTUS GI NIGOM 8:4

Tut munhyet niyem mikwau di ipigig ser ei mem ide kwar ne ikan tut bipia kwar bon ninyeng bindo tut mun di ningat rin bi. Ikan tut bipia Allah gom ngat he ba, hiter ningat rin bi sren.

YEREMIA 23:10

Minu dini mpung tut yo di ingon gom tut tuhan bi. Igyai munti nya kinei bibor ba, ibimangkrei ide nisindemti cem. tuhan sigion abris nghousi di mindhe-ndhe nya igyem apino minu dini noyam kin no di ningon ngguk tut nimai.

NINDAT KEP TUHAN NICUKTI NYA 32:15

tuhan de limwa nya inyeng tut mun nyeng hagom noro inok yo di yaham imbuk igkei kep Noni. Imig ngon nindig ba, inghop mpung tut njita cem noro ikes Allah di pai tes yok ei ba, ikou sut No di teu yok di ingwes ngun.

YAKOBUS 4:4

Mei! Jingon gom tut Allah bi. Jikan tut bipia yo di inggre kin mun di pror yon ei dihyeisi dini iba nitok bak Allah bi e? Tungwa tou rino nggre kin mun di pror yon ei dihyeisi dini lene noni ba nitok bak Allah.

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

KORINTUS GI NIGOM 6:9

Ma jiyok ngon kep bipia yo di ibit Allah ningon kanti mem yok bi nya minggre kin Allah Ninyeng Tak Kepti bi. Ma jikrau tunggwei jingonti au! Yo di icut tut yam kin yo di ikuk yok bak kwar kin yo di icut tut hi nitnem kin sop di icut tut yam kin pinai di icut tut yam,

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

AMOS 8:14

Yo di yeheng bitug hon mben Samaria ide kwar nya bipai ‘Deheng bitug hon keret Dan ide kwar’ e he ipai ‘Deheng bitug hon mben Bersyeba ide kwar’ e yahagom micut bihigom bikiju hanyen bi sren.”

HOSEA 13:6

Noro tirigi jicoi ug ei minu di nnum kei bijiyem njita bidem njita nyeng hagom bijibong kei jigwam kei bijei bi lene jingon jei ba, jingon prion ser Da cem.

HOSEA 11:8

tuhan pai “Je di mben Israel e, bit bon disindui sut je bidikes je ei kan bi. Mbro nok gino dibindei ba, mben Adma isar bingwig ba, dibibon mben Zeboim kinei lo, gino dibibon je nok gima ne gima dem dingon bi lewo dingondut je nindig bibor!

HOSEA 7:4

Yahagom yuhum yam nsi mem yok lene ingon gom tut yok cem bi. Ide ningon di kinei sut hiterti dem kep hum di nikang roti cig miep binjeng bigyo bibou kioi roti bidwoi mem gima non ei niti ug e ba, gi jo ne hum priot di mbom he.

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

YEHEZKIEL 22:11

igyem njita tut hi nitnem kin ignyot bat nya kin ikinjoi di bon nipmem ter cem.

YEREMIA 13:27

Dingat igbit je tirigi jibon kep mun nyeng di dingon mpo tut nya tu. Dingat gino juhuk bram nung nya ug ei nungug tou nya kin ngoi dumti nya tu. Jidem kep pinai gom di nibou buwei kep hi nitnem ba, jidem kep kuda nikre di bit niwek igkei. Je di timiei minu ndig Yerusalem e, buhun bibor mem je o! Apig bu leu api mijingon kwes ba, mun di kinei rap je bu bi i?”

YEREMIA 9:2

Handei kon ba, midingat mpia ttou nsi gom di yo di imbut puig sinon ibong kep inghuisi eisi ei iggum ndigsi mem gima dibongti lene midikes mben de nya leu ba, dinang ug ei mpia dima bidibong minu ting leu yok! Yahagom yaham imbuk kep Allah tu. Inok nimpung nibicom yam di ingon gom tut Allah bi.

YEREMIA 3:19

tuhan pai “Je di mben Israel e, dijoi sut gima diya um je dem kep nok diya um dimunggwom bat nya ba, diyai minu di biyai jingon di kei bije. Minu dima kei-kau dor njiriek minu nindigsi ei dihyeisi dini hagom. Dijoi sut bipia jijem Dani Jicig rin apino mijinang leu Da bu bi.

YEREMIA 2:31

Je di mben Israel e, ma jimiap kep dihyet. Dibon Danti bidinok iggum ndigsi kin nindibutti bou jiyai him e? Gi bi lene nggon rino jingkek ndok ba, jibit jenti jingon kanti lene jingkwei hanyen ndam Da bu bi sren i?

MAZMUR 50:18

Jijem jisut bit no di nggimang igkei bijibit tut niyaisi bijibicom yam bit yo di iba yoho rok nicut tut hi nitnemti nya cem.

IMAM NYA IDE MIDYAI 20:10

Gino mben Israel gom yem njita tut hiter di ntun mben Israel him nitnem lene suar jikes hukum nimai ei noni kin sop dima dip hak ug.

IBRANI 13:4

Suar tungwatu nya yahagom iba ingon bisrip huk bipia niwak yamti ne mun di kei bibor ri. Gima rino ma nijjep-nitnem nya ingon gom tut yam. Lewo Allah mikes hukum ei yo di icut tut yam kin yo di ipigau ijjep bat-itnem bat nya dip.

NIBOHON MBEN ISRAEL GI NICAN 13:9

Apo jijji tuhan de imam nya di intun Harun him kin Lewi nya him yahagom bi e? Leu api bikwop tungwa tou rino joi sut yai ninyeng imam lene suar jem sapi ningut gom kwei e, he domba ningut muhwindacan kwei e, lene jikon no dima binok imam mem gi Allah bi dima biya luei tuhan de imam nya kin Lewi nya yohoti. Lewo jo nibreisi bipia mben ngkiai cem ikon ide imam nya tug hon nisinati dima. Noro nyeni niyai bram mben ngkiai igyaisi dima bi sren o!

YEREMIA 7:9

Jinggimang cem jihwen mun cem jicut tut yam cem jiba neheng om ser mun ei nikei noho bei cem jindig mindhe ei Baal de nimbar hum dokti cem jikuk je bak ngkiai nya ide kwar nya cem.

YEREMIA 16:11

Lene ma apai biyok bipia Da di tuhan disimbot dat ‘Jidigup bat-jidigai bat nya iba inghim biDa. Leu api ikuk yok bak ngkiai nya ide nung nya cem. Iba ikou yai Dani ba, igibit Ditde nidimig sutti nya cem bi.

YEREMIA 16:20

Bon tungwatu hi heu kwar di nonti kuk no bak e? Nok gima bi sren! Ningat ne mun di bon dima ne Allah nijit rin bi.”

NIBWOS-BWOS NYENTI 3:42

“tuhan e, nibon sisar ba, niba nyende niyai munti bikiek nimig jou tut Na noro agikos ser sisar dima bi.

AYUB 31:12

Sisar dima ne mun nibindei sar rin ba, gima noyam kin hum njengti di yem mun di dinyeng tut nya hagom bingwig leu da ri.

YEREMIA 3:8

Timiei Yehuda nya ingat bipia dikou sut mben Israel di inok sop di ba ningon com Da bu bi. Dibon srat nikou sut yam bidiyai biyok lene dibikes yok drek dip gi icut ei sisar niyem njita tut sop hiterti tu. Noro timiei Yehuda nya ittin tut gima bi ba, yoni cem yuug cut ei sisar di kinei dimati bram bu.

YEREMIA 9:1

Gino dibou midem kep minyei bousi di mpung tut minyei ba, diyai midem kep kon di bindei srek minyei lene midipim nggruet mmun jei njap jei tut mben de di siceu nya igyai nimai bi yok nya!