YEREMIA 5:3 - ALLAH NIHYET MEM TUNGWATU NYA

³ Ningat ne tuhan ningon ya mem yo di iba ingon gom bibit Noni. Noni bui je tu noro jisem tut Noni. Noni bindei bijinem-nnai noro jikou sut nide nipingok jeti. Jingkek ndok ba, jikou sut gi jittin ser jide sisar.

YEREMIA 5:3 ပူးပေါင်းရင်းမြစ်များ

NITRITI 19:34

Njap di hyep bu lene nipmisop mighumbou pai bak nikinjoi “Himmun di aponi dibong bit arig tu! Akwei ba, ariman mmun lene ma sibindei arig bidut ba anggur ngei di pu no hanyen bu leu api abong gom bit noni. Apino sahacem sigwam tut simunggwom hi bintun arig him.”

NIBOU NDIG NYA GI NIGOM 13:33

Nibou Ndig Yerobeam krau kep nibon munti di kinei-kinau kikau ba, gikes hon bi. Ninda jo kep nindo imam nya leu nide limwa nimikuisi nya ikieti leu binhyepo ibon midut nya ei mpia ttou nsi ngot di win mem nikuk no bak kwar eisi nya. Tungwa tou rino joi sut lene kon binok imam.

NIBOU NDIG NYA GI NICAN 1:13

Leu api nibou ndig cuk nibou tentara gom kin bu leu binhyepo ya tut nide tentara ibou ningot muhwi biyuug bu. Nibou tentara dima kui ba, ug krau mbigdip pima lene ba nibiau bicom mpia ei Elia noho bei bahara mem “Na di Allah de awak e, ma akos ser nyende mun di kinei o! Angondut da kin ditde tentara di ibit da dini nahagom o! Ma ayai nimai binyeni au!

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

NIBOHON MBEN ISRAEL GI NICAN 28:22

Mbro nok gino mun di buhun dima bindin Ahas nindig bibor lo, noni bon kep sisar tut tuhan bikum eisi kikau.

MAZMUR 51:6

Dibon sisar tut Na di Allah Nangkom he ba, diyai mun di apai sut bipia kinei bibor tu. Gima rino ayai mun di igbit tirigi akes hukum ei da dip. Akos tutti nya sren-srau kei.

MAZMUR 51:8

Mun di bon ninyeng ei Na di Allah ayai him rino ningon di gom. Abindei ba, dingon bei mpung tut angon kiti.

MAZMUR 55:20

Allah di ninyeng tak kep mun nyeng hagom habiei ei nimbie him kikau kwei bipek ammani kep mimiap dihyet ba, bindei timek yok. Lewo ikou sut gi ittin ser ide sisar. Iba yoho rok Allah ba, igittin tut Noni cem bi.

NIPINGOK NINGONTI 21:29

Yo di ingon sren nya ingon ngkiem noro yo di isibut nya ibitot hagau.

NIPINGOK NINGONTI 22:12

tuhan nyohou yo di ipmem bat nya imiep ingon tu yahagom noro nggek tut niris kep mun cig nya ide ningon mangti.

NIPINGOK NINGONTI 23:35

Lene akan “Tungwatu nya ibui sa ba, ittem sa noro sikan tut mun dima nicut igkep sati bi. Ayo! Siyai nggrop buhun! Suar sidut pes hi kin bu!”

NIPINGOK NINGONTI 27:22

Mbro nok gino jibui no di ningon mbum bimos kei lo, ningon mbum kikau bipren hanyen leu noni bi sren.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 42:25

Gima rino Noni kes nigga biborti ei nyeni dip apino itug ndei niwei kin nidut ei pran dicut igkep nyeti. tuhan de nigga biborti noyam kin hum di cig-cai bidem minu Israel nisurti-nipekti. Noro nyeni ingon gidorti tut mun di cut igkep nye nya di bipingok ingonti bi.

YESAYA 48:4

Dikan tut bipia jingon tindak ba, jibou ngwakti nggwes cem jingkek ndok cem.

YESAYA 9:13

Gima rino tuhan kes hukum ei nibou mben Israel bitut ide limwa nya yahagom dip mem njap gom ngat he. Noni kwam minu Israel bicom nibou kin nipu ei.

YEREMIA 15:7

Dicom je leu jide minu ndig hagom noyam kin no di com gandum nisina bai di pri didiei. Mbro nok gino jinok Ditde limwa nya lo, midibindei sar jeni kin jimunggwom bat nya lewo jikou sut gi jittin ser jiyai munti di kinei bibor nya.

YEREMIA 17:23

Noro jidigup bat-jidigai bat nya imiap kep dihyet ba, yahati tut Ditde nicuk yokti dima cem bi. Ingkek ndok ba, ikou sut gima ibit dihyet cem ikou sut Ditde nipingok yokti cem.

YEREMIA 19:15

tuhan Di Sindem Bibor di nok mben Israel ide Allah pai bije “Dibindei ba, hukum di buhun bibor micut igkep minu ndig dini bitut minu mien di gahai nya cem hagom bit leu nok dipreu ei mem jeti lewo jahagom jingkek ndok ba, jingig jitingou mem dihyet bi.”

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

YEREMIA 3:3

Gima rino biget di kwei leu mpia-bbed him ntus. Biget di but mem nijam di but di biwaisi biei di nimeng tu cem gi but kwei bi. Jidem kep sop di nikrar jut. Gi mbun jimmai sut jenti kan bi.

YEREMIA 32:19

Angon kanti di akos tut ei nya bibon ninggap leusi ba, Ade nibon munti nya mindur. Angat bidem mun nyeng hagom di tungwatu nya ibon ba, abirop biyok dem igbit ide nibon munti nya.

YEREMIA 35:13

Da di tuhan Di Disindem Bibor di Allah Israel dicuk na ba, aug ngat timiei Yehuda kin minu ndig Yerusalem nya ba, atri tut disokti dini biyok. Da di tuhan dihig ser jeni “Nggon rino jigimiap dihyet ba, jigibit Ditde nicuk jeti nya bi i?

YEREMIA 44:10

Noro jigoom kep jenti bi kikau bipek ammani kep. Jikon dinyeng ba, jigibit Ditde nicukti nya di diyai bije kin jidigup bat-jidigai bat nya bi.

YEREMIA 7:26

Noro jingig jitingou mem ighyet bijiyok ngon kep ide nicuk jeti nya bi. Jengkom dini jingkek ndok ba, jaham jimbuk kep Da nindig bibor dor njiriek jidigup bat-jidigai bat nya.”

YEREMIA 7:28

Gima rino apai kep yok bipia inok mben di ingkek ndok igkei. Dani ne tuhan rin bidinok ide Allah noro ibit dihyet bi. Hukum di dikes ei yok dip tot ingonti bi. Ide niba ningon com Dati pren hak leu yok ba, isimbot kep biyam tut cem bu bi.”

YEREMIA 8:5

Nggon rino je di jinok Ditde limwa nya jikriek leu pui di nijit ba, jiba jinghim biDa bijo kikau i? Jikrau kep jide kwar nya di jikuk je bak bingkiem ba, jikou sut gi jingkwei hanyen ndam Da.

YEHEZKIEL 2:4

Ingkek ndok ba, igikuk yok biDa bi. Gima rino Da di tuhan Di Dinyeng Jei Bibor disok dihyet ei na dip bak yoni.

YEHEZKIEL 24:13

Minu ndig Yerusalem e, ade niyai munti di kinei bibor nya bindei ba, map kui nati. Mbro nok gino dibingon mem gima dibindei pwoi na lo, dem tut bi. Lewo map kui nati bijo kikau. Apwoi kei hanyen bi bibou dikes Ditde niggati ei na dip ug e.

DANIEL 9:13

Abindei ba, hukum di Musa pas kep tut ei nide srat niggai serti nya hagom cut igkep nye tu. tuhan di nyende Allah e, mbro nok gima lo, nikou sut gi nibindei angon llei sut nye. Nimbres nyenti leu sisar di nibon nya bi wer ninno tu biniyok ngon kep Ade ningginau nyeti nya cem bi.

IMAM NYA IDE MIDYAI 26:23

Gino hukum dima hagom cut igkep je leu su lo, jimiap kep dihyet cem bigyo ba, jaham jimbuk tut Da kikau,

AMOS 4:10

Dibindei ba, nsuwer ajar di buhun bibor noyam kin gi hi di dipinak ug ei minu Mesir pima hwen je. Dibindei ba, jide pinai pilei nya itug ndei nimai ei pranti leu api jide siceu nya ipos jide kuda pran bingwig leu je. Dibindei ba, jide prak meng yati nya mpung tut nimai ngut di mpiei bibor ei jihwap nsi. Mbro nok gima lo, jigingkwei hanyen ndam Da bi.

AMOS 4:11

Dibindei ba, jibihi jitug ndei nimai noyam kin mben Sodom kin Gomora di itug ndei nimai. Yo di ingwes ngun leu jikieti nya noyam kin no di nide bat iteu leu ig di hum yem. Mbro nok gima lo, jigingkwei hanyen ndam Da bi.

AMOS 4:6

Dani rino dibindei di ninggum nindig bibor hwen bidem jide minu ndig nya hagom. Noro ninggum dima bindei ba, jigingkwei hanyen ndam Da bi.

AMOS 4:8

Timiei nya ei minu ndig hi di ninggobiau hwen yok di inghuisi jet nya induk yam biyuug ei minu hiter lewo iba ingon com bipia minyei bousi biam ei mpia dima noro minyei dima dem mem yahagom idut bi. Mbro nok gima lo, jigingkwei hanyen ndam Da bi.

AMOS 4:9

Dibindei ba, hou di dut bibor cut kwei lene hai ceng nya ikieng kep beisi kin ba anggur nghousi kin jide biei ara kin biei zaitun ngohousi bibindei ba, hagom timek bingwig. Mbro nok gima lo, jigingkwei hanyen ndam Da bi.

ZEFANYA 3:7

Dikan ‘Nogindini Side limwa nya ibou cut biSa leu api iba ibou coi mem sipingok yokti bibit leu api igyok ngon kep mun nyeng hagom di sibingginau yok nya.’ Lo, ningat ne ibrim ingkek tut ide nibon mun di kinei biborti bidor tunggwei igyai munti di nipou nya bu.

ROMA 2:2

Nyeni ikan tut bipia mpe dino Allah kes hukum ei yo di ibon kep ibon kepti di nok gima yok ne nikos tutti dima igbit ri.

IBRANI 12:9

Ibon icig bat nya di ittem nye leu api ikuk nye bak yoni drek dip. Suar ikuk nye bak Icig ei gwamti nindig bibor dor njiriek bu leu binhyepo igyai niyaijo nijep di jo kikau.