YEREMIA 5:23 - ALLAH NIHYET MEM TUNGWATU NYA

²³ Noro jingkek ndok bijaham jimbuk kep Da. Jikriek ba, jikes Da ei su.

YEREMIA 5:23 ပူးပေါင်းရင်းမြစ်များ

MAZMUR 78:8

Leu binhyepo yoni midat idigup bat-idigai bat nya dino yaham imbuk kep Allah leu api igibit Nide nicukti nya bi dimati bi. Ndigpoi nipou dima iba ingon comti ngkiem ba, ingon gom tut Allah cem bi.

MAZMUR 95:10

Dikou sut yok mem ari bingwam ningot bitai bidikan “Yo dima ingon mang ba, ingkek ndok tut Side nicuk yokti nya.

YESAYA 1:5

Nggon rino jaham jimbuk kep Noni ninno tu i? Jijoi sut gima tuhan ba hukum di buhun bibor hi kin bu bihwen je e? Jibou bok-ba lene jingon kinei ba, jibou buwei cem tu.

YESAYA 31:6

tuhan pai “Je di mben Israel e, jaham jimbuk kep Da bijibon sisar tut Da tu. Noro ma jingkwei hanyen ndam Da nogindini hak ug!

YEREMIA 17:9

Tou riningon dorti tut mun di jo ningon bei i? Ningon ki tut niris mun igkeisi dor njiriek mun nyeng hagom ba, ninggwenti buhun bibor.

YEREMIA 4:17

Siceu dima migyon ttai minu ndig Yerusalem noyam kin yo di igya ser ide dihyei hanjop nsi nya. Mun dima yok hagom cut igkep timiei Yehuda nya lewo yaham imbuk kep tuhan tu. tuhan simbot dat tu.

YEREMIA 5:5

Nna ba duug ngat pinjoi ndig nya bidimbrap bit yok. Lewo ningat ne yoni ikan tut tuhan Allah ningon kanti kin Nide niyok ningon mem yoti.” Diyai nok gima tu noro ningat ne yahagom ikou sut tuhan ninyeng tak kep yokti ba, ikou sut gima ibit nihyet.

YEREMIA 6:28

Yahagom yaham imbuk kep Da ba, ingkek ndok noyam kin ngkimom-tembaga kin ngkimom nitu. Yahagom igyai munti nya mpiei bibor ba, ittei mumpui ei yamti.

HOSEA 11:7

iba ingkek di ndok bikiek yoho ter leu Da cem. Gima rino yoni mitug ndei mun di buhun di micut igkep yok. Mbro nok gino yahara hiter mem gima kwei mpu yok lo, bit bon hi teu yok bingwes ngun kan bi.”

HOSEA 4:8

Mun di jinyeng tut dima kum eisi bu tug hon Ditde limwa nya ide sisar di ibon nya. Gima rino gino ibon sisar kwop ne jijoi sut igyai munti dima.

ZEFANYA 3:1

Timiei minu ndig Yerusalem igyaijoti kinei ba, itug ndei nisigionti drek dip ide naham nimbuk kep tuhanti kin ico kep yonti ide timiei nyati cem!

NINDAT KEP TUHAN NICUKTI NYA 21:18

“Gino munggwom pinai hi ningkek ndok ba, co kep nide ndigpoi nya ba, bit ighyet bi lene mbro nok gino ikes hukum ei noni dip lo, co kep yok kikau,

NINDAT KEP TUHAN NICUKTI NYA 31:27

Dikan tut bipia yo dima ingkek ndok ba, ikiek imig jou tut Noni. Lewo yaham imbuk kep Noni habiei tirigi sindi dibie tut yok kikau kwei bipek ammani kep tu. Lene miyaham imbuk kep Noni nindig bibor bu ei niabiati dimai leu yok.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.