YEREMIA 5:12 - ALLAH NIHYET MEM TUNGWATU NYA

¹² tuhan de limwa nya ipai mun di igbit bi tut Noni. Ipai “Nok ug e. Noni mibon mun nyeng hi bi. Nyeni mitug ndei mun di buhun bicut ei pranti kin nimai ninggumti cem bi.

YEREMIA 5:12 ပူးပေါင်းရင်းမြစ်များ

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

MAZMUR 10:6

Noni kan “Bit bon diyai mun tunggwei kan bi. Midicut ug ei mun di srou dati bi sren bijo ninno bijo kikau.”

MAZMUR 14:1

Doia Daud mem no di bie tut doia nimpung No di ningkek ndok kan “Allah No rinaha bi sren!” Yo di ipai gima ne ingon rom nindig bibor ba, isibut bibor cem. Ei dihyeisi dini hagom ne no di ningon sren no rinaha bi sren.

NIPINGOK NINGONTI 30:9

Leu gino abikum eisi ba, dinyeng bibor lene midikan ei dingonti bipia disuar na di Allah bu bi. Ne gino duhui mbum bibor ne leu ma dinggimang ndiyok lene gima bindei ba, tungwatu nya ingwes pri gau Na.

YEREMIA 14:22

Bit bon ngkiai nya ide kwar nya ibindei ba, mpia but kan bi. Mpia-bbed him cem sindem mem gima bindei ba, biget mbras kwei ei dihyeisi dini bi. tuhan e, niyok ningon mem Nangkom. Nangkom he rino abindei ba, mun dima yok pek kep mem nye.

YEREMIA 2:6

Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.

YEREMIA 28:4

Midingkwei Yoyakhin di Yoyakim nipmot di nok nibou ndig mem minu Yehuda bitut limwa Yehuda di ikri yok ug ei minu Babel nya cem yahagom hanyen kwei ri. Dipai nijit bipia midicut minu Babel de nisindemti. Da di tuhan disimbot dat tu.”

YEREMIA 4:10

Leu api dipai “Na di tuhan Di Anyeng Jei e, aris bak timiei Yehuda nya kin timiei minu ndig Yerusalem nya tu! Apai bipia minibong kei-minigwam kei. Noro bi. Lewo nogindini siceu mikrau singau simeda tut nye binimai ri.”

YEREMIA 43:1

Tirigi ditri tut tuhan di Allah Israel de nisok nihyetti hagom bak limwa nya bit leu Nide nicuk dati biyok tu,

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

YEREMIA 6:14

Yoni ingat Ditde limwa nya ibokti dima nok mun di buhun bi bipai biyok ‘Dwai. Hagom kei ba, jo nyahan.’ Noro ningat ne nok gima bi bibor.

YEHEZKIEL 13:6

Ningat-hi-ngat di ingat nya ne nitrowai nitu. Mun di itri tut di mipek kep ei nidipti bu cem isuglai he. Ikon ighyet tut bipia mun di ipai sut nya ne ipai sut dihyet di disok ei yok dip lo, digicuk yok bi sren. Mbro nok gima lo, ingon ya mem gima ighyet di itri tut dima mipek kep mem yok!

MIKHA 2:11

Jijoi sut nabi di ris mun igkei bipai sut mun di mipek kep mem je ei nidipti bu nok gini ‘Jei bi ne jidut ba anggur ngei kin mun di pu je nindig bibor ri.’ ”

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

NINDAT KEP TUHAN NICUKTI NYA 29:19

Gino tungwa hi leu jikieti miap tut tuhan nicukti di buhun bibor dima lene ma kan bipia mbro nok gino rom no kep nonti ningon kanti lo, mun di pek kep mem niyaijoti nya hagom mimbut nok gi kei mem noni. Noni mikan nok gima au. Mun dima mibindei sar jeni bitut yo di ingon rom kin yo di ingon sren cem jahagom.

YOHANES GI NIGOM 5:10

Gima rino no di ningon jo kep Allah Nipmot pwoi mun di Allah ngat bou niyai him bitri tut dima ei ningonti. Noro no di ningon jo kep Allah bi pai kep Noni bipia Noni ris. Noni pai nok lewo ningon jo kep mun di Allah ngat bou niyai him bitri tut Nipmot bi.

SAMUEL GI NIGOM 6:9

Lene ma jitou kep imbutti. Gino sapi nya imbut hallu kak puig ndam Bet-Semes lene mijo nibreisi mem nye bipia Allah Nonti ripo kes hukum di buhun bibor pini ei nye dip a. Ne gino sapi nya imbut ter lene gima mibindo brei binye bipia Allah Nonti ripo kes hukum dima ei nye dip bi noro mun di buhun bibor dima cut igkep nye mikui-kausi.”