YEREMIA 5:10 - ALLAH NIHYET MEM TUNGWATU NYA

¹⁰ Midicuk siceu nya ba, inggek yo dini ide ba anggur nghousi nya lo, inggek bisar ningwig hak bi. Midicuk siceu dima yok ba, ikos yo dini ide ba anggur ninda leu. Lewo ninda dima yok ne Ditde bi.

YEREMIA 5:10 ပူးပေါင်းရင်းမြစ်များ

NIBOHON MBEN ISRAEL GI NICAN 12:4

Noni coi bihwen minu ndig di sindem bibor ei minu Yehuda leu lene yai biyati sindam kikau ba, kwei ya hon minu ndig Yerusalem.

NIBOHON MBEN ISRAEL GI NICAN 36:17

Gima rino tuhan pingok ei nibou ndig mben Babel ningonti leu binhyepo njei bihwen yok. Nibou ndig dima yai nimai bak limwa Yehuda nya di ipilei yo nya bitut yo di ingat rin ei tuhan De Ig nya cem ba, gingondut tungwagom ngat cem bi. Noro yai nimai bak andigpoi nya kin pilei nya bitut pinai-sop nya kin yo di inggwen nya kin yo di inghuisi kwes nya yahagom hak ug. Allah kes yo dima yahagom ei nibou ndig mem mben Babel ninda nsi.

YEREMIA 2:21

Dita je bijinok ba anggur nikioi di kei bibor. Noro tini bu ne jinok ba anggur di ngoi-nga di bit bon ngat ningat kan bi.

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 30:11

Midihwou teu je bijingwes ngun ba, dibindei sar ngkiai nya di dibindei ntek je ug eisi nya yahagom. Noro dibibon je nok gima bi. Ningat ne mijingwes ngun leu hukum bi. Noro hukum di dikes ei jeni dip dima ne hukum di tug hon Ditde ningon gomti rin ba, dem igbit nikos tutti di jo tu. Da di tuhan disimbot dat tu.”

YEREMIA 39:8

Tentara Babel nya inda jo kep bindig nibou ndig de ig kin ig ngot di limwa nya ide ba, inggek ngug tig di bikrop ttai minu ndig Yerusalem cem.

YEREMIA 4:27

Nipou ne tuhan pai bipia dihyeisi dini titut yam minok iggum ndigsi noro Noni mibindei sar hagom bingwig hak bi.)

YEREMIA 46:28

Je di Ditde limwa nya e, ma jittin au. Midikwei teu je bijingwes ngun. Midibindei sar ngkiai nya di dibindei ntek gimahap je ug eisi nya yahagom hak ug. Noro midibindei sar jeni bi. Ningat ne mijingwes ngun leu hukum bi. Noro midikes hukum di igbit di dem mem dikes ei jeni dip hak ba, bit leu dikos tutti. Da di tuhan disimbot dat tu.”

YEREMIA 5:11

Mben Israel kin timiei Yehuda nya yaham imbuk kep da bibor tu. Da di tuhan disimbot dat tu.”

YEREMIA 5:18

tuhan pai “Mbro nok gima lo, ei nijam dima ne midibindei sar Ditde limwa nya yahagom ningwig bi.

YEREMIA 5:9

Suar dikes hukum ei yok dip drek dip igyai munti dima ba, dibuhup biyok tut mun di ibon nya.

YEHEZKIEL 12:16

Midisindui sut ibou poi he bingwes ngun leu pran kin ninggum kin nsuwer ajar cem leu binhyepo ingon huk niti tut ide nibon munti di kinei bibor nya ei ngkiai nya ikieti. Yoni mipai jit bipia Dani ne tuhan ri.”

YEHEZKIEL 14:17

Hi rima dipinak pran kwei ei minu dima tug hon tentara di ikrau minggwen di sindem kei nya bikwei mem gima diba yok bicok tut tungwatu kin mindhe-ndhe nya leu minu dima cem.

HOSEA 1:9

tuhan pai bida “Ma ajem ninyeng ‘Ditde Limwa Bi’ lewo dihig mben Israel nok Ditde limwa nya bi lene dinok ide Allah bu bi.”

AMOS 9:8

Da di tuhan Di Dinyeng Jei Bibor diyok diyai kep je di mben Israel di jibon sisar leu api midibindei ba, jitimek bijingwig leu dihyei njek dip. Noro dibindei ba, yo di intun Yakub him yahagom imai bingwig bi. Da di tuhan disimbot dat tu.

MATIUS 22:7

Nibou ndig ningon sibui sut yo dima nindig bibor. Noni cuk nide tentara nya biyuug yai nimai biyok lene pindei ide minu ndig dima bitimek.